Xo̱jo̱n Salmoo̱ 12:5 - Xo̱jo̱n eén Néná

⁵ Ta̱nga ta̱ngatꞌanii̱ nga ndajín kjimataꞌin xota̱ ni̱ma̱a̱, ko̱jo ta̱ngatꞌanii̱ nga ni̱ma̱ ndyi̱tsó xota̱ xi ni̱ma̱kjo̱a̱a̱, kuíni nga bi̱ kase ji: «Ngotꞌe̱ ꞌne̱ kjo̱stjíe̱n mára an, tsi̱ꞌe̱ nga skóo̱n xota̱ xi tjímojnóchaá».

Xo̱jo̱n Salmoo̱ 12:5 ပူးပေါင်းရင်းမြစ်များ

Joo̱b 5:15

bo̱a̱ tsꞌén nga ꞌboxiéꞌá xota̱ ni̱ma̱a̱ kjo̱a̱a̱ tsꞌoa xota̱ xi mañaa̱, ko̱jo ngi̱ya tsja xota̱ xi ndajiín,

Joo̱b 5:21

Kuí boá xi skoón kjiꞌanga tjín xí ndajín ka̱tso̱o̱, kó nde chjiénjín nga ko̱ndaki̱n jí, kjiꞌanga kji̱ndi̱bá ni xi ndajiín.

Xo̱jo̱n Salmoo̱ 10:12

¡Ye ꞌne̱ Ne, ti̱sítji̱n ji! ¡Chjanínkꞌé ji ndse̱ ji! ¡Kó nga niꞌínchíyéjín ji xota̱ xi ni̱ma̱kjo̱a̱a̱!

Xo̱jo̱n Salmoo̱ 10:18

kó ꞌmijindeje̱ ji xota̱ xi síndo xꞌi̱a̱a̱n, ko̱jo xota̱ xi ndajín kjimataꞌii̱n, tsi̱ꞌe̱ nga ingojín xota̱ nga̱sondiee̱ xi sa̱ꞌiín ni xi ꞌniú ndajín kje̱ꞌe xota̱.

Xo̱jo̱n Salmoo̱ 10:5

¡Ngatsjéni̱xtjin nga ndi̱yà xí ndajín tjimá! Chꞌoo̱ ngayeje kondra̱a̱, kó kjin síndonii̱ kjo̱a̱botíjé xí boeꞌé ji,

Xo̱jo̱n Salmoo̱ 31:19

Achichí je kjo̱a̱ndaxota̱ xi tichjeꞌétjé ji kjo̱a̱a̱ xota̱ xi tsakjoón jí, ko̱jo xi tiꞌbíjñinde ji kjo̱a̱a̱ xota̱ xi ji kjimaꞌniátakoón, ngindyi̱ko̱n ngayeje xota̱ nga̱sondiee̱.

Xo̱jo̱n Salmoo̱ 34:6

An, xi jmí ni chjíjiín an, ni̱ma̱ kixian an nga tsíchji̱a̱a̱ Néná, kó kuí tsintꞌiéna, kó katsꞌéndéna kjo̱a̱a̱ ngayeje ni xi nda̱ kamána.

Xo̱jo̱n Salmoo̱ 73:8

Mojnókie xotaa̱ kó chꞌo tsó nga chji̱a̱, achichí nkꞌakon má nga ꞌbínda nga ndajín sa̱ꞌín.

Éksondo̱ 5:2

Ta̱nga nda̱ ree̱ bi̱ katsó: —Kó ꞌyání bo̱a̱ kui Nee̱. Kó ánní nga an kuintꞌieꞌén kóo̱n. ¡Ngojín nee̱ xota̱ Israee̱l xi be an, kó ti̱nde tsjandièjín an nga kjo̱tjojnú!

Énkjínkón 14:31

Kui xi ꞌniútsꞌeén xota̱ ni̱ma̱a̱, Néná boá xi tsꞌénkjánjo̱, ta̱nga kui xi ni̱ma̱ maa̱ xota̱ ni̱ma̱a̱, tsꞌénbendikón Néná.

Énkjínkón 18:21

Najee̱n tjínrií ngaꞌniú tsi̱ꞌe̱ nga tsjá kjo̱a̱mindyioo̱n, ko̱jo tsi kjo̱a̱bo̱yaa̱, kó xota̱ xi tjó maá kui nii̱, ti̱kuíní xi sa̱ꞌínjo̱ yojoo̱.

Eklesiastee̱ 4:1

Kósꞌe̱ ti̱ askotsijen ngiñá an, kó kui nii̱ xi kamábe an: Achichí má xota̱ xi tjíꞌbiniéꞌniuú xá, kuí nga̱sondiee̱, kó kui xota̱ xi bo̱a̱ ndyi̱tsꞌe̱én, kuí boá xi botixómaá, ndyi̱kjandà xotaa̱, kó nde jmíjín xi tsꞌéndájoón.

Eklesiastee̱ 5:8

Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Xo̱jo̱o̱n Sandiyaá 5:4

Tsitsíjenjnúu̱ nga kui já moso̱ xi katsꞌénxájin ngi̱jin jno̱jnú xi katseꞌéjínjnú chjií nga kichꞌíṉcha̱jojnú, kui chjií je ndyi̱bongítaꞌinjnú. Ni xi ndyi̱kjandayà kui já mosoo̱, je tsintꞌieé kui Ndi̱a̱ná xi tjiín ngaꞌniuú.