Xo̱jo̱n Salmoo̱ 102:2 - Xo̱jo̱n eén Néná

² ¡Ngata̱ ꞌbíꞌmíjínní kje̱n ji, ni̱xtjin nga nda̱ ka̱mana! Ndaꞌyéní kjiꞌanga kuichjiájoo, kó ti̱ꞌinsénní ni̱xtjin nga ji kuichjiáa̱.

Xo̱jo̱n Salmoo̱ 102:2 ပူးပေါင်းရင်းမြစ်များ

Joo̱b 34:29

Ta̱nga tsi Néná xí mejeén nga xió kꞌuijñá, ꞌyá xí ka̱maa̱ sa̱ꞌínchꞌó nga bo̱a̱ sa̱ꞌín. Tsi kui xi mejénjiín nga ko̱kó yojoo̱, ꞌyá xí ka̱maa̱ sku̱i̱e̱ kje̱n. Ta̱nga Néná, kuí boá xi tsꞌénkotsijee̱n ngayeje na̱xi̱ńdá ko̱jo xota̱ xi tjín nga̱sondiee̱,

Joo̱b 7:21

Ánní nga niꞌínjetakínjínní, sꞌe̱ niꞌínchíyé ji ni xi ndajín xi katsꞌen an. Ngatꞌa̱ jè ńdie ka̱má ngiñá an, kó tsi ndyiojón ku̱i̱ndyi̱séní, jè ngiti̱ jmíjín an, jè aya an».

Xo̱jo̱n Salmoo̱ 104:29

Tsi niꞌínsénjíi̱n achichí tsakjón má, tsi chje̱ꞌéxíi̱n tjo̱ xi kjiendáni, fesón kó chojo má nginí,

Xo̱jo̱n Salmoo̱ 13:1

Ngaskande kjiꞌání ji Ne. Ngaskande kjiꞌání nga kꞌuiꞌmíní kje̱n ji. A jè ngatsjéni̱xtjin si̱ꞌinchíyení.

Xo̱jo̱n Salmoo̱ 143:7

Ji Ne, ¡tsá ti̱ꞌinsénní, ngata̱ jè kjiꞌme an! ¡Ngata̱ ꞌbíjñímasínjínní, ngatꞌa̱ xikónií tsi je kꞌien an tsobo̱a̱!

Xo̱jo̱n Salmoo̱ 17:1

Ji Ne, ndaꞌyé ji ngo kjo̱a̱ xi kixi̱, kó ti̱ꞌinsénní kjiꞌanga ni̱ma̱ xiaán, ndaꞌyé ji nga kuichjiaá, ngatꞌa̱ jmí kjo̱a̱ndiso fotjojiín ndso̱ꞌba án.

Xo̱jo̱n Salmoo̱ 22:19

Ta̱nga ji Ne, ngata̱ niꞌínkjinjínní yojòo̱, ngatꞌa̱ jí boá xi ngaꞌniúna ji, ¡tsá ndibékasíke̱jení!

Xo̱jo̱n Salmoo̱ 27:9

Ngata̱ mindyinꞌmíjínní, ti̱nde ngata̱ niꞌínxchínjín ji nga si̱ꞌinchꞌi ji kui mosoo̱ xi̱ꞌbi̱. ¡Jí boá xi tibosíke̱jení, ngata̱ ꞌbíjñísoboéjínní! ¡Ji Ne xi ꞌboxiéꞌána!

Xo̱jo̱n Salmoo̱ 31:2

Tasínijìnní, kó tsá ꞌna̱xiéꞌéní, jí xí ngatama ji xikoó ngo ndi̱jo̱je, ko̱jo xikoó ngo xó nkꞌa xi kꞌo̱xiéꞌána.

Xo̱jo̱n Salmoo̱ 40:13

¡Ji Ne, ngo kjo̱a̱nda míꞌaá, ꞌna̱xiéjinní kuí nii̱! ¡Ji Ne, ngo kjo̱a̱nda míꞌaá, tsá ndibékasíke̱jechiíní!

Xo̱jo̱n Salmoo̱ 69:17

Ngata̱ ꞌbíjñiꞌmíjíi̱n kje̱n ji kui mosoo̱, ngatꞌa̱ achichí nda̱ kjimana, ¡tsá yé chií ji, kó ti̱ꞌinsénní!

Xo̱jo̱n Salmoo̱ 70:1

Ji Ne, ¡ja̱bíꞌna̱xiéꞌéní! ¡Tsá ndibékasíke̱jení Ne!

Xo̱jo̱n Salmoo̱ 71:2

Ta̱ngatꞌanii̱ kjo̱a̱kixìi̱ nga ti̱ꞌindéní, kó te̱ꞌéndièní nga kjo̱tjongina yojona. ¡Tasínijìnní, kó ꞌna̱xiéꞌéní!

Éksondo̱ 2:23

Ngije jaꞌa kjín nó, kꞌien nda̱ re xi chji̱a̱ni nangi Ejipto̱, kó xota̱ Israee̱l achichí ni̱ma̱ katsó kjo̱a̱a̱ nga moso̱ kamá ki̱a̱a̱, ngatꞌa̱ tsie kjo̱a̱ni̱ma̱ jaꞌa.

Éksondo̱ 2:24

Ta̱nga Néná kamábe kjo̱a̱ni̱ma̱ xi ndyi̱foaꞌatio, kó tsintꞌieé nga ndyi̱kjandayà nga on kjimaa̱ ni xi kjimataꞌin kui xotaa̱, kó kjiꞌá boá nga jaꞌátsjiee̱n Néná ni xi índajo̱ xota̱ xi xchaá xota̱ Israee̱l, kui xi Abraa̱n, Isaa̱ ko̱jo Jakoo̱b.

1 Xota̱ Korinto̱ 10:13

Ni xi kjimataꞌinjnú nga tjíchjatꞌayákónjnú, jmí tsi tsꞌatio ngase kjo̱a̱a̱ ni xi kjimataꞌin xotaa̱. Ka̱ma ka̱maꞌniátakónjnú Néná, kó tsja̱ndièjín nga ꞌniú ngase chjátꞌayákónjnú kjo̱a̱a̱ ni xi kjo̱chíkjo̱a̱jnú. Ta̱sá kjiꞌanga chjátꞌayákónjnú, Néná ko̱kójnú kótsꞌèn kjo̱tjongijnú yojojnú tsi̱ꞌe̱ nga xchíkjo̱a̱jnú ni xi ka̱majnú.