Xo̱jo̱n Salmoo̱ 101:3 - Xo̱jo̱n eén Néná

³ Nde ngojín nii̱ xindajín xi koaꞌaxki̱ an, ngatꞌa̱ chꞌóna ni xi tsꞌén xota̱ xi xín ndi̱yà kjien, kó tsjandièjín an nga ki̱a̱ nijan sa̱ꞌínkamajo̱na.

Xo̱jo̱n Salmoo̱ 101:3 ပူးပေါင်းရင်းမြစ်များ

Joo̱b 31:1

»Jè bo̱a̱ kixiáa̱n ndyikón an nga chꞌójín tsꞌén skotsíjee̱n ínchjín xo̱ngo̱ò.

Xo̱jo̱n Salmoo̱ 119:113

¡Tꞌíjñá so̱bo̱a̱jnúꞌun jún xota̱ xi ꞌniú ndajín! ¡Chꞌóna jún ngatꞌa̱ xota̱ jókje̱njnú! Ta̱nga ji Ne, tjóna ji, kó mejénna kjuíntjíngíra an kjo̱a̱bokoyáa̱. Jí boá xi ngi̱ndiena, ko̱jo jí boá xi chínní. Ni xi kiꞌmíyetjén ji, kuí boá xi tsꞌénkoyàa̱.

Xo̱jo̱n Salmoo̱ 119:37

Ngata̱ boeꞌéndièjín ji nga ni xi Nénájín xi kjuíntjíngí an, ngatꞌa̱ ta̱ jí tsí xi sa̱ꞌindikoón. ¡Ti̱ꞌinkjatjosén ji ni xi kiꞌmíyetjén, kó ti̱ꞌinꞌnítakínní!

Xo̱jo̱n Salmoo̱ 139:22

¡Achichí ꞌniú tsꞌenchꞌó an! ¡Kondra̱ mána kondra̱ tse̱!

Xo̱jo̱n Salmoo̱ 14:3

Ta̱nga ngayejee̱ nga je kje̱ꞌe ndi̱yà kijí, ngayejee̱ nga je jatson ini̱ma̱a̱. Nde jmíjín xi tsꞌén ni xi ndaa̱, nde ngojín.

Xo̱jo̱n Salmoo̱ 36:3

Én xí chji̱a̱, ni xi ndajín ko̱jo kjo̱a̱ndiso boá, jè ngiti̱ bo̱a̱jín tsꞌén xikoó ngo xota̱ xi nda tsꞌénkjó, ko̱jo xi ni xi ndaa̱ tsꞌén.

Xo̱jo̱n Salmoo̱ 39:1

An bi̱ kixian an: Skóo̱n ni xi sa̱ꞌin an, tsi̱ꞌe̱ nga sa̱ꞌinjéjín an najén án, kokjo an ndso̱ꞌba án tji̱e̱nga xota̱ xi ꞌniú ndajiín ki̱a̱ síndo ngindyikón án.

Xo̱jo̱n Salmoo̱ 40:4

Achichíra̱tsjaa̱ kui nda̱ xi Néná kjimaꞌniátakón, kui xi ki̱a̱jín kotsijee̱n xota̱ xi nkꞌakoo̱n ko̱jo xota̱ xi ki̱a̱ fítji̱ngi ni xi Nénájín.

Xo̱jo̱n Salmoo̱ 41:9

Ngaskande amingo̱na xi nda ngase yaꞌa an, kui xi ꞌniú kamáꞌniátakón an, ko̱jo kui xi nijan iskjíni̱e̱jo an nichinie, je kondra̱ tsa̱ꞌa̱n an je tikón.

Xo̱jo̱n Salmoo̱ 78:41

Kósꞌe̱ ti̱ askotꞌayákón nginí Néná, ¡kó katsꞌénxtií kui Néná xi tsjie, xi tsi̱ꞌe̱ na̱xi̱ńdá Israee̱l!

