Xo̱jo̱n Salmoo̱ 12:6 - Xo̱jo̱n eén Néná

⁶ Én xí chji̱a̱ Néná, én xí tsjie boá, kó kuí boá xi xikoó to̱ntiboa xi yito ndi̱yà niꞌántsjieni ngi̱yaa̱ ngo orjno̱.

Xo̱jo̱n Salmoo̱ 12:6 ပူးပေါင်းရင်းမြစ်များ

Joo̱b 20:19

ngatꞌa̱ kjo̱a̱ni̱ma̱ katsꞌénkjaꞌatio ko̱jo íjñámasien xota̱ ni̱ma̱a̱, kó iskjíbé ndiꞌa xi jmíni̱xtjin kui katsꞌénda.

Joo̱b 28:1

«To̱ntiboaa̱ ki̱a̱ ꞌnaxiéni ti̱xa̱na̱xi̱i̱, kó to̱nsinieé ndiꞌií boá xi niꞌántsjieni.

Xo̱jo̱n Salmoo̱ 18:30

Ndi̱ya̱à Néná achichí nda, kó eén jè kichitꞌa, kuí boá xi xikoó ngo ni xi ꞌbíchjaá ni xi ndajín, tsi̱ꞌe̱ xota̱ xi kui mongase nga skoón.

Xo̱jo̱n Salmoo̱ 19:8

Kixi̱ boá kjo̱a̱botíxomaa̱ Néná, kó kuí boá xi tsꞌéntsjaà ini̱ma̱a̱. Kui soboá soboá boá kjo̱a̱kitii̱ Néná, kó kuí boá xi tsꞌentsíjee̱n ndyikón.

Xo̱jo̱n Salmoo̱ 66:10

Ji Ne, jí boá xi kachjatꞌayékínjne̱, kó bo̱a̱ kiniꞌínje̱jne̱ xikoó to̱ntiboaa̱ nga ndiꞌí niꞌántsjieni.

Xo̱jo̱n Salmoo̱ 76:10

Jí boá xi tsꞌéntsjaà kjo̱a̱xcha̱án xota̱ nga̱sondiee̱, kó xikoó tsi ngo tji̱xinꞌbíkjá niꞌín ji kjo̱a̱xchán xí jmí ni chjíjiín xi ꞌbongii̱ xotaa̱.

Xo̱jo̱n Salmoo̱ 9:13

Ji Ne, ¡ngatama ni̱ma̱a̱ an! ¡Tsitsíjìi̱n kjo̱a̱ni̱ma̱ xi tsꞌénfoaꞌatio an, ta̱ngatꞌanii̱ kui xota̱ xi chꞌoo̱ an! ¡Jí boá xi katseꞌéndièjín ji nga ki̱a̱ jachó an nga̱ntjo̱a̱a̱ kjo̱a̱bo̱yaa̱!

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Éksondo̱ 6:1

Kó Néná bi̱ katsoó Moisee̱: —Ngotꞌe̱ má xchi̱e̱ ji nga achichí ꞌniú sa̱ꞌinjée̱ nda̱ ree̱ nangi Ejiptoo̱, kó ngaskande ti̱ kuii̱ ku̱i̱ꞌájnú nga kjo̱tjojnú kui na̱xi̱ńdaá. Án boá xi Ne tse̱.

Énkjínkón 22:23

ngatꞌa̱ Néná boá xi kꞌo̱xiéꞌá kjo̱a̱a̱ ni xi kjimataꞌin, kó kuí boá xi sa̱ꞌínkꞌién xota̱ xi kjo̱a̱ꞌáxiín ngayeje ni xi tjiín xota̱ ni̱ma̱a̱.

Énkjínkón 30:5

»Tsjie boá ngayeje eén Néná, kó Néná boá xi koo̱n nga jmí ni ka̱májiín xota̱ xi kui maꞌniátakón.