Xo̱jo̱n Salmoo̱ 110:4 - Xo̱jo̱n eén Néná

⁴ Néná jè katsjá tsꞌoa, kó sa̱ꞌínkjatjosón eén: «Jí boá xi chináꞌmi ji ngatsjéni̱xtjin, xikoó xi kamá Melkisendee̱k».

Xo̱jo̱n Salmoo̱ 110:4 ပူးပေါင်းရင်းမြစ်များ

Jenesii̱s 14:18

Kui ngi̱ndiee̱ Melkisendee̱k ree̱ nangi Salee̱n ko̱jo chináꞌmii̱ Néná xi tikón nkꞌa jàn tsꞌaxié pan ko̱jo bino̱ xi yaꞌa, kó katsjaá Abra̱n,

Xki̱ 23:19

»¡Néná jmí tsi bo̱a̱ kon xikoó ñá! Jmí éndísó chji̱a̱jín, ti̱nde bosíkjojín xi kókón kui. Néná tsꞌénkjátjosón ni xi tsáyàtjón nga sa̱ꞌín.

Xota̱ Ebreo̱ 5:6

Kó ti̱ bi̱ ti̱ tsó ingo ndiè xo̱jo̱n eén Néná: Jí xí boá chináꞌmi xi ngatsjéni̱xtjii̱n, bo̱a̱ kjiꞌi xáa̱ xikoó xá xi tsi̱ꞌe̱ chináꞌmi Melkisendee̱k.

Xota̱ Ebreo̱ 6:20

Kjisoo̱ xí tjón tsꞌasꞌien kui ngi̱ndiee̱, nganda tsa̱ñá nga iskjíxꞌáná ndi̱yà nga ka̱ma kjóchochóo̱n Néná, ngatꞌa̱ Kristoo̱ kuí boá xi ngo chináꞌmi xi ꞌniú nkꞌa xaá ngatsjéni̱xtjin, xikoó xá chináꞌmi xi tsi̱ꞌe̱ Melkisendee̱k.

Xota̱ Ebreo̱ 7:11

Néná katsjaá kjo̱a̱kitii̱ xota̱ na̱xi̱ńdá Israee̱l. Kui kjo̱a̱kitii̱ kamánda ta̱ngatꞌanii̱ nga kui chináꞌmi xi chji̱a̱ni Lebii̱ ko̱síko̱jo tsi̱ꞌe̱ nga kui xotaa̱ kixi̱ kꞌuíndo ngindyi̱ko̱n Néná. Ta̱nga nga kui chináꞌmii̱ kamájiín katsꞌén kui xaá, kuíni nga jatjokjà ngo chináꞌmi xi kje̱ꞌe: Ngo xi jmí tsi chináꞌmi xi chji̱a̱ni Aaroo̱n, ta̱sá ngo xi xikoó Melkisendee̱k.

Xota̱ Ebreo̱ 7:17

Ngatꞌa̱ jè bi̱ tsꞌén kjitꞌa nínga ndokjo̱a̱ kjo̱a̱a̱ kui: Jí xí chináꞌmi ji ngatsjéni̱xtjin, bo̱a̱ kjiꞌi xáa̱ xikoó xá xí tsi̱ꞌe̱ chináꞌmi Melkisendee̱k.

Xota̱ Ebreo̱ 7:21

Ta̱nga nga katsjáxaá chináꞌmi xi chji̱a̱ni xota̱ tji̱e̱e̱ Lebii̱ bo̱a̱jín katsꞌén. Kó kjo̱a̱a̱ kui chináꞌmi xi̱ꞌbi̱, Néná xí katsjá tsꞌoa nga kui xi ka̱ma chináꞌmi, kó bi̱ tsꞌén tjítꞌa xo̱jo̱n eén Néná: Néná katsjá tsꞌoa nga bo̱a̱ ka̱ma, kó ko̱síkjojín ni xi je bi̱ katsó: Jí xí chináꞌmi ji ngatsjéni̱xtjin, bo̱a̱ kjiꞌi xáa̱ xikoó xá xi tsi̱ꞌe̱ chináꞌmi Melkisendee̱k.

Xota̱ Ebreo̱ 7:28

Kjo̱a̱kitii̱ katsjáxaá chináꞌmi xi ꞌniú nkꞌa xaá xi niꞌin kamaá nga katsꞌénkjatjosón ni xi katsꞌénkjó Néná. Jaskan ngije katseꞌé kjo̱a̱kitii̱, Néná katsjá tsꞌoa nga tsja̱á ngo chináꞌmi xi ꞌniú nkꞌa xaá, kó kuí boá xi ndií, kui xi ngatsjéni̱xtjin kamá xi chjiéngá ka̱ma.

Ni xi akakoo̱ 1:6

kó kuí boá xi botixómáná, ko̱jo xi katsꞌénná chináꞌmi xi tsꞌén xaá Nee̱, kui xi Na̱ꞌmii̱. ¡Kjo̱a̱jee̱ Néná, ko̱jo ngaꞌniuú kui tsi̱ꞌe̱ ngatama ngatsjéni̱xtjin! Bo̱a̱ kjiꞌi.