Xo̱jo̱n Salmoo̱ 78:57

ta̱sá nga̱xto̱n kijíni xikó má katsꞌén xota̱ xi xchaá, nga kixi̱jín kamá, kó xikó maá yáchjonyá xi jmí tsi kixi̱ kamá.

Xo̱jo̱n Salmoo̱ 97:10

Jún xi tjójnú Néná, ti̱ꞌanchꞌójnú ni xi ndajiín. Kuí boá xi foaꞌátjó ini̱ma̱a̱ xota̱ xi tsjiee̱, kó kuí boá xi ꞌboxiéꞌáni ngi̱ya tsja xota̱ xi ndajiín,

Éksondo̱ 20:17

»Ngata̱ niꞌánmejénjínjnú ni xi tjiín kje̱ꞌe xota̱, tsi chjo̱ón, tsi mosoo̱ xi xi̱ꞌin, tsi mosoo̱ xi chjo̱on, tsi cho̱yojo xi tsꞌénxaá, tsi bórróo̱, ko̱jo tsi ta̱jmì niní xi tjiín».

Énkjínkón 6:12

Tjín xota̱ xi ndajín ko̱jo xi jmí kjo̱a̱soboájiín xi ngongá ni ndiso ndyi̱ꞌbini̱jmì,

Énkjínkón 6:13

tsi̱ꞌe̱ nga ku̱i̱ꞌíndisojo̱ kje̱ꞌe xota̱, ꞌbíchjaá ndyi̱ko̱n, tsja bokóní, ko̱jo se tsꞌéntíyaà.

Énkjínkón 6:25

Ngata̱ tsꞌénmejénjín ini̱ma̱a̱ kjo̱a̱tsjakjiꞌii̱ kui chjo̱on, ti̱nde ngata̱ boeꞌéndièjín ji nga ta̱ngatꞌanii̱ xikótsꞌèn kotsijee̱n, nga tsja ka̱maa̱ kui.

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Eklesiastee̱ 6:9

Chjí ngasenii̱ ni xi ndyi̱be ndyikón, ta̱bo̱a̱jiín ni xi ta̱ niꞌánkjínñáa̱ takón. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Matioo̱ 5:28

Ta̱nga xiyàjnúꞌun nga tsi ngo nda̱ xi skotsíjee̱n ngo chjo̱on tsi̱ꞌe̱ nga sa̱ꞌínmején, nga bo̱a̱ sa̱ꞌín, jè katsꞌéntꞌaa̱ kjo̱a̱ chjo̱ón ngi̱jin ini̱ma̱a̱.

Xota̱ Roma̱ 12:9

Ti̱ꞌantjó ja̱koxi̱jnú xingi̱jnú. Ti̱ꞌanchꞌójnú ni xi ndajiín, kó ni xi ndaa̱ tangíntji̱ngíjnú.

Xota̱ Ngalasia̱ 4:9

Ta̱nga ngotꞌe̱ ꞌne̱, ngije yàjnú Néná, ko̱jo tsi Néná jè bejnú jún, kuíni nga, kótsꞌèn nga ti̱ ingo ndi̱yà nginí kongintjingíjnúu̱ kui ni xi jmíjiín ngaꞌniú ko̱jo ni xi jmí ni chjíjiín. A mejénjnú nga ti̱ ko̱tíxoma nginíjnú ne xi Nénájín.

Xota̱ Ebreo̱ 10:39

Ta̱nga ñá jmí tsi bo̱a̱ kon, xikoó xota̱ xi fíni nga̱xto̱n sꞌe̱ chaja, ta̱sá ñá boá xi tjínná kjo̱a̱sꞌijin tsi̱ꞌe̱ nga kjo̱tjoꞌa ini̱ma̱ná.

2 Xo̱jo̱o̱n Peé 2:21

Ngatꞌa̱ ta̱sara̱ ndatsi kamábejín kui jaá ndi̱yà xí kixi̱i̱, ta̱bo̱a̱jiín tsi ngije kamábe, xín sa̱ꞌínkjaꞌàa̱ yojoo̱ kui kjo̱a̱botíxoma tsjie xi je katseꞌeé.

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.