Xo̱jo̱n Salmoo̱ 106:5 - Xo̱jo̱n eén Néná

⁵ Te̱ꞌéndièní nga si̱eé só, an ko̱jo kui xota̱ na̱xi̱ńdá xí jí kachjeꞌéjin ji, ¡te̱ꞌéndièní nga tsja ka̱mana nga nda ko̱jo nga tsjatsꞌèn síndo kui xotaa̱!

Xo̱jo̱n Salmoo̱ 106:5 ပူးပေါင်းရင်းမြစ်များ

Xo̱jo̱n Salmoo̱ 1:3

Kui xotaa̱, kuí boá xi ka̱ma xikoó ngo yá xí tjítji̱e̱tꞌa ngo ndejèꞌ xi tsꞌénmonga, kui xi ni̱xtjii̱n má nga boajaá to xi tsjá, kó xíꞌniújín xka̱a̱. ¡Kó ngayeje ni xi tsꞌén, nda maá!

Xo̱jo̱n Salmoo̱ 105:43

Askjandáyá má, kó tsja kamá kjiꞌanga Néná tsꞌaxiéni nangi Ejipto̱ kui xota̱ na̱xi̱ńdá xí Néná je jaꞌájii̱n,

Xo̱jo̱n Salmoo̱ 105:6

Ji̱n boá xi xota̱ tji̱e̱e̱ Abraa̱n ko̱jo Jakoo̱b, ji̱n boá xi xota̱ tji̱e̱ xi jaꞌájin Néná, kó ji̱n boá xi ndyi̱niꞌánxátꞌajne̱ kui, kuíni nga, ¡ndaꞌyájnúꞌun!

Xo̱jo̱n Salmoo̱ 118:15

Xota̱ xi kixi̱i̱ ki̱a̱ ndiꞌaa̱, bi̱ nga tsó nga nga kjandayà tsja: «¡Néná katsꞌénkjién ngaꞌniuú, kó kuí boá xi katsꞌénni! ¡Si̱ꞌantsjà kjo̱a̱a̱ ngaꞌniú xí tjiín!»

Xo̱jo̱n Salmoo̱ 14:7

¡Achichíra̱ ndakjiꞌi tsi ki̱a̱ na̱xi̱ńdáꞌniú Jerusale̱n kjo̱tjoni xi kꞌo̱xiéꞌá xota̱ Israee̱l! ¡Kjiꞌanga Néná sa̱ꞌíndé xota̱ na̱xi̱ńdaá kui, xi tsangínjo̱ ꞌniuú, achichí tsjá ka̱maa̱ xota̱ tji̱e̱e̱ Jakoo̱b, ko̱jo ngayeje xota̱ Israee̱l!

Xo̱jo̱n Salmoo̱ 48:11

Tsjangatamaa̱ na̱xi̱ Sioo̱n, tsjangatamaa̱ xota̱ tji̱e̱e̱ Jundáa̱ ta̱ngatꞌanii̱ nga kixi̱ niꞌínjé jí.

Juaa̱ 15:16

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Juaa̱ 16:22

Kó jún ndasen kjimajnú ngotꞌe̱, ta̱nga nga skuié nginíjnúꞌun, tsja ka̱maa̱ ini̱ma̱jnú, kó nde ngojín xi ka̱maa̱ kjo̱a̱ꞌáxínjnú kjo̱a̱tsjajnú.

Ni xi kamá 9:15

Ta̱nga Ndi̱a̱ná, bi̱ katsoó: –¡Tꞌenchíi̱n! Ngatꞌa̱ nga kuí nda̱a̱ xi je jaꞌajin an tsi̱ꞌe̱ nga ku̱i̱chji̱a̱jo kjo̱a̱a̱ an xota̱ xi Israee̱ljín, ko̱jo re, ko̱jo ngayeje xota̱ xi chji̱a̱ni Israee̱l,

Xota̱ Éfeso̱ 1:18

Ti̱ míꞌáa̱ Néná nga ka̱makjín cha̱n cha̱njnú kókjiꞌi kui kjo̱a̱chiyaá xota̱ xi je Néná tsíchji̱a̱a̱, tsi̱ꞌe̱ nga xcha̱jnú kókjiꞌi je ni xi tsja̱á xota̱ tsjiee̱.

Xota̱ Éfeso̱ 1:4

Kristoo̱ katsꞌénkjién Néná nga jaꞌájinná ndeskande ngindiee̱ nga kamánda nga̱sondiee̱, tsi̱ꞌe̱ nga tsjietsꞌén ku̱i̱ndyión, kó jmí jé kꞌuiéjínná ngindyi̱ko̱n kui.

Ndeuteronomio̱ 32:9

Jún boá xi Néná jaꞌájinjnú tsi̱ꞌe̱ nga jún xi ka̱majnú xota̱ na̱xi̱ńdaá kui.

Ndeuteronomio̱ 7:6

»Jún boá ngo xtín xota̱ na̱xi̱ńdá xi ndikón. Néná je jaꞌájinjnú ngi̱jii̱n kjín xota̱ na̱xi̱ńdá xí tjín nga̱sondiee̱, tsi̱ꞌe̱ nga jún xi ka̱majnú xota̱ xi ꞌniú tjó ngasee̱ kui.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

2 Xota̱ Tesalónika̱ 2:13

Ta̱nga ji̱n chjiéngá ngatsjéni̱xtjin ko̱e̱ꞌéjne̱ ndokꞌóchjì Néná kjo̱a̱a̱ jún, já ntsꞌie xi Ndi̱a̱ná tjoó, ngatꞌa̱ nga tjón tjón Néná jún xí jaꞌájinjnú, tsi̱ꞌe̱ nga sa̱kójnú kjo̱a̱ꞌnaxiéꞌaá, ngatꞌa̱ A̱si̱énni̱xtjii̱n Néná tsꞌéntsjiejnú, ko̱jo je kisꞌijinjnú én xí ja̱koxi̱i̱.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

Ni xi akakoo̱ 17:14

Kuii̱ xi skjánjo̱ cho̱tsa̱nga̱a̱, ta̱nga cho̱tsa̱nga̱a̱ sa̱ꞌiín, ngatꞌa̱ kuí boá xi Ndi̱a̱a̱ ngayeje ndi̱a̱ ko̱jo Ree̱ ngayeje re, kó kui xota̱ xi ki̱a̱ nijan síndojo̱, kuí boá xi Néná tsíchji̱a̱a̱ nga xota̱ xi ꞌniátakón.