Xo̱jo̱n Salmoo̱ 13:2 - Xo̱jo̱n eén Néná

² Ngaskande kjiꞌání nga nda̱ ka̱mana, ko̱jo nga ndyiojón ndyiojón ndasen ka̱maa̱ ini̱ma̱na. Ngaskande kjiꞌání nga to̱kó kondra̱na xi ko̱tíxomana.

Xo̱jo̱n Salmoo̱ 13:2 ပူးပေါင်းရင်းမြစ်များ

Na̱ Estee̱r (Ebreo̱) 7:6

Kó na̱ re Estee̱r, bi̱ katsó: —¡Kui kondra̱ xi ndajiín kꞌi̱e̱ tikón kꞌi̱e̱e̱, kó Amaa̱n boá! Kó nga tsintꞌié kuí nii̱ Amaa̱n, achichí katsakjónní ngindyi̱ko̱n ree̱ ko̱jo na̱ ree̱.

Joo̱b 10:15

¡Xi̱xꞌi̱a̱n xò án tsi katsꞌenjé án! Kó tsi jmíjéjínna, nde májín ko̱n an nga ji skoꞌaa̱. ¡Jè tsꞌajonna nga kixi̱jín ko̱jo nga ndasen tikón an!

Xo̱jo̱n Salmoo̱ 10:18

kó ꞌmijindeje̱ ji xota̱ xi síndo xꞌi̱a̱a̱n, ko̱jo xota̱ xi ndajín kjimataꞌii̱n, tsi̱ꞌe̱ nga ingojín xota̱ nga̱sondiee̱ xi sa̱ꞌiín ni xi ꞌniú ndajín kje̱ꞌe xota̱.

Xo̱jo̱n Salmoo̱ 116:3

Kjo̱a̱bo̱yaa̱ jè íjñaꞌniúna katsaki, achichí katsakjon an nga ko̱yà án. ¡Achichí ꞌniú nda̱ kamána!

Xo̱jo̱n Salmoo̱ 17:9

tsi̱ꞌe̱ nga sku̱i̱e̱jínna xota̱ xi ndajín xi ndyi̱kjánjo̱na, ko̱jo kjo̱a̱a̱ kondra̱ xi je íchjáꞌyána nga mejeén sa̱ꞌínkꞌiénna.

Xo̱jo̱n Salmoo̱ 31:18

Takje ji tsꞌoa xota̱ xi ndisoo̱, kui xi achichí ndikón tsꞌén ndyi̱chji̱a̱ kondraa̱ xota̱ xi kixi̱i̱, nga ndyi̱tsꞌènkjién kjo̱a̱nkꞌakoo̱n ko̱jo kjo̱a̱niꞌánchꞌoó.

Xo̱jo̱n Salmoo̱ 38:17

Ngatꞌa̱ jè mejeén kꞌo̱ka an, ngatꞌa̱ kui xi so xi ndakjaa̱n ngiti̱ xixiójín.

Xo̱jo̱n Salmoo̱ 42:4

Kjiꞌanga foaꞌátsjienna kui nii̱, achichí ndasen mana, kó foaꞌátsjienna kjiꞌanga kijí an ndi̱yà xí fí na̱ngo̱xi̱i̱ nga kistsoꞌbátjóo̱n xota̱ kjiín, foaꞌátsjienna sꞌué xí ꞌniuú, ko̱jo nga na̱xi̱ńdáa̱ askjandáyátsjá má nga katsꞌéntsjaà.

Xo̱jo̱n Salmoo̱ 6:4

¡Tsitsíjin nginí, kó ꞌna̱xiéꞌéní! ¡Ta̱ngatꞌanii̱ kjo̱a̱ni̱ma̱takóo̱n, ꞌniú míꞌaá nga ko̱ꞌna̱xiéꞌéní!

Xo̱jo̱n Salmoo̱ 7:2

ngatꞌa̱ tsájmi̱, sa̱ꞌínkꞌiénna, kó sa̱ꞌínxi̱na xikó tsꞌén xandi̱je̱e̱, kó ngiti̱ jmíjín xi ka̱maa̱ kꞌo̱xiéꞌána.

Xo̱jo̱n Salmoo̱ 74:10

Ji Ne, ngaskande kjiꞌání nga kondraa̱ to̱kó chꞌo ka̱tso̱ ngasejne̱. A ngatsjéni̱xtjin nga to̱kó chꞌo ka̱tso̱o̱ jaꞌée̱n.

Xo̱jo̱n Salmoo̱ 74:18

Ji Ne, ngatjaꞌátsjiee̱n nga chꞌo katsoó kondra̱a̱, ko̱jo nga ngo xtín xota̱ na̱xi̱ńdá xí chꞌo katsoó jaꞌée̱n.

