Xo̱jo̱n Salmoo̱ 111:2 - Xo̱jo̱n eén Néná

² ¡Achichí yiꞌi kjo̱a̱ndikón xi je katsꞌén Néná! Achichí tsjá maá xotaa̱ nga ꞌbindíkón kuí nii̱.

Xo̱jo̱n Salmoo̱ 111:2 ပူးပေါင်းရင်းမြစ်များ

Joo̱b 37:14

»Amingoo̱ Joo̱b, chiyékjo̱e̱ chií, kó ndaꞌyéní, ti̱ꞌinkjé ndé ndé ji ni xi fíndikónná xi katsꞌén Néná.

Joo̱b 37:7

Bo̱a̱ tsꞌén nga ngayeje xotaa̱ ꞌbíndo ndiꞌaa̱, kó bendikón ngayeje ni xi tsꞌén Néná.

Joo̱b 5:9

Kui xi tsꞌén kjín kjo̱a̱ndikón ko̱jo ni xi fíndikónná, xi nde jmíjín xi ka̱makjiín.

Joo̱b 9:10

»Achichí yiꞌi ko̱jo ꞌniú fíndikónná ni xi tsꞌénda Néná, nga ngaskande jmíjín xi ka̱makjiín, ti̱nde jmíjín xi ka̱maxki̱i̱.

Xo̱jo̱n Salmoo̱ 104:24

Ji Ne, achichí ni xi je kiniꞌínde ji, kó kjo̱a̱kjíntakóo̱n kiniꞌínkjín nga kiniꞌínde ji ngayejee̱. ¡Jè tjikítsieni nga̱sondiee̱ ngayeje ni xi ji kiniꞌínde!

Xo̱jo̱n Salmoo̱ 107:43

Chꞌi̱a̱xki̱jnú kui nii̱, jún xota̱ xi kjínkón, kó nda má ti̱ꞌankjójnú xikó tsꞌén ꞌniú tjoó Néná ñá.

Xo̱jo̱n Salmoo̱ 118:15

Xota̱ xi kixi̱i̱ ki̱a̱ ndiꞌaa̱, bi̱ nga tsó nga nga kjandayà tsja: «¡Néná katsꞌénkjién ngaꞌniuú, kó kuí boá xi katsꞌénni! ¡Si̱ꞌantsjà kjo̱a̱a̱ ngaꞌniú xí tjiín!»

Xo̱jo̱n Salmoo̱ 139:14

Án boá ngo ni xi ta̱nisién tsjákjiꞌi xi ji kiniꞌínde ji, kó kuíni nga an tsjañaa ndokꞌóchji̱ì. Achichí tsjákjiꞌi ngayeje ni xi niꞌín ji, ¡jè be an nga bo̱a̱ kjiꞌi kui nii̱!

Xo̱jo̱n Salmoo̱ 143:5

Foaꞌátsjienna ni xi kamá ngasꞌe̱ kó tsꞌénkjó án, ngayeje ni xi kiniꞌín ji, ¡foaꞌátsjien ndá ndána ngayeje ni xi kiniꞌín ji!

Énkjínkón 17:16

Kótsꞌèn ka̱maa̱ kꞌo̱tsieni kjo̱a̱kjínkón xota̱ xi kitikjo̱a̱a̱, xi ndatsi tjiín to̱n, ta̱nga jmí ni makjínjiín.

Énkjínkón 24:14

Bo̱a̱ má tsꞌén ixi ka̱maa̱ tsi xchi̱e̱ ji kjo̱a̱kjínkoón, tsi kꞌuieé, nda ku̱i̱ndyin ji, kó jmíni̱xtjin xcha̱ja kjo̱a̱chiyáa̱.

Eklesiastee̱ 3:11

Ni̱xtjin nga katsꞌénda Néná ngayeje nii̱ achichí tsjákón katsꞌén, kó íjin ngi̱jii̱n ini̱ma̱a̱ xotaa̱ tsi̱ꞌe̱ nga ka̱makjiín kjo̱a̱a̱ kjo̱a̱mindyion ngatsjéni̱xtjii̱n, ta̱nga xotaa̱ niꞌin makjiín ni xi je katsꞌén Néná ndeskande koó nga ítjatsꞌennii̱, ngaskande nga kju̱e̱tꞌanii̱.

Xota̱ Roma̱ 1:28

Kó nga akó kui xotaa̱ nga kamámejénjiín katsꞌénseén Néná, Néná índomasien tsi̱ꞌe̱ nga kjo̱tsòn kjo̱a̱kjíntakoón, tsi̱ꞌe̱ nga sa̱ꞌín ni xi májín niꞌán.

Xota̱ Roma̱ 8:6

Ngatꞌa̱ tsi ku̱i̱ndyión nga si̱ꞌankjó ngayeje ni xi ndajín xi mejeén sa̱ꞌín yojoná, ko̱yà ñá ngindyi̱ko̱n Néná, ta̱nga tsi ta̱kuítsí ni xi tsi̱ꞌe̱ A̱si̱énni̱xtjii̱n Néná xi si̱ꞌankjó, kjiꞌá boá nga kꞌuiéná kjo̱a̱mindyion ngatsjéni̱xtjin ko̱jo kjo̱a̱xió.

Xota̱ Éfeso̱ 1:19

Kó nga ka̱makjínjnú kókjiꞌi je ngaꞌniú xí tikoón Néná nganda tsa̱ñá xí sꞌijinná kuí. Kui ngaꞌniuú kuí boá xi Néná akó,

Ni xi akakoo̱ 15:3

Kó kisie soó Moisee̱, mosoo̱ Néná, ko̱jo soó cho̱tsa̱nga̱a̱. Bi̱ tsó kui soó: Achichí je ko̱jo fíndikónná ngayeje ni xi kiniꞌínde, jí boá xí Ndi̱a̱ná, kui xi Néná xí tjiín ngaꞌniuú, kixi̱ ko̱jo ja̱koxi̱ boá ndi̱yàa̱, jí boá xí Ree̱ ngayeje xota̱ na̱xi̱ńdá tsjiee̱.