Xo̱jo̱n Salmoo̱ 110:3 - Xo̱jo̱n eén Néná

³ ¡Jájúu̱n ngatsjaá tsꞌoa nga ka̱ma ka̱maꞌnítakín ji ki̱a̱ nga̱són na̱xi̱i̱ Néná kui ni̱xtjin nga ka̱ma kjo̱a̱xcha̱án! Kjiꞌanga kjo̱tjo tsꞌueé, ngasakó ngaꞌniú nginií.

Xo̱jo̱n Salmoo̱ 110:3 ပူးပေါင်းရင်းမြစ်များ

Xo̱jo̱n Salmoo̱ 29:2

Te̱ꞌéjnúu̱ Néná kjo̱a̱je xi tsoboaá kjo̱a̱a̱ jaꞌeén, ti̱ꞌantsjàjnúu̱ Néná kjo̱a̱a̱ kjo̱a̱tsjakjiꞌii̱ tsjie xi tjiín.

Xo̱jo̱n Salmoo̱ 96:9

¡Ti̱ꞌantsjajnúu̱ Néná ta̱ngatꞌanii̱ kjo̱a̱tsjakjiꞌi xi tjiín nga tsjie kui! ¡Ngayeje xota̱ nga̱sondiee̱ ngatjatsié má ngindyi̱ko̱n kui!

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 19:20

Kó bo̱a̱ tsꞌén eén Néná sa kjimatsie sa kjimatsie ngase, kó kjimaya ngaꞌniuú.

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Ni xi kamá 2:41

Kó bo̱a̱ tsꞌén, kui xota̱ xi iskjíbé kuí eén, atíndá yojoo̱, kó kamára̱ tsi ta̱ ngi ján mi̱ xota̱ xi kisꞌijii̱n Néná.

Ni xi kamá 21:20

Kó ngije tsintꞌié kui xotaa̱, katsjaá kjo̱a̱je Néná, sꞌe̱ bi̱ kiꞌmií Pabloo̱: –Ndakjíꞌí nda̱ ntsꞌie, já jè yé ji nga ngi̱jii̱n xota̱ jundíoo̱ ta̱ mi̱jínra̱ ma xota̱ xi je kisꞌijii̱n eén Néná, kó ngayeje kui xotaa̱ achichí ndyi̱tsꞌènchíni̱tꞌaa̱ kjo̱a̱kitii̱ Moisee̱.

Ni xi kamá 4:4

Ta̱nga kjín má xota̱ xi tsintꞌié kuí eén xi kisꞌijii̱n, kó mara̱ tsi ta̱ ún mi̱ nga ta̱soboá jáxíꞌín.

2 Xota̱ Korinto̱ 13:4

Ngatꞌa̱ ndatsi jmí ngaꞌniú kisꞌiejiín nga kꞌientꞌa kro xikoó ngo xota̱, ta̱nga tikón ngotꞌe̱, ta̱ngatꞌanii̱ ngaꞌniuú Néná. Ngatꞌa̱ ti̱ bo̱a̱ ti̱ tsꞌén ji̱n jmíjínjne̱ ngo ngaꞌniú xikoó kuí nga kꞌientꞌa kroo̱, ta̱nga ta̱ngatꞌanii̱ ngaꞌniuú Néná nga Kristoo̱ tikónjinjne̱ nganda tsa̱jún.

2 Xota̱ Korinto̱ 8:12

Ngatꞌa̱ tsi ngayeje takón nga ko̱e̱ꞌé, Néná tsja ka̱maa̱ nga ndyi̱boeꞌé ni xi ndyi̱boeꞌé, ngatꞌa̱ kui, míꞌájín ni xi jmíjínná.

2 Xota̱ Korinto̱ 8:16

Tsjàa̱ ndokꞌóchjì Néná ngatꞌa̱ íjñajin ngi̱jin ini̱ma̱a̱ Titoo̱ nga nda̱ kjimaa̱ jún xikó kjimana an nga.

Xota̱ Éfeso̱ 1:4

Kristoo̱ katsꞌénkjién Néná nga jaꞌájinná ndeskande ngindiee̱ nga kamánda nga̱sondiee̱, tsi̱ꞌe̱ nga tsjietsꞌén ku̱i̱ndyión, kó jmí jé kꞌuiéjínná ngindyi̱ko̱n kui.

Xota̱ Filipo̱ 2:13

Ngatꞌa̱ Néná boá xi tjítsꞌén nga ka̱mamejénjnú, ko̱jo nga si̱ꞌankjatjosónjnú ni xi ndyi̱niꞌánjnú, ta̱ngatꞌanii̱ ni nda xi mejeén kui.

1 Xota̱ Tesalónika̱ 4:7

Ngatꞌa̱ Néná jmí tsi tsíchji̱a̱ná tsi̱ꞌe̱ nga ni xi ndándí ku̱i̱ndyionjin, tsíchji̱a̱na tsi̱ꞌe̱ nga ni xi tsjiee̱ xi ku̱i̱ndyionjin.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

Ni xi akakoo̱ 7:9

Ngije kamá kui nii̱, askotsijen an kó kamábe an achichí ꞌniú kjín xota̱ xi ngaskande nde ta̱ꞌyajín xi kamaá íxki̱, xota̱ xi chji̱a̱ni ngayeje na̱xi̱ńdá, ko̱jo ngayeje xtín xota̱, ko̱jo ngayeje to̱ko̱ya én, ko̱jo ngayeje nangi, ndyi̱a̱kixi̱ kui xotaa̱ kje̱n nínga tikón xi botixómaá, ko̱jo kje̱n cho̱tsa̱nga̱a̱, nga ndyi̱yajá ńjño tiboa, kó xka̱jèn ndyi̱yaꞌa ngi̱ya tsja.