Xo̱jo̱n Salmoo̱ 106:41 - Xo̱jo̱n eén Néná

^41-42 Kuíni nga katsjandiè nga ngi̱ya tsja kondra̱a̱ ixó, tsi̱ꞌe̱ nga ni̱ma̱kjo̱a̱ ku̱i̱ꞌíndo ko̱jo nga ndajín sa̱ꞌínjo̱.

Xo̱jo̱n Salmoo̱ 106:41 ပူးပေါင်းရင်းမြစ်များ

Ndeuteronomio̱ 28:25

»Kjiꞌanga kji̱ndi̱bá kjánjo̱jnú kondra̱jnú, jún kꞌuíndondajnú jájúnjnú tsi̱ꞌe̱ nga skjánjo̱ kondraa̱, ta̱nga ta̱xkiya ku̱i̱yòjnú nga si̱ꞌanchajà yejejnú. Kó ngije jesónjnú ki̱a̱ kjoyójo yojojnú ki̱a̱ nga̱són tꞌanangii̱, kó nde ngojín xi ku̱i̱ꞌíchjaá nga cho̱ tamaá, ko̱jo cho̱ xi kjinie cho̱ siee̱n skji̱ni̱e̱ yojojnú. Nga sku̱i̱e̱ kui nii̱ xota̱ na̱xi̱ńdá xí ngasee̱, stsa̱kjonní.

Ndeuteronomio̱ 28:33

»Ngayeje ni̱xtjin nga xota̱ xi nde yàjínjnú xi sa̱ꞌínchejéjnú, kó ndajín sa̱ꞌínjo̱jnú, kó kuí boá xi kꞌo̱je̱n ni xi jún ikꞌítji̱e̱jnú, xota̱ xi nde yàjínjnú ꞌyá kuí bo̱a̱ xi skji̱ni̱e̱ ni xi achichí kjo̱a̱ni̱ma̱ ikꞌítji̱e̱jnú.

Ndeuteronomio̱ 28:48

Kuíni nga Néná achichí kondra̱ sa̱ngíyájnú, kó kuí boá kui xotaa̱ xi ka̱majnú mosoo̱. Néná kjo̱a̱ꞌáxínjnú ngayeje ni xi katsjájnú, kó ni̱ma̱ sa̱ꞌínkꞌíndojnú. Jmí nichinie kꞌuiéjínjnú, ti̱nde kꞌuiéjínjnú ndáfoa, ti̱nde kꞌuiéjínjnú ńjño. ¡Moso̱ ka̱majnú, kó bo̱a̱ tsꞌén nga kju̱i̱e̱ kjin kjinjnú!

Ndeuteronomio̱ 32:30

Kótsꞌèn makjínjnú jún nga ta̱ ngo tsí xota̱ Israee̱l xi ngo mi̱ jájún tsangatji̱ngii̱. Kótsꞌèn makjínjnú jún nga jó jájún xi tie mi̱ xota̱ tsangatji̱ngii̱. ¡Tsi ánjín xi tsꞌénkónjnúꞌun nde katsjandièjín an nga jún xi si̱ꞌánjnú tsobo̱a̱, kó jún nde kamájínjnú kiniꞌánjnúu̱ kui xotaa̱ tsobo̱a̱!