Xo̱jo̱n Salmoo̱ 122:4 - Xo̱jo̱n eén Néná

⁴ ¡Ngaskande nínga tindyin ji fochó xota̱ tji̱e̱e̱, ngayeje xota̱ tji̱e̱ xi chji̱a̱ni Israee̱l! ¡Ngaskande nínga tindyin ji fochó xota̱ na̱xi̱ńdaá tsi̱ꞌe̱ nga sa̱ꞌíntsjaá Néná, xikó má katsó kuí nga atíxoma!

Xo̱jo̱n Salmoo̱ 122:4 ပူးပေါင်းရင်းမြစ်များ

Xo̱jo̱n Salmoo̱ 100:4

Ti̱tjásꞌi̱e̱njnú nínga tikón nga̱ntjo̱a̱ Ndiꞌandikoón, ¡kó ti̱ꞌantsjàjnúu̱ nga ku̱i̱tjásꞌi̱e̱njnú ndi̱tsee̱n! Te̱ꞌéjnúu̱ ndokꞌóchji̱ì, kó ti̱ꞌantsjàjnúu̱ jaꞌeén.

Xo̱jo̱n Salmoo̱ 118:19

¡Chjáxꞌájnúꞌun ndi̱yà, jún nga̱ntjo̱a̱a̱ na̱ngo̱xi̱i̱ Néná! Ki̱a̱ nínga tindyiónjnú, ta̱kuítsí xi foaꞌa xota̱ xi Néná kixi̱ kjimaa̱. ¡Chjáxꞌájnúꞌun ndi̱yà, ngatꞌa̱ mejénna nga tsjàa̱ ndokꞌóchjì Néná!

Xo̱jo̱n Salmoo̱ 132:13

Jí boá xi kachjeꞌéjin ji na̱xi̱ńdáꞌniú Jerusale̱n tsi̱ꞌe̱ nga ki̱a̱ ku̱i̱ndyin ji ngatsjéni̱xtjin. Kó bi̱ kase ji:

Xo̱jo̱n Salmoo̱ 78:68

ta̱sá xota̱ tji̱e̱e̱ Jundáa̱ xi jaꞌájin, ko̱jo na̱xi̱ xi tikón ki̱a̱ na̱xi̱ńdáꞌniú Sioo̱n kui xi achichí tjó kamaá.

Xo̱jo̱n Salmoo̱ 81:6

«Jè jaꞌáxín án nga̱són tjiàa̱ kui chꞌià é xí yaꞌanijín, jé kamándé tsjá kjo̱a̱a̱ kui ńdiekachján xi ta̱nisién eé.

Éksondo̱ 23:17

»Ngayeje jáxíꞌín xi xchaá chjiéngá ngindyi̱ko̱n an ngatjíkindyia nga ján ndi̱yà nga má kui sꞌueé.

Éksondo̱ 32:15

Moisee̱ ítsꞌi̱yanii̱ nga jatjajenni kui na̱xi̱ Sinaii̱. Kó ki̱a̱ tjiyátsjà nga jó tie ndi̱jo̱ nínga Néná katsꞌénꞌindó kjo̱a̱botíxomaa̱ ngajó ngaboaá.

Ndeuteronomio̱ 12:5

»Néná kjo̱a̱ꞌájin ngo ngi̱ndie nínga kꞌuijñá nga kꞌuijñájinjnú kuí, kó ki̱a̱ boá nínga kongínjnú tsi̱ꞌe̱ nga si̱ꞌantsjajnúu̱, nga xꞌi̱a̱jnú kjo̱a̱tjó xi kꞌuitíjnú nganda tsi̱ꞌe̱. Kó ti̱ ki̱a̱a̱ chjiéngá kongínjo̱jnú tie nga úchaán ngayeje ni xi si̱ꞌánjnú, ko̱jo chji̱e̱ xi ngayeje ini̱ma̱jnú nga si̱ꞌankꞌasꞌienjnú, ko̱jo ndí xí tjoón cho̱yojojnú, ko̱jo cho̱tsa̱nga̱jnú, ko̱jo kje̱ꞌe ngase kjo̱a̱tjó xi kiꞌmíyatjónjnú nga ko̱e̱ꞌéjnúu̱.

Ndeuteronomio̱ 16:16

»Ján má sꞌué xí má xki̱ nó, xi chjiéngá nde ngojín xota̱ xi je tsꞌatio tiejó noó xi xcha̱ja, kuí bí kui sꞌueé xi xian an: Sꞌué paskuaa̱, sꞌueé cha̱a̱n ni xi kamáxchaá, ko̱jo sꞌueé ndiꞌa nkꞌieén. Nga ján kui sꞌueé, chjiéngá ki̱a̱ ka̱ma ki̱a̱ ndiꞌandikoón, kó chjiéngá ngayeje xotaa̱ nga ko̱a̱ꞌa ngo kjo̱a̱tjó tsi̱ꞌe̱ Néná. Ta̱ xikótsꞌèn tjítsꞌénchíkonñé Néná, bo̱a̱ kjiꞌi kjo̱a̱tjó xi sa̱ꞌínkꞌasꞌiee̱n.