Xo̱jo̱n Salmoo̱ 10:4 - Xo̱jo̱n eén Néná

⁴ Xota̱ xi ndajiín kjin má mején kje̱n nga nkꞌakon maá yojoo̱, mongasejín Néná, ti̱nde chiíjín tsꞌénkjó kuí.

Xo̱jo̱n Salmoo̱ 10:4 ပူးပေါင်းရင်းမြစ်များ

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Joo̱b 22:17

Bi̱ katsoó Néná: ti̱ꞌinkjinjne̱ yojòo̱. Kó mí ni xi ndajín xi katsꞌénjo̱ kui Néná xi tsi̱ꞌe̱ ngayeje ngaꞌniuú,

Xo̱jo̱n Salmoo̱ 101:5

Sa̱ꞌinkjié kui xi én tsꞌéndataꞌin xota̱ xi xkjín, sa̱ꞌinchíkjo̱a̱jáa̱n kui xota̱ xi nkꞌa ngase, ko̱jo xi kjínkón ngase ka̱maa̱ yojoo̱.

Xo̱jo̱n Salmoo̱ 18:27

Nga ja̱koxi̱, jí boá xi ꞌna̱xiéꞌé ji xota̱ na̱xi̱ńdá xí ni̱ma̱kjo̱a̱ síndoo̱, kó ni̱ma̱kjo̱a̱ niꞌínje̱ ji xota̱ xi nkꞌakoo̱n.

Xo̱jo̱n Salmoo̱ 27:8

Ngo ni tsꞌénchji̱a̱ ini̱ma̱na xi bi̱ tsó kjo̱a̱a̱ ji: «¡Ti̱ndyi̱sé ji Néná!» Kuíni nga an, ji boá kongasee, Ne tsa̱ꞌa̱n.

Xo̱jo̱n Salmoo̱ 36:1

Ni xi ꞌniú ndajín xi tsꞌén xota̱ xi tsꞌénjeé, tsꞌénkjó ngi̱jin ini̱ma̱a̱, nga chjiénjín nga sku̱i̱e̱ndikón Néná.

Xo̱jo̱n Salmoo̱ 53:1

Xota̱ xi kitikjo̱a̱a̱ bi̱ tsó ngi̱jin ini̱ma̱a̱: «Jmíjín Néná». Xota̱ xi je jatson boá, kó ni xi ndajín boá xi tsꞌén, ¡nde ngojín xi ni xi nda tsꞌén!

Xo̱jo̱n Salmoo̱ 73:11

Kó bi̱ tsó nga chji̱a̱: Kótsꞌèn beni Néná. A tjínrií kjo̱a̱kjíntakón Néná.

Éksondo̱ 5:2

Ta̱nga nda̱ ree̱ bi̱ katsó: —Kó ꞌyání bo̱a̱ kui Nee̱. Kó ánní nga an kuintꞌieꞌén kóo̱n. ¡Ngojín nee̱ xota̱ Israee̱l xi be an, kó ti̱nde tsjandièjín an nga kjo̱tjojnú!

Énkjínkón 21:4

Jé boá kui nii̱: nga nkꞌakon ko̱ꞌna̱xié yojoná, nga kjínkón ko̱ꞌna̱xié yojoná, ko̱jo nga si̱ꞌankjó xikoó xota̱ xi ꞌniú ndajiín.

Énkjínkón 30:13

Tjín xota̱ xi achichí nkꞌakon maá yojoo̱, kó chꞌo tsꞌén kotsijee̱n ngayeje xota̱ xi ngasee̱.

Énkjínkón 30:9

Ngatꞌa̱ tsita̱ ngije tsie ni tjínna, ngiti̱ skuiéjaán jí, kósꞌe̱ bi̱ xián án: “ꞌYání bo̱a̱ xi Néná”. Ko̱jo tsi ni̱ma̱ ka̱ma an, sꞌe̱ ta̱sá sa̱ꞌinchejé án, kósꞌe̱ ngaskande ji chꞌo xiaán ngijee̱.

Énkjínkón 6:17

Xota̱ xi nkꞌakoo̱n, xota̱ xi ꞌbindísoó, xota̱ xi tsꞌenkꞌién xota̱ xi jmí jéjiín,

Eklesiastee̱ 8:11

Kó kjiꞌanga tsájín niꞌánjeé xota̱ xi ndajín katsꞌeén, xota̱ xi ngasee̱ tsꞌénkjó nga ka̱ma sa̱ꞌín ni xi ndajiín kui nga.

Markoo̱ 7:21

Ngatꞌa̱ ngaskande ngi̱jin ini̱ma̱a̱ xotaa̱ ndibánií ni xi chꞌokjiꞌi xi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènkꞌién ini̱ma̱,

Ni xi kamá 8:22

Ti̱ꞌinkꞌoyé ji ni chꞌokjiꞌi tse̱, kó ꞌniú chji̱e̱ꞌèe̱ Néná, tsi ta̱ꞌa nga sa̱ꞌínjetakoón ni xi bo̱a̱ tsꞌén ikꞌíjin ini̱màa̱,

Xota̱ Roma̱ 1:21

Ngatꞌa̱ ndatsi xotaa̱ ja̱bo̱a̱ je kamábe Néná, katsjájiín kjo̱a̱je xikoó nga kui xi Néná, ti̱nde katsjájiín ndokꞌóchjì, ta̱sá ni xi jmí ni chjíjiín xi katsꞌénkjó, kó ta̱sá katsꞌéntajá ini̱ma̱a̱.

Xota̱ Roma̱ 1:28

Kó nga akó kui xotaa̱ nga kamámejénjiín katsꞌénseén Néná, Néná índomasien tsi̱ꞌe̱ nga kjo̱tsòn kjo̱a̱kjíntakoón, tsi̱ꞌe̱ nga sa̱ꞌín ni xi májín niꞌán.

Xota̱ Éfeso̱ 2:12

Kui ni̱xtjin jàn kjin kixindyionnijnúu̱ Kristoo̱, kó xín kixindyionnijnúu̱ xota̱ Israee̱l, kó nde tsa̱júnjín kamá ni xi índajo̱ Néná xi katsóyàtjón nga tsja̱á xota̱ xi tsi̱ꞌe̱, kisꞌiejínjnú kjo̱a̱chiyá, ko̱jo kisꞌiejínjnú Néná kꞌi̱e̱ kui nga̱sondiee̱.