Xo̱jo̱n Salmoo̱ 8:2

Kjo̱a̱a̱ xikótsꞌèn tsꞌéntsjaà jákjíndií ko̱jo ndíndaa̱, kuí boá kui nii̱ xi niꞌínkjìn jí nga ꞌbíchjée̱ kondra̱ tse̱, ¡tsi̱ꞌe̱ nga ko̱ókjo tsꞌoa kui, ko̱jo kui xi mongase nga sa̱ꞌíngojoo̱!

Xo̱jo̱n Salmoo̱ 9:6

Jè kichajá kondraa̱, jè kisꞌińdomasien ngatsjéni̱xtjin. Na̱xi̱ńdáꞌniú xí kiniꞌínkjatsén jí, ki̱a̱ nijan jesónjo̱ kjo̱a̱foaꞌátsjiee̱n.

Énkjínkón 15:13

Xota̱ xi tsjakjiꞌii̱ ini̱ma̱a̱, tsja tsꞌén bokó kje̱en, ta̱nga xi oo̱n ini̱ma̱a̱, ndasen tsꞌén ꞌbíjñá a̱si̱énni̱xtjii̱n.

Eklesiastee̱ 5:17

Kó ngayeje ni̱xtjin nga kꞌuijñá, kꞌuijñá xikoó tsi nínga jñó tikón, kó ndasen ka̱maa̱, kꞌuieé xi so xi ndakjan, kꞌuieé chiꞌin, ko̱jo kjo̱a̱xti.

Kjo̱a̱chaꞌaá 1:5

Kondraa̱ na̱xi̱ńdáꞌniú Sioo̱n jè kuí ndyi̱botixómá ngotꞌe̱ ꞌne̱, kó achichí tsjá maá, ngatꞌa̱ Néná boá xi katsꞌéndasee̱n, ta̱ngatꞌanii̱ nga achichí jé xí katsꞌén. Kó ndí jákjíndií je tsangínjo̱ ꞌniú nga kiniꞌánkjítjoón xota̱ xi kondraa̱.

Kjo̱a̱chaꞌaá 1:9

Xtjímasienkjaá boá xi je ndándí, kó katsꞌénkjójín ni xi ka̱maa̱ nga kju̱i̱e̱tꞌani. Achichí fíndikónna nga ni̱ma̱kjo̱a̱ ikꞌíjñá, kó nde jmíjín xi katsꞌéndajoo̱n. Ngotꞌe̱ ꞌne̱ bi̱ tsó: «Ji Ne, tsitsíjìi̱n kjo̱a̱ni̱ma̱na, ngatꞌa̱ achichí ngaꞌniú kisꞌie ngasee̱ kondraa̱»

Kjo̱a̱chaꞌaá 5:20

Míkjo̱a̱a̱ nga si̱ꞌinchíyé kjin kjinjne̱ ji̱n. Míkjo̱a̱a̱ nga bo̱a̱ kjiꞌi ni̱xtjin kꞌuijñímasinjne̱.

Matioo̱ 26:38

Kósꞌe̱ Kjisoo̱, bi̱ katsoó: –Achichí ndasen tikón ini̱ma̱na ngaskande nga ko̱yà an, ti̱ndyionrajnú kꞌi̱e̱e̱, kó nijan ku̱i̱ndyionda.

Rkaa̱ 22:53

Ndyiojón ndyiojón kisꞌijñajo̱jnúꞌun ki̱a̱ ndi̱tsen na̱ngo̱xi̱i̱, kó ikjienjínjnú ndsa̱jnú nga kandobájnúꞌun, ta̱nga kuí xi̱ꞌbi̱ xi ora̱jnú, kó jè ko̱tíxoma nínga jñoó.

Juaa̱ 16:6

Ngatꞌa̱ jè kixiyajnúꞌun kui nii̱, kuíni nga ndasen tikón ini̱ma̱jnú.

Xota̱ Roma̱ 9:2

Ngo kjo̱a̱ndasen xi ꞌniú je tikónna, kó ngatsjéni̱xtjin tikónna ngo kjo̱a̱ndakjan ngi̱jii̱n ini̱ma̱na.

Xota̱ Filipo̱ 2:27

Ngatꞌa̱ ja̱koxi̱ boá nga kamáꞌoón, kó ngaskande mején kꞌien katsaki, ta̱nga Néná ni̱ma̱ kamaá kui, kó ko̱jo an ni̱ma̱ kamaá an Néná nga, tsi̱ꞌe̱ nga kꞌuiéjín ngasena kjo̱a̱ndasen xikoó xi ja̱bo̱a̱ je tjínna.