Xo̱jo̱n Salmoo̱ 111:9 - Xo̱jo̱n eén Néná

⁹ Néná boá xi katsꞌéndé xota̱ na̱xi̱ńdaá, kó bo̱a̱ tsꞌén katsjá tsꞌoa nga ngatsjéni̱xtjin sa̱ꞌínkjatjosón ni xi índajo̱. ¡Achichí ngaꞌniú tjiín Nee̱ xota̱ Israee̱l, tsjie kuí Néná xí ngototoo̱!

Xo̱jo̱n Salmoo̱ 111:9 ပူးပေါင်းရင်းမြစ်များ

Xo̱jo̱n Salmoo̱ 111:5

Néná tsjaá nichinie kui xota̱ na̱xi̱ńdá xí tsꞌéntsjaà kui, kó jmíni̱xtjin chíyaá ni xi índajo̱.

Xo̱jo̱n Salmoo̱ 89:7

Achichí yandikón Néná kjiꞌanga matikó ndítsjiee̱, ngayeje xi síndo nga ngo foaꞌatjiyajoo̱n xi bendikón.

Xo̱jo̱n Salmoo̱ 99:3

¡Ngayeje xotaa̱ xi ngatsꞌèntsjaà jaꞌén jèe̱, ko̱jo jaꞌén xí yandikóo̱n, ¡Tsjie boá Néná!

Xo̱jo̱n Salmoo̱ 99:5

¡Ti̱ꞌantsjàjnúu̱ Néná! Kó ki̱a̱ ti̱ndyiaxtiénjnú ki̱a̱ ngindie se kui. ¡Tsjie boá Néná!

Xo̱jo̱n Salmoo̱ 99:9

¡Ti̱ꞌantsjàjnúu̱ Néná! ¡Kó ti̱ndyiaxtiénjnú ki̱a̱ xtji̱e̱e̱n nínga tikón na̱xi̱ ndikoón, ngatꞌa̱ tsjie boá Néná!

Éksondo̱ 15:11

»Ne tsa̱ꞌa̱n, ¡jmíjín ingo Ne xi xikoó ji! ¡Ta̱ jí tsí xi je ji! ¡Ta̱ jí tsí xi tjiín ngaꞌniú! Achichí kjo̱a̱ndikón xí yiꞌi kiniꞌín ji, jí boá xi niꞌín ji ni xi fíndikónná.

Éksondo̱ 15:13

»Achichí ꞌniú tjoó xota̱ na̱xi̱ńdáa̱, nga ngaꞌniúu̱ boá xi kaꞌnaxiéꞌéní ji, kó ngotꞌe̱ ꞌne̱, jí boá xi tińtje̱tjée̱n ki̱a̱ ngi̱ndie nínga mejeén nga ki̱a̱ ku̱i̱ndyin ji.

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Rkaa̱ 1:49

Ngatꞌa̱ achichí tsie ni xi je katsꞌénjo̱na Néná xí tjiín ngaꞌniuú. ¡Tsjie jaꞌeén!

Rkaa̱ 1:68

¡Nganiꞌántsjaá Ndi̱a̱ná, Néná xí tsi̱ꞌe̱ Israee̱l, ngatꞌa̱ jè jeꞌekoón, kó jè íchjítjé nga tsꞌaxiéꞌá xota̱ na̱xi̱ńdaá!

Xota̱ Éfeso̱ 1:14

A̱si̱énni̱xtjii̱n xí ikꞌíjñangi tsi̱ꞌe̱ nga xcha̱ nga sa̱kóná ni xi katsóyàná Néná nga tsja̱á ndií, ngije ka̱mandé ngayeje xota̱ xi je kamáchjítjé kjo̱a̱ndeé, kó nga ndií ka̱ma ñá, tsi̱ꞌe̱ nga ngayeje ñá, si̱ꞌantsjàa̱ kui Néná xí tjiín kjo̱a̱jee̱.

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Ndeuteronomio̱ 15:15

Ngata̱chiíjín niꞌánchíyájnú nga xota̱ moso̱ kamájnú ki̱a̱ nangi Ejipto̱, kó nga Néná boá xi katsꞌéndéjnú. Kuíni nga kui kjo̱a̱botíxomaa̱ tsꞌéntsjájnúꞌun.

Ndeuteronomio̱ 28:58

Nga fetꞌani Moisee̱ bi̱ katsó ngasee̱ xota̱ Israee̱l: «Tsi xcha̱ndikónjínjnú kui Néná xi je ko̱jo xi tjiín ngaꞌniuú, kó tsi si̱ꞌankjatjosónjínjnú kjo̱a̱botíxoma xi kjitꞌa kui xo̱jo̱o̱n,

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 13:20

Néná xí tsjáná kjo̱a̱xioó, kui xi katsꞌénkjaꞌáꞌyaá Ndi̱a̱ná Jesukristoo̱, kui nda̱ xi ta̱nisién nkꞌa xaá xi tikóntjoón cho̱tsa̱nga̱a̱, kui xi ta̱ngatꞌanii̱ jiín, nga Néná katsꞌénjo̱ná ngo kjo̱a̱ꞌbínda tja̱tsi̱e̱ xi tikón ngatsjéni̱xtjii̱n,

Xota̱ Ebreo̱ 9:12

ta̱ ngo tsí ndi̱yà ko̱jo ngatsjéni̱xtjin tsꞌasꞌien, ngi̱ndie nínga ta̱nisién ꞌniú ndikoón, kó jmí tsi tsi̱ꞌe̱ nga sa̱ꞌínkꞌasꞌiee̱n Néná jiín tindso̱ xi̱ꞌin, ko̱jo tsi jiín ndií cho̱yojo. Jín tsi̱ꞌe̱ boá xi katsꞌénkꞌasꞌien, kó bo̱a̱ tsꞌén íchjítjé jéná tsi̱ꞌe̱ nga ngatsjéni̱xtjin katsꞌéndéná.

Ni xi akakoo̱ 4:8

Kó nga ngo nga ngo nga nijón kui xi síndoo̱, jun nga̱ kisꞌiee̱, kó xtji̱e̱e̱n ndi̱tsen ko̱jo xtji̱e̱e̱n ngi̱yaa̱ kui nga̱a̱ kisꞌiee̱ ndyi̱ko̱n, kó nga ni̱xtjin ni̱xtji̱e̱n nga bi̱ katsó: ¡Tsjie, tsjie, tsjie Ndi̱a̱ná, kui Néná xí tjiín ngaꞌniuú, kui xi ta̱kó kui ngasꞌe̱, kui xi kui ngotꞌe̱, ko̱jo kui xi sꞌe̱ ndibaá!

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,