Xo̱jo̱n Salmoo̱ 10:7 - Xo̱jo̱n eén Néná

⁷ Én xí chji̱a̱ tsꞌoa, tjikítsie maá ni xi ndajín, ko̱jo kjo̱a̱ndiso, ko̱jo kjo̱a̱chꞌáṉcha̱ kó ngindie na̱je̱n síndoꞌmaá ni xi tsꞌénꞌónná, ko̱jo ni xi ndajín xi mejeén sa̱ꞌín.

Xo̱jo̱n Salmoo̱ 10:7 ပူးပေါင်းရင်းမြစ်များ

Joo̱b 15:35

Ni xi ndiso boá xi kjimaxchá ngi̱jin yojoo̱, ngatꞌa̱ xikoó tsi ndí tsaꞌa ko̱jo tsi ndí tsijeén kjo̱a̱a̱ ni xi ndajiín».

Joo̱b 20:12

»Ni xi ndajiín achichí nda kichiniee̱ xikó maá ntsjieén, nga ngaskande katomájón má,

Xo̱jo̱n Salmoo̱ 12:2

Kjo̱a̱ndiso boá xi chji̱a̱jo ja̱kꞌi̱e̱ ja̱ngaján xkjín, kó én tsjatsó, ko̱jo én jókje̱n boá xi chji̱a̱.

Xo̱jo̱n Salmoo̱ 140:3

Jmí tsi ja̱kon xota̱ kon, ja̱kon ye̱ kón, chji̱a̱, kó eén tsꞌénꞌónná, xikoó tsi xaán ye̱ tjiín.

Xo̱jo̱n Salmoo̱ 140:9

¡Ti̱ꞌin ji nga kondra̱na kꞌo̱kanieé ngayeje ni xi ndajín xi mejeén kui nga ka̱mana!

Xo̱jo̱n Salmoo̱ 144:11

¡ꞌNa̱xiéꞌéní ko̱jo an nga! ¡Ngata̱ boeꞌéndièjín ji nga ki̱a̱ kꞌo̱ka an ngi̱ya tsja xota̱ xi ꞌniú ndajín xi chji̱a̱ni kje̱ꞌe nangi! Kui xotaa̱ ta̱soboá éndísó xí chji̱a̱ kjiꞌanga kjíxꞌá tsꞌoa, kjininkꞌá tsja kixi̱ kó ngiboanéná tsó nga ꞌbindísó.

Xo̱jo̱n Salmoo̱ 144:8

Kui xotaa̱ ta̱soboá éndísó xí chji̱a̱ kjiꞌanga kjíxꞌá tsꞌoa, kjininkꞌá tsja kixi̱ kó ngiboanéná tsó nga ꞌbindísó.

Xo̱jo̱n Salmoo̱ 36:3

Én xí chji̱a̱, ni xi ndajín ko̱jo kjo̱a̱ndiso boá, jè ngiti̱ bo̱a̱jín tsꞌén xikoó ngo xota̱ xi nda tsꞌénkjó, ko̱jo xi ni xi ndaa̱ tsꞌén.

Xo̱jo̱n Salmoo̱ 41:6

Kó tsi tjín xí ndibakátsijenna, éndísó chji̱a̱, kó ta̱soboá ni xi ndajín boá xi ꞌbíjin ngi̱jin ini̱ma̱a̱, kó ngije fí nginí, tsꞌéntsójó kui eén.

Xo̱jo̱n Salmoo̱ 5:9

Ngatꞌa̱ jmí kjo̱a̱kixi̱jiín ni xi chji̱a̱ tsꞌoa kui xotaa̱, ni xi ndajín boá ngayeje ni xi ndyi̱a̱ nga̱ntsꞌo̱a̱, nga̱tsjo̱ó xí tji̱e̱nti̱xa̱ boá na̱xo̱o̱, kó ta̱soboá ni ndiso boá xi chji̱a̱ na̱je̱n.

Xo̱jo̱n Salmoo̱ 50:19

Kjo̱a̱a̱ ni xi ndajiín boá xi niꞌínkjìn jí ndso̱ꞌbe, kó najen ji éndísó boá xi chji̱a̱.

