Xo̱jo̱n Salmoo̱ 112:9 - Xo̱jo̱n eén Néná

⁹ Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

Xo̱jo̱n Salmoo̱ 112:9 ပူးပေါင်းရင်းမြစ်များ

Xo̱jo̱n Salmoo̱ 111:3

Ngayeje ni xi tsꞌén, bokó kjo̱a̱tsjakjiꞌi ko̱jo kjo̱a̱je xi tsoboaá kui Néná ko̱jo xi rená, kjo̱a̱kixi̱i̱ ngatsjéni̱xtjin nga tikón.

Xo̱jo̱n Salmoo̱ 112:3

Achichí tsie kjo̱a̱cho̱n kꞌuieé ndiꞌaa̱, kó ngatsjéni̱xtjin nga kui xi sa̱ꞌín ngi̱yaa̱ kjo̱a̱kixi̱i̱.

Xo̱jo̱n Salmoo̱ 75:10

Bi̱ tsó Néná: Sa̱ꞌínkjié an ngaꞌniuú ngayeje xota̱ xi ꞌniú ndajiín, ta̱nga tsie ngase ngaꞌniú tsja̱á xota̱ xi kixi̱i̱.

Xo̱jo̱n Salmoo̱ 92:10

Ta̱nga jí boá xi tsie ngase ngaꞌniú ko̱e̱ꞌéní xikoó cho̱ búfaloo̱, kó ko̱na̱ngínjin ji isti̱ tja̱tsi̱e̱ tokó án,

Xo̱jo̱n Salmoo̱ 92:11

kó ndyikón án xikótsꞌèn si̱ꞌanchaja kondra̱na. Kó tji̱bo̱a̱nijón án ku̱i̱ntꞌie̱é kui xota̱ xi ndajín, xi kondra̱ tsa̱ꞌa̱n kisꞌińdoni.

Énkjínkón 14:24

Xota̱ xi kjínkoón, kjo̱a̱kjínkoón boá xi kjo̱a̱cho̱o̱n, ta̱nga xota̱ xi kitikjo̱a̱a̱, kjo̱a̱kitikjo̱a̱a̱ boá xi kjo̱a̱cho̱o̱n.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Énkjínkón 21:26

Tjín xota̱ xi nga ngo ni̱xtjii̱n nga mejeén ngo ni, kó xota̱ xi kixi̱i̱, nde onjín maá nga tsjá ngo ni.

Eklesiastee̱ 11:6

Tꞌítji̱e̱ ji xojmáa̱ nga ta̱jño̱ó ko̱jo nga kamángixoón, ngatꞌa̱ yejín ji ñání ngajó kui ni tjieé xi nda ngase ka̱ma, axa̱ ngajoó nga nda ka̱ma.

Eklesiastee̱ 3:6

Ni̱xtjin nga ka̱ma ku̱i̱ndyi̱sé, ko̱jo ni̱xtjin nga ka̱ma si̱ꞌanchajà, ni̱xtjin nga ka̱ma chja̱ꞌátjó, ko̱jo ni̱xtjin nga ka̱ma ku̱i̱chíjmi.

Matioo̱ 6:4

tsi̱ꞌe̱ nga kui chji̱e̱e̱ jmíjín xi sku̱i̱e̱, kó Na̱ꞌmíi̱ xi be ngayeje ni xi ꞌma niꞌaán, tsjaá jí ni xi tsoboaá nga si̱ꞌin ji ngindyi̱ko̱n xotaa̱.

Markoo̱ 14:7

Ngatꞌa̱ xota̱ ni̱ma̱a̱ ngatsjéni̱xtjin kꞌuíndojinjnú, kó nga ka̱ma xi si̱ꞌánjnú ka̱ma ko̱si̱ko̱jójnú, ta̱nga an, jmí tsi ngatsjéni̱xtjin kotíjña̱jinjnúꞌun.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 16:9

Kó an bi̱ xiánjnúꞌun jún: Ti̱ꞌankjiénjnú kjo̱a̱cho̱n xi tjín kuí nga̱sondiee̱ nga ko̱si̱ko̱jójnú xotaa̱, tsi̱ꞌe̱ nga kjín ngase amingo̱ kꞌuiéjnú, ki̱a̱ ka̱maa̱ nga kju̱i̱e̱ kui kjo̱a̱cho̱o̱n, Néná tsja̱ajnú ngi̱ndie xi tikón ngatsjéni̱xtjii̱n.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Juaa̱ 13:29

Ngatꞌa̱ tjín xí katsꞌénkjó nga kjo̱a̱a̱ nga Jundaa̱ kisꞌijñaa̱ stsatoo̱n, tsi kuíni nga Kjisoo̱, bi̱ katsoó: Tsꞌi̱tsie ni xi chjiénná tsi̱ꞌe̱ sꞌueé, axa̱ tsi̱ꞌe̱ nga tsja̱a chií to̱n xota̱ ni̱ma̱a̱.

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Ni xi kamá 4:35

kó kui to̱o̱n jachókꞌíndo ngindie se já apostroo̱, tsi̱ꞌe̱ nga kui jaá xi katsꞌénkabisoón xotaa̱ xikótsꞌèn kamáchjieén nga ngo nga ngo.

Xota̱ Roma̱ 12:13

Tasíko̱jojnú ngayeje xota̱ tsjiee̱ Néná kjo̱a̱a̱ ni xi chjieén, kó tjó ti̱ꞌánjnú ngayeje xota̱ xi kjo̱chó ndiꞌajnú.

2 Xota̱ Korinto̱ 8:9

Ngatꞌa̱ jè yàjnú kjo̱a̱nda xi akóná Ndi̱a̱ná Jesukristoo̱, ngatꞌa̱ ta̱ngatꞌanii̱ nga tjoó jún nga ni̱ma̱ kamá kuí, ndatsi cho̱n boá. Tsi̱ꞌe̱ nga kui kjo̱a̱ni̱ma̱ xi kisꞌiee̱ kui, kamácho̱nnijnú jún.

Ndeuteronomio̱ 15:11

Kui nga̱sondiee̱ ngatsjéni̱xtjin kꞌuié xota̱ ni̱ma̱ xi jmí to̱njiín. Kuíni nga tsꞌénbotixomájnúꞌun nga ko̱e̱ꞌéjnúu̱ ni xi chjieén xota̱ xi ni̱ma̱, ko̱jo xota̱ xi ngo ni chjieén xi chji̱a̱ni kui na̱xi̱ńdaá.

1 Timoo̱ 6:18

Tatíxomée̱ xota̱ cho̱o̱n nga ni xi nda sa̱ꞌín, ngatꞌa̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱ꞌínkabisoón xotaa̱ ni xi tjiín.

Xota̱ Ebreo̱ 13:16

Kó ngata̱ niꞌánchíyájínjnú jún nga ni xi nda si̱ꞌánjnú, ko̱jo nga ja̱kꞌi̱e̱ ja̱ngaján ko̱si̱ko̱jójnú xingi̱jnú, ngatꞌa̱ ko̱jo kuí kjo̱a̱tjó xi̱ꞌbi̱ xi tsja maa̱ Néná nga.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

Ni xi akakoo̱ 22:11

Xióchíi̱n xota̱ xi kixi̱jiín, kixi̱jín ngatamara, kó xota̱ xi ni xi tsjiejín ndyi̱tsꞌe̱én, ngatsꞌénrá ni xi tsjiejín, ta̱nga kui xi kixi̱i̱, ngatsꞌénrá kjo̱a̱kixi̱i̱, ko̱jo kui xota̱ xi tsjiee̱, ngatsꞌéntsjiera ngase yojoo̱.