Xo̱jo̱n Salmoo̱ 10:17 - Xo̱jo̱n eén Néná

¹⁷ Ji Ne, jí boá xi kandaꞌyée̱ ni xi mejeén xota̱ xi ni̱ma̱kjo̱a̱a̱. Jí boá xi boeꞌé ngaꞌníi̱ ini̱ma̱a̱, kó niꞌínsée̱n nga chji̱a̱a̱,

Xo̱jo̱n Salmoo̱ 10:17 ပူးပေါင်းရင်းမြစ်များ

Xo̱jo̱n Salmoo̱ 102:17

Sa̱ꞌínsénríi̱ nga ꞌniú ku̱i̱chji̱a̱a̱ xota̱ xi ni̱ma̱ síndoo̱, kó sa̱ꞌínchꞌójín kjiꞌanga ndyi̱chji̱a̱a̱.

Xo̱jo̱n Salmoo̱ 145:19

Jí boá xi niꞌínsée̱n nga ꞌniú chji̱a̱a̱ kui xota̱ xi bendikoón, kó boeꞌée̱ ni xi chjieén, kó ꞌnaxiéꞌé ji.

Xo̱jo̱n Salmoo̱ 34:15

Néná ngatsjéni̱xtjin nga tsꞌénkotsijee̱n xota̱ xi kixi̱i̱, kó ntꞌieé kjiꞌanga ni̱ma̱ tsó nga chji̱a̱a̱.

Xo̱jo̱n Salmoo̱ 37:4

Tsjangatamaa̱ ngatꞌaa̱ Néná, kó kuí boá xi tsja̱á ni xi mejeén ini̱ma̱a̱.

Xo̱jo̱n Salmoo̱ 9:12

Ngatꞌa̱ kui xi tsꞌéngojo nga niꞌánkjiesón xota̱ xi jmí jéjiín, jè jaꞌátsjiee̱n kui, kó kji̱e̱ chíyájiín nga ni̱ma̱ ndyi̱tsó xota̱ xi ndyi̱foaꞌatio kjo̱a̱ni̱ma̱a̱.

Xo̱jo̱n Salmoo̱ 9:18

Ngatꞌa̱ jmí tsi ngatsjéni̱xtjin nga si̱ꞌanchíyá xota̱ ni̱ma̱a̱, ti̱nde jmí tsi ngatsjéni̱xtjin nga xcha̱ja kjo̱a̱chiyaá xota̱ xi ndyi̱foaꞌatio kjo̱a̱ni̱ma̱a̱.

Énkjínkón 10:24

Ni xi tsakjón nga ka̱maa̱ xota̱ xi ndajiín, kuí boá ni xi ka̱maa̱, kó ni nda xi mejeén nga ka̱maa̱ xota̱ xi kixi̱i̱, kuí boá ni xi kjo̱tjosoón.

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Énkjínkón 16:1

Ngi̱jin ini̱ma̱a̱ xotaa̱ ndibánií nga ꞌbínda ngo ni, ta̱nga Néná boá xi bo̱a̱ ka̱tso̱ tsi kjo̱tjosón ko̱jo tsi jmí.

Matioo̱ 5:3

–Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Xota̱ Roma̱ 8:26

Ti̱ bo̱a̱ ti̱ tsꞌén A̱si̱énni̱xtjii̱n bosikójoná ngatꞌa̱ inda tindyión. Xikoó nga yà jàn mí ni xi kꞌuín nga ko̱ndókjoáa̱ Néná, kó ti̱kuíní A̱si̱énni̱xtjii̱n xi chji̱a̱tjená. A̱si̱énni̱xtjii̱n foeꞌetsiéꞌoón nga chji̱a̱a̱ Néná, kó májín ndaꞌyaá nga én kuí nii̱.

Xota̱ Éfeso̱ 2:18

Kó ngatꞌaa̱ Kristoo̱ nga xota̱ xi jundío̱ ko̱jo xi jundío̱jín ta̱ ngo tsí A̱siénni̱xtjin tikónná, kó ka̱ma kjóchochontiñáa̱ Na̱ꞌmii̱.

Xota̱ Éfeso̱ 3:12

Ndokꞌóchji̱nií Kristoo̱, ko̱jo nga sꞌijinná kuí, kuíni nga maꞌniátakón nga mongínchon tiñáa̱ Néná.

Xo̱jo̱o̱n Sandiyaá 4:10

Ni̱ma̱kjo̱a̱ ti̱ꞌánjnú yojojnú ngindyi̱ko̱n Ndi̱a̱ná, kó kuí boá xi skjinínkꞌájnú.

Xo̱jo̱o̱n Sandiyaá 4:6

Néná tsie ngase kjo̱a̱nda xi tsjáná, kuíni nga bi̱ tsó xo̱jo̱n eén Néná: “Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱ tsjaá kjo̱a̱nda.”

1 Xo̱jo̱o̱n Peé 3:12

Ngatꞌa̱ Ndi̱a̱ná koón xota̱ xi kixi̱i̱, kó nda bosiénníjoón nga chji̱a̱ kui xotaa̱, ta̱nga kje̱n Ndi̱a̱ná kondra̱ tikónnii̱ xota̱ xi ndajín ndyi̱tsꞌe̱én.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.