Xo̱jo̱n Salmoo̱ 10:14 - Xo̱jo̱n eén Néná

¹⁴ Ta̱nga tiye jí, ngatꞌa̱ titsitsijìi̱n kjo̱a̱ni̱ma̱ ko̱jo ni xi ndajín xi kjimataꞌin, tsi̱ꞌe̱ nga ji ko̱e̱ꞌée̱ ni xi tsoboaá. Jí boá xi kjima ꞌniákoón xota̱ xi jmíjiín xi bosikójoo̱, jí boá xi ꞌnaxiéꞌé ji xota̱ xi xꞌi̱a̱a̱n.

Xo̱jo̱n Salmoo̱ 10:14 ပူးပေါင်းရင်းမြစ်များ

Jenesii̱s 21:17

Kó Néná tsintꞌieé nga tsꞌénkjandayá nda̱chií, kósꞌe̱ ndítsjie xi Néná ndeskande ndiꞌakꞌajmii̱ tsíchji̱a̱a̱ na̱ Angaa̱r nga bi̱ katsoó: «Mí xí kjimaa na̱ Angaa̱r. Ngata̱ ndakinjín má ji, ngatꞌa̱ jè tsintꞌie an nda̱a̱ kui ndií.

Xo̱jo̱n Salmoo̱ 146:9

Néná boá xi koo̱n xota̱ xi xín nangi chji̱a̱ni, kó tsꞌénxki̱ xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Néná boá xi tsꞌenkjié kjo̱a̱ ni xi mejeén sa̱ꞌín xota̱ xi ꞌniú ndajiín.

Xo̱jo̱n Salmoo̱ 22:11

¡Ngata̱ niꞌínkjinjínní yojòo̱! Ngatꞌa̱ ni xi ndajiín je tikón tiña, kó nde jmíjín xi bosikójona.

Xo̱jo̱n Salmoo̱ 31:8

Ki̱a̱jín kiniꞌínkꞌasꞌínní ngi̱ya tsja kondra̱na, ta̱sá ngo ngi̱ndie xi tiyá ikꞌíjñí ji ndsa̱ko án.

Xo̱jo̱n Salmoo̱ 35:22

¡Ji Ne! Ti̱ tiye jí kui nii̱ nga, kuíni nga, ¡ngata̱ xiójín mindyin ji! ¡Ji Ndi̱a̱ ngata̱ niꞌínkjinjínní yojòo̱!

Xo̱jo̱n Salmoo̱ 55:22

Ti̱ꞌinkꞌasꞌíi̱n Néná chꞌià é xí kichꞌé ji, kó kuí boá tsja̱angaꞌniuú. ¡Néná sa̱ꞌínkjastjíe̱n nginí xota̱ xi kixi̱i̱ xi je tsꞌákaa̱!

Xo̱jo̱n Salmoo̱ 68:5

Néná boá xi na̱ꞌmii̱ xota̱ xi síndo xꞌi̱a̱a̱n, kó kuí boá xi koo̱n ínchjín kꞌán xi je jesón xi̱ꞌii̱n, kuí boá xi Néná ki̱a̱ Ndiꞌandikoón nínga tikón.

Xo̱jo̱n Salmoo̱ 68:6

Kuí boá kui Néná xí tsjaá ngo ndiꞌa xota̱ xi tjimásoón, kó tsꞌéndé xota̱ xi síndo ndo̱bo̱a̱ya̱à, tsi̱ꞌe̱ nga nda ko̱e̱je̱e̱, ta̱nga xota̱ xi ntꞌiéꞌénjiín, ki̱a̱ ꞌbíndo soboá ki̱a̱ tꞌanangi kixií.

Éksondo̱ 22:22

»Ka̱májín ndajín si̱ꞌanjo̱jnú ínchjín kꞌán xi je kꞌien xi̱ꞌii̱n ko̱jo xota̱ xi xꞌi̱a̱n xi jmíjiín na̱ꞌmi ko̱jo na̱an.

Éksondo̱ 22:26

Kó tsi kui nda̱ Israee̱l ńjño xi boajá ku̱i̱ꞌíjñangini nga tsꞌéntsáyà nga ku̱i̱ꞌíchjí to̱n xi si̱ꞌankíyaá, chjiéngá nga ka̱mangixoón ko̱e̱ꞌéꞌoyá nginíi̱ ńjñoo̱,

Énkjínkón 15:25

Néná tsꞌénkjátsón ndiꞌaa̱ xota̱ xi nkꞌakoo̱n, ta̱nga kónrií tsindioó xoꞌbaa̱ ínchjín kꞌán xi je kꞌien xi̱ꞌii̱n.

Énkjínkón 15:3

Néná ta̱jñà ngi̱ndiení nínga tikón nga tsꞌénkotsijee̱n xota̱ xi nda ko̱jo xi ndajín.

Kjo̱a̱chaꞌaá 3:59

Jè kamáyè ji kjo̱a̱ni̱ma̱ xi tsꞌénfoaꞌatio an ji Ne, ngo kjo̱a̱nda, ¡tasíke̱jení nga kixi̱ tsꞌén ka̱masenna!

Kjo̱a̱chaꞌaá 3:60

Jè kamáyè ji nga katsꞌéngojo, ko̱jo kamáyè ji ngayeje ni xi ndyi̱ꞌbínda kondra̱ tsa̱ꞌa̱n.

Ndeuteronomio̱ 10:18

»Néná kixi̱ tsꞌénjo̱ xota̱ xi je kamáxꞌi̱a̱n, ko̱jo ínchjín kꞌán xi je kꞌien xi̱ꞌii̱n, kó bokó nga tjoó nga tsjaá ńjño xi boajá ko̱jo nga tsjaá nichinie xota̱ xi xín nangi chji̱a̱ni xi ki̱a̱ síndojinjnú.

2 Timoo̱ 1:12

Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.

Xota̱ Ebreo̱ 4:13

Kó jmíjín ngo ni xi Néná katsꞌénda xi ka̱maꞌmaa̱ yojoo̱ ngindyi̱ko̱n kui, ta̱sá ngayeje nii̱ xi síndo tsijen ko̱jo ya cha̱n cha̱n ngindyi̱ko̱n kui Néná, kui xi chjiéngá si̱ꞌankꞌasꞌiée̱n xki̱i̱.

1 Xo̱jo̱o̱n Peé 4:19

Kó kuíni nga xi ndyi̱foaꞌatio kjo̱a̱ni̱ma̱ ngatꞌa̱ bo̱a̱ tsꞌén kamámejeén Néná, ngatsꞌénkꞌásꞌieén ini̱ma̱a̱ Néná nga nda sa̱ꞌín, ngatꞌa̱ kuí boá Néná xi ꞌniátakón ñá nga katsꞌénda ngayeje nii̱.

1 Xo̱jo̱o̱n Peé 5:7

Ngayeje ni xi nda̱jnú, Néná tꞌíjñájnúu̱, ngatꞌa̱ kuí xí tsꞌénkoón jún.