Xo̱jo̱n Salmoo̱ 11:7 - Xo̱jo̱n eén Néná

⁷ Ngatꞌa̱ Néná kixi̱ boá, kó tjórií kjo̱a̱kixi̱i̱, ¡kuíni nga xota̱ xi kixi̱i̱ boá xi ka̱ma sku̱i̱e̱ kje̱n!

Xo̱jo̱n Salmoo̱ 11:7 ပူးပေါင်းရင်းမြစ်များ

Joo̱b 36:7

ngatsjéni̱xtjin nga koo̱n xota̱ xi kixi̱i̱, kó achichí nkꞌa xá xí tsjaá: ¡Tsjandieè nga ngatsjéni̱xtjin ki̱a̱ nijan ko̱tíxomajo̱ ree̱!

Xo̱jo̱n Salmoo̱ 146:8

Néná boá xi tsꞌentsíjen nginií xota̱ xi ti̱ka̱a̱, kó tsꞌénkjastjíe̱n nginí xi ngindie jàn kjiyojotꞌa, kó tsꞌéntjó xota̱ xi kixi̱i̱.

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 21:6

Ngatsjéni̱xtjin nga niꞌínchikonñí ji, kó sꞌikitsie maá kjo̱a̱tsja, nga ki̱a̱ tindyinjìi̱n.

Xo̱jo̱n Salmoo̱ 33:18

Ta̱nga Néná ngatsjéni̱xtjin nga tsꞌénkoón xota̱ xi bendikón kuí, ko̱jo xi ndyi̱koyaa̱ kjo̱a̱ni̱ma̱takoón.

Xo̱jo̱n Salmoo̱ 33:5

Néná achichí tjoó kjo̱a̱kixi̱i̱, ko̱jo ni xi kixi̱i̱, kjo̱a̱ni̱ma̱takoón Néná tjikítsie má tꞌanangii̱.

Xo̱jo̱n Salmoo̱ 34:15

Néná ngatsjéni̱xtjin nga tsꞌénkotsijee̱n xota̱ xi kixi̱i̱, kó ntꞌieé kjiꞌanga ni̱ma̱ tsó nga chji̱a̱a̱.

Xo̱jo̱n Salmoo̱ 37:28

Achichí tsjá maá Néná ni xi kixi̱i̱, kó jmíni̱xtjin nga ꞌbijñámasien xota̱ xi kui ꞌniátakón. ¡Ngatsjéni̱xtjin nga kui skoón! Ta̱nga xota̱ tji̱e̱e̱ xota̱ xi ndajiín, si̱ꞌankjie.

Xo̱jo̱n Salmoo̱ 42:5

Míkjo̱a̱a̱ nga ngiti̱ kjimaꞌniútakínjín ji ndí ini̱ma̱. Míkjo̱a̱a̱ nga nda̱ kjimaa̱ ngi̱jin yojona. Chiyéràa̱ Néná, ngatꞌa̱ to̱kó sa̱ꞌintsjáñáa̱ ¡Néná boá xí ꞌboxiéꞌána, kó kuí boá xi Néna!

Xo̱jo̱n Salmoo̱ 45:7

Kiniꞌíntjé ji kjo̱a̱kixi̱i̱, kó kiniꞌínchꞌí ji ni xi ndajiín, kuíni nga Néná kui xi Nèe̱ katsjáxaá, ¡kó ngo ndásíjee̱n kjo̱a̱tsja, tsie ngase indyiaá, ta̱bo̱a̱jiín já xí tsꞌentje̱je ji!

Xo̱jo̱n Salmoo̱ 45:8

Ngi̱jin ńjñoo̱ foaꞌándá sije̱n sije̱n mirraa̱, ko̱jo aloee̱, ko̱jo kasiaa̱, kó ndeskande ki̱a̱ ndo̱bo̱a̱xa̱á xí ndi̱ja̱a̱ ki̱ña̱ kamándanii̱, ndaꞌyánii̱ soó arpa̱ xi ꞌbikítsie maá kjo̱a̱tsja.

Xo̱jo̱n Salmoo̱ 5:12

Ji Ne, jí boá xi niꞌínchikonñí xota̱ xi kixi̱i̱, kó kjo̱a̱nda xi tjiín ji foaꞌatjiyajoo̱n kui, xikoó ngo ni xi ꞌbíchjaá ni xi ndajín.

Xo̱jo̱n Salmoo̱ 7:11

Néná kuí boá ngo Ne xi kixi̱, ngo Ne xi ndyiojón ndyiojón tsꞌénjeé xota̱ xi ndajiín.

Xo̱jo̱n Salmoo̱ 7:9

Ngatjie ngotꞌe̱ ꞌne̱ ni xi ndajín xi tsꞌén xota̱ xi ndajiín, kó xota̱ xi kixi̱i̱, ꞌniú ngasꞌijña, ngatꞌa̱ kui Ne xi kixi̱i̱, kuí boá xi kotꞌa ini̱ma̱a̱ ko̱jo kjo̱a̱niꞌánkjoó.

Xo̱jo̱n Salmoo̱ 99:4

Ngaꞌniú xí tjiín Ree̱, ki̱a̱ yaꞌanii̱ kjo̱a̱kixi̱i̱. Jí boá xi ikꞌíjñí ji ni xi ngo ndséje̱e̱n, jí boá xi kjo̱a̱kixi̱i̱ kiniꞌínkjìn jí, kjiꞌanga akatíjée̱ xota̱ tji̱e̱e̱ Jakoo̱b.

Énkjínkón 15:9

Achichí chꞌoó Néná ndi̱yà xí tjimá xota̱ xi ꞌniú ndajiín, ta̱nga achichí tsjá maá kjo̱a̱a̱ xota̱ xi ki̱a̱ fítji̱ngi kjo̱a̱kixi̱i̱.

1 Xo̱jo̱o̱n Peé 3:12

Ngatꞌa̱ Ndi̱a̱ná koón xota̱ xi kixi̱i̱, kó nda bosiénníjoón nga chji̱a̱ kui xotaa̱, ta̱nga kje̱n Ndi̱a̱ná kondra̱ tikónnii̱ xota̱ xi ndajín ndyi̱tsꞌe̱én.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Ni xi akakoo̱ 22:4

kó sku̱i̱e̱ kje̱n, kó jaꞌeén ki̱a̱ kjótꞌaa̱ xtjien.