Xo̱jo̱n Salmoo̱ 132:14 - Xo̱jo̱n eén Néná

¹⁴ «Kꞌi̱e̱ bí nínga kꞌuijñá an na̱ngo̱xi̱na. Kꞌi̱e̱ bí nínga ngatsjéni̱xtjin kotixoma an, ngatꞌa̱ jè bo̱a̱ tsꞌén kamámejénna an.

Xo̱jo̱n Salmoo̱ 132:14 ပူးပေါင်းရင်းမြစ်များ

Xo̱jo̱n Salmoo̱ 132:8

Ji Ne, ¡ja̱bíꞌi̱n kó ndibéje̱ ji koxa̱a̱ kjo̱a̱ꞌbíndàa̱, kui xi bokó ngaꞌniú xí tjiín, ki̱a̱ na̱ngo̱xi̱ nínga ngatsjéni̱xtjin nga ku̱i̱ndyin ji!

Xo̱jo̱n Salmoo̱ 135:21

¡Si̱ꞌantsjàa̱ Néná, kui Néná xi tikón ki̱a̱ na̱xi̱ńdáꞌniú Jerusale̱n! ¡Si̱ꞌantsjàa̱!

Xo̱jo̱n Salmoo̱ 68:16

Jún na̱xi̱ xi ꞌniú nkꞌa, ánní nga ma onkonjnú nga tsitsijenjnúu̱, kui na̱xi̱ xi Néná jè jaꞌájin, nga ki̱a̱ kꞌuijñá, ja̱koxi̱ boá nga Néná ki̱a̱ kꞌuijñá ngatsjéni̱xtjin.

Xo̱jo̱n Salmoo̱ 68:18

Kꞌinnijíngí ji nínga nkꞌaa̱, nga kꞌinje̱ ji xota̱ xi síndoꞌniuú, ki̱a̱ kachjábé jí kjo̱a̱tjó xi katsꞌénkꞌasꞌiee̱n xota̱ nga̱sondiee̱, kó ngaskande ko̱jo xota̱ xi kitikjo̱a̱a̱ katsꞌénkꞌasꞌiee̱n nga, kó ki̱a̱ kixindyinjìi̱n kui xotaa̱ ji Ne.

Xo̱jo̱n Salmoo̱ 76:2

Ki̱a̱ na̱xi̱ńdáꞌniú Jerusalee̱n tikón na̱ngo̱xi̱i̱, kó ki̱a̱ na̱xi̱ńdáꞌniú Sioo̱n tikón ngi̱ndiee̱.

Xo̱jo̱n Salmoo̱ 87:2

Achichí tjoó Néná nga̱ntjo̱a̱a̱ na̱xi̱ńdáꞌniú Sioo̱n, tjó ngasee̱ ta̱bo̱a̱jiín ndiꞌaa̱ xota̱ tji̱e̱e̱ Jakoo̱b.

Matioo̱ 23:21

kó xi na̱ngo̱xi̱i̱ tsꞌénꞌbijñángí eén, jmí tsi ta̱ na̱ngo̱xi̱i̱ tsí xi tsꞌénꞌbijñángí, ko̱jo Néná xi tikón ki̱a̱a̱ xí tsꞌénꞌbijñángí nga.

Xota̱ Éfeso̱ 2:22

Ta̱ngatꞌanii̱ nga ngo majo̱jnú Kristoo̱, nga jún xí ka̱majnú xikoó ngo na̱ngo̱xi̱ nínga kꞌuijñá A̱si̱énni̱xtjii̱n Néná.

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Ni xi akakoo̱ 21:23

Kó kui na̱xi̱ńdáꞌniuú jmí tsꞌué ti̱nde jmí sá chjiénjiín xi sa̱ꞌíntsijee̱n, ngatꞌa̱ ndiꞌií kjo̱a̱jee̱ Néná xí tjítsꞌéntsíjee̱n, kó cho̱tsa̱nga̱a̱ boá xi ndiꞌí xí tsꞌentsíjee̱n.