Xo̱jo̱n Salmoo̱ 128:1 - Xo̱jo̱n eén Néná

¹ ¡Néná tsꞌénchíkonñé ngayeje xota̱ xi ntꞌiéꞌeén, ko̱jo xi fítji̱ngi kjo̱a̱bokoyaá!

Xo̱jo̱n Salmoo̱ 128:1 ပူးပေါင်းရင်းမြစ်များ

Xo̱jo̱n Salmoo̱ 103:1

¡Ngayeje ngaꞌniú xí tjínna nga sa̱ꞌintsjáa̱ Néna!

Xo̱jo̱n Salmoo̱ 103:13

Kui xota̱ xi tsꞌéndíkón Néná, Néná achichí nda tsꞌénjo̱, xikó má tsꞌénjo̱ ndií ngo na̱ꞌmi.

Xo̱jo̱n Salmoo̱ 103:17

Ta̱nga kjo̱a̱tjoó Néná, jmíni̱xtjin sa̱síkjo, Néná tsꞌéntjó xota̱ xi tsꞌéndíkón kuí, kó ngatsjéni̱xtjin nga kixi̱ tsꞌénjo̱ xota̱ tji̱e̱ xi jaskan ndibaá,

Xo̱jo̱n Salmoo̱ 112:1

¡Si̱ꞌantsjàa̱ Néná! ¡Néná tsꞌénchíkonñé xota̱ xi tsꞌéntsjaà kui, ko̱jo xi tsja maa̱ nga tsꞌénkjátjosón kjo̱a̱botíxomaa̱!

Xo̱jo̱n Salmoo̱ 115:13

kó tsꞌénchíkonñé xota̱ xi tsꞌéndíkón, tsi xota̱ xi yandikón, ko̱jo tsi xi yandikónjín.

Xo̱jo̱n Salmoo̱ 119:1

Ji Ne, jí boá xi niꞌínchikonñí xota̱ xi tjimá ndi̱yà xí ndaa̱, xota̱ xi ngayeje ini̱ma̱a̱ nga tjimátji̱ngi kjo̱a̱bokoyáa̱.

Xo̱jo̱n Salmoo̱ 119:3

Jmí ni xi ndajín ndyi̱tsꞌènjín kui xotaa̱: ta̱ jí tsí xi ndyi̱ntꞌièꞌeén.

Xo̱jo̱n Salmoo̱ 120:1

Ji Ne, kjiꞌanga nda̱ kjimana, ji chjiaá, kó niꞌínsénní.

Xo̱jo̱n Salmoo̱ 121:1

Nínga síndo na̱xi̱i̱ skotsijen an, ñá kji̱ndi̱báni xi ko̱síko̱jona.

Xo̱jo̱n Salmoo̱ 122:1

Achichí tsjá kamána nga bi̱ kiꞌmína: «¡Tjián na̱ngo̱xi̱i̱ Néná!»

Xo̱jo̱n Salmoo̱ 123:1

Ji Ne, ji xi ree̱ ngayeje nkꞌajmii̱, ta̱ngatꞌanií ji nga tindyionjne̱, xikótsꞌèn ta̱ngatꞌanii̱ kjo̱a̱ni̱ma̱takoón ndi̱a̱a̱ nga tjíndoni mosoo̱. Ji Ne, ta̱ngatꞌanií ji nga tindyionjne̱, kó ndyi̱chiyájne̱ nga kꞌuieé kjo̱a̱ni̱ma̱takón nganda tsa̱ji̱n.

Xo̱jo̱n Salmoo̱ 124:1

Tsi asíko̱jojínjne̱ Néná, mí ni xi kamájne̱ tsobo̱a̱. ¡Ngayeje xotaa̱ ki̱a̱ Israee̱l jè yàjne̱!

Xo̱jo̱n Salmoo̱ 125:1

Xota̱ xi maꞌniátakón Néná, xikónií na̱xi̱ Sioo̱n, nga jmíjín xi maa̱ tsꞌéntíyaà. ¡Ngatsjéni̱xtjin nga kꞌuíndo!

Xo̱jo̱n Salmoo̱ 126:1

Kjiꞌanga Néná katsꞌénkjindibá nginíjne̱ ndeskande Babilonia̱, ngaskande Jerusale̱n, kiniꞌánkjójne̱ nga ta̱ chi̱ni boá xi kjiboeꞌéjne̱.

Xo̱jo̱n Salmoo̱ 127:1

Tsi Nénájín xi tjítsꞌénda kui ndiꞌaa̱, ta̱kjo̱a̱ndaní nga ndyi̱tsꞌènxá kuí chji̱ni̱e̱xo̱ó xi ndyi̱tsꞌèndaa̱. Tsi Nénájín xi konda na̱xi̱ńdáꞌniuú, ta̱kjo̱a̱ndaní nga ku̱i̱ndyiáńjñaá yojoo̱ já xí kondaa̱.

Xo̱jo̱n Salmoo̱ 147:11

Ni xi tsꞌénchjínií Néná, kuí boá nga xota̱ nga̱sondiee̱ ntꞌiéꞌeén, ko̱jo nga ma maꞌniátakón kjo̱a̱tjoó.

Xo̱jo̱n Salmoo̱ 81:13

»¡Achichíra̱ tsjana tsi xota̱ na̱xi̱ńdána tsintꞌiéna katsaki! ¡Achichíra̱ tsjana tsi xota̱ Israee̱l ki̱a̱ kisꞌiṉtso̱ma ndi̱yàna katsaki!

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Ni xi kamá 9:31

Tji̱e̱nga ngayeje xota̱ na̱ngo̱xi̱ xi chji̱a̱ni nangi Jundea̱, ko̱jo nangi Ngalilea̱, ko̱jo nangi Samaria̱ kisꞌiee̱ kjo̱a̱xió, ko̱jo kasakongaꞌniuú, kó kamándikoón Néná nga kisꞌińdo, kó A̱si̱énni̱xtjii̱n Néná katsjángaꞌniuú kui xotaa̱.

Ndeuteronomio̱ 28:3

»Néná sa̱ꞌínchikonñéjnú ta̱ nínga tindyiónjnú, tsi nínga jno̱o̱ ko̱jo tsi nínga na̱xi̱ńdáꞌniuú.

1 Xota̱ Tesalónika̱ 4:1

Kjo̱a̱a̱ ni xi chaja ngasee̱, jún ntsꞌie, ꞌniú chjiáꞌájne̱ ko̱jo ꞌniú botíxomajne̱ ngi̱yaa̱ jaꞌeén Ndi̱a̱ná Kjisoo̱, tsi̱ꞌe̱ nga ndyiojón ndyiojón nda ngase tsꞌén ku̱i̱ndyionjnú xikótsꞌèn tsja maa̱ Néná, xikótsꞌèn akakoyájne̱ ji̱n. Nga ja̱koxi̱, ja̱ jè bo̱a̱ ndyi̱niꞌánjnú.