Xo̱jo̱n Salmoo̱ 52:4

Kó ji najen xi chji̱a̱ éndísó, ngayeje to̱ko̱ya én xí tsꞌénꞌónná boá xi ndokjo̱e̱ ji.

Xo̱jo̱n Salmoo̱ 55:21

Én xí katsꞌénkjién inda ngase kamá ta̱bo̱a̱jiín mantekiyaa̱, ta̱nga ngi̱jin ini̱ma̱a̱ kjo̱a̱xchán boá xi kisꞌiee̱, én xí tsíchji̱a̱ inda ngase kamá ta̱bo̱a̱jiín istii̱, ta̱nga kui boá xi ki̱cha̱ xi yojó ngajó ngaboaá kamá.

Xo̱jo̱n Salmoo̱ 58:3

Xota̱ xi ꞌniú ndajiín, jè ndajín ndeskande ngindiee̱ nga stse̱én, xota̱ xi ndisoo̱ ndeskande nga síndo ngi̱ya ndo̱bo̱a̱ndií na̱áa̱n nga jè ndajín.

Xo̱jo̱n Salmoo̱ 59:12

Xki̱ nga kjíxꞌá tsꞌoa, tsꞌénjé nga chji̱a̱, ti̱ kui xi ngatixóyà chja̱ya̱a̱ kjo̱a̱nkꞌakoo̱n, ko̱jo kjo̱a̱a̱ ni ndiso ko̱jo ni xi ndajín xi ndyi̱chji̱a̱.

Xo̱jo̱n Salmoo̱ 59:13

¡Ti̱ꞌinkjie ji nga si̱ꞌinxchín ji Ne, ti̱ꞌinkjie ji tsi̱ꞌe̱ nga ka̱makjínjín ngase! ¡Kó ngatamaya ngaskande nínga fetꞌanii̱ tꞌanangii̱, nga jí boá xi botíxomée̱ xota̱ tji̱e̱e̱ Jakoo̱b!

Xo̱jo̱n Salmoo̱ 62:4

Ta̱soboá ndyi̱niꞌánkjójnú nga mejénjnú ku̱i̱chíjmingíjnú ki̱a̱ ngi̱ndie nínga tikón, achichí tsjá májnú nga ꞌbíndisójnú, ndso̱ꞌbájnú tsꞌénchíkonñé, ta̱nga ngi̱jii̱n ini̱ma̱jnú, ni xi ꞌniú ndajín sꞌijii̱n.

Xo̱jo̱n Salmoo̱ 64:3

kui xi xikoó tsi tsꞌényojó na̱je̱n xikó maá ki̱cha̱ndojó xi ꞌniú yojó, kó tsꞌénkjién xikoó yáyojó xi ndikimaya tjiín,

Xo̱jo̱n Salmoo̱ 7:14

Tsitsíjenjnúu̱ nga xota̱ xi ꞌniú ndajiín, xikoó tsi ndí kiniꞌánkaꞌa, sꞌe̱ kui ni xi ndajiín, kuí boá xi ndí kamá ngi̱ya nga̱ntso̱a̱, kó kjo̱a̱ndisoo̱ boá xi tsijeén.

Xo̱jo̱n Salmoo̱ 73:8

Mojnókie xotaa̱ kó chꞌo tsó nga chji̱a̱, achichí nkꞌakon má nga ꞌbínda nga ndajín sa̱ꞌín.

Énkjínkón 21:6

Kjo̱a̱cho̱n xi kasako ta̱ngatꞌanii̱ nga ikꞌíndisoo̱, ta̱ ni xi tsꞌénkjiín kjo̱a̱kjínkoón xota̱ xi mongase kjo̱a̱bo̱yaa̱ tsí bo̱a̱.

Énkjínkón 30:8

Kjin ti̱ꞌinkjeꞌéní ni xi jmí ni chjíjiín ko̱jo kjo̱a̱ndisoo̱, kó ngata̱ jmí kjo̱a̱ni̱ma̱ ko̱jo tsi kjo̱a̱cho̱n boeꞌéjínní, ta̱kuítsí nichinie xi skjíni̱e̱ an ndyiojón ndyiojón.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.