Xo̱jo̱n Salmoo̱ 119:1 - Xo̱jo̱n eén Néná

^1-2 Ji Ne, jí boá xi niꞌínchikonñí xota̱ xi tjimá ndi̱yà xí ndaa̱, xota̱ xi ngayeje ini̱ma̱a̱ nga tjimátji̱ngi kjo̱a̱bokoyáa̱.

Xo̱jo̱n Salmoo̱ 119:1 ပူးပေါင်းရင်းမြစ်များ

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Xo̱jo̱o̱n Sandiyaá 1:25

Ta̱nga kui nda̱ xi bosienníjón ndá ndaá kui kjo̱a̱kiti xi kixi̱, kui xi tsjáná kjo̱a̱ndeé, kó ꞌniú ꞌbíjñá, kó tsꞌénkjátjosón nga tsꞌén xikó tsó, kó chíyájiín ni xi tsintꞌié, kuí nda̱ xi̱ꞌbi̱ xi achichíra̱tsjaa̱ kjo̱a̱a̱ ni xi tjítsꞌén.

Xo̱jo̱n Salmoo̱ 128:1

¡Néná tsꞌénchíkonñé ngayeje xota̱ xi ntꞌiéꞌeén, ko̱jo xi fítji̱ngi kjo̱a̱bokoyaá!

Juaa̱ 13:17

Tsi yàjnú kui nii̱, achichíra̱ tsjajnú tsi si̱ꞌánjnú.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Xo̱jo̱n Salmoo̱ 112:1

¡Si̱ꞌantsjàa̱ Néná! ¡Néná tsꞌénchíkonñé xota̱ xi tsꞌéntsjaà kui, ko̱jo xi tsja maa̱ nga tsꞌénkjátjosón kjo̱a̱botíxomaa̱!

Énkjínkón 11:20

Achichí chꞌoó Néná xota̱ xi ni xi ꞌniú ndajín tjíjin ini̱ma̱a̱, ta̱nga achichí tsjá maá xota̱ xi kixi̱ ndi̱yà xí tjimá.

Ni xi kamá 24:16

Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.

Xo̱jo̱n Salmoo̱ 101:2

Mejénna skotsijen cha̱n cha̱a̱n ndi̱ya̱à kjo̱a̱kixi̱i̱. Kjiꞌání kji̱ndi̱béchinní. Kjiꞌanga kjótsoꞌbá an ki̱a̱ ndiꞌana, kixi̱ kjótsoꞌbá an xikó tsꞌén kixi̱ ini̱ma̱na.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.

Xo̱jo̱n Salmoo̱ 101:6

Ta̱nga ki̱a̱ skotsijèe̱n xota̱ xi maꞌniátakón xi tjín kuí tꞌanangii̱, tsi̱ꞌe̱ nga nijan ku̱i̱ndyionjne̱. Kó kui xota̱ xi ndi̱yà xí kixi̱i̱ síndo, kuí boá xi ka̱ma sa̱ꞌínxátꞌana.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

Juaa̱ 1:47

Nga kamábe Kjisoo̱ nga Natanaee̱l tsꞌéndibá tiña, bi̱ katsoó: –Kꞌi̱e̱ tikón kꞌi̱e̱e̱ ngo nda̱ xi ja̱koxi̱ nga Israee̱l chji̱a̱ni, xi májiín ꞌboṉcha̱.

Joo̱b 1:8

—Kótsꞌèn niꞌínkjé jí kjo̱a̱a̱ Joo̱b, nda̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Énkjínkón 13:6

Kjo̱a̱kixi̱i̱ boá xi koo̱n xota̱ xi kixi̱i̱, ta̱nga ni xi ndajiín boá tsꞌénkjátsón xota̱jeé.

Énkjínkón 29:18

Tsi Nénájín xi ka̱tso̱yàtjón ni xi sa̱ꞌín xota̱ na̱xi̱ńdaá, ta̱ ni xi mejénrií sa̱ꞌín, ta̱nga achichíra̱tsjaa̱ xota̱ xi tsꞌénkjátjosón kjo̱a̱kitii̱ Néná.