Xki̱ 8:7 - Xo̱jo̱n eén Néná

⁷ Chjiéngá bi̱ si̱ꞌinje̱ ji: Chjatjájìn ndáfoa xi tsꞌéntsjie xotaa̱, kósꞌe̱ jaskan ngatꞌijoón ngayeje yojoo̱, kó ngataniè ńjñoo̱. Bo̱a̱ tsꞌén nga je kamátsjie.

Xki̱ 8:7 ပူးပေါင်းရင်းမြစ်များ

Jenesii̱s 35:2

Kósꞌe̱ Jakoo̱b, bi̱ katsoó xota̱ xkjín ko̱jo xi ki̱a̱ síndojo̱: «Tꞌíndomasienjnú kui ni xi ne ndyi̱ꞌmìjnúu̱ xi síndojnú, sꞌe̱ jaskan ti̱ndáyájnú kó tasíkjojnú ńjñojnú,

Xo̱jo̱n Salmoo̱ 51:2

¡Taníjín ngase ji ni ndajín xi katsꞌen an, kó ti̱ꞌintsjiejín ji jéna!

Xo̱jo̱n Salmoo̱ 51:7

Isopo̱ ti̱ꞌinkjìn jí nga ti̱ꞌintsjiejínní, kó ka̱matsjiejón an, Taníjínní kó tsjie ngase ka̱ma an ta̱bo̱a̱jiín nchꞌaàn.

Éksondo̱ 19:10

»Mejénna nga kꞌuíchíi̱n xota̱ na̱xi̱ńdaá, kó tꞌíndendé jí tsi̱ꞌe̱ nga sa̱ꞌíndikónna ngotꞌe̱ ko̱jo ndyiojón. Tatíxomée̱ nga ko̱nié ńjñoo̱, tsi̱ꞌe̱ nga sa̱ꞌíntsjie yojoo̱, kó ngatꞌíndonda tsi̱ꞌe̱ nga sa̱ꞌíntsjána ngii̱, ngatꞌa̱ kuí ni̱xtjii̱n nga kokòo̱ yojona ki̱a̱ na̱xi̱ Sinaii̱.

Lebitiko̱ 15:27

Ngayeje xota̱ xi sa̱ꞌínjo̱ kui ni xi katsꞌénkjién kuí naa̱, ti̱ chjiéngá tsjiejín ka̱ma kui nga, ngaskande nga ka̱majñoó, kó chjiéngá ko̱nié ńjñoo̱ ko̱jo ngatangóyá.

Lebitiko̱ 16:28

Kui xi ku̱i̱ꞌítí kui nii̱, chjiéngá ko̱nié ńjñoo̱, ko̱jo ngatangóyá ngindiee̱ nga kꞌo̱sꞌien nginí nínga síndo ndiꞌaa̱ xotaa̱.

Lebitiko̱ 8:6

Kósꞌe̱ tji̱e̱nmá Moisee̱ tsíchji̱a̱a̱ Aaroo̱n ko̱jo jaá, tsi̱ꞌe̱ nga ko̱e̱je̱kon tiñaa̱, kó ki̱a̱ katsꞌéntsjiejón nga aniéjón kui jaá.

Xki̱ 31:20

Ko̱niéjnú ńjñojnú ko̱jo ngayeje ni xi yá, ko̱jo ni xi tji̱xin, ko̱jo xi tsja̱a̱ tindso̱ chjo̱on kamándani».

Xota̱ Ebreo̱ 9:10

Kui kjo̱a̱botíxomaa̱ kjo̱a̱a̱ nichiniee̱, ni ꞌyoó ko̱jo xikótsꞌèn tsꞌéntsjie yojoo̱ xotaa̱ ngindyi̱ko̱n Néná tsí bo̱a̱, kui kjo̱a̱botíxomaa̱ chjírií ta̱nga ngaskande tsí nga Néná ko̱síkjo nii̱.

Xota̱ Ebreo̱ 9:13

Jiín cho̱yojo xi̱ꞌii̱n, ko̱jo jiín tindso̱ xi̱ꞌii̱n, ko̱jo ndisoo̱ cho̱yojo xi̱xi̱ ínchjín xi ꞌbítí ṉchandikoón, kui xi kachjatjónjón xota̱ xi ndándií, kisꞌiee̱ ngaꞌniú tsi̱ꞌe̱ nga katsꞌéntsjie yojoo̱ xotaa̱ ngindyi̱ko̱n Néná.

Xo̱jo̱o̱n Sandiyaá 4:8

Ti̱ꞌantiñajnúu̱ yojojnú Néná, kó kui sa̱ꞌíntiñajnú yojoo̱. Jún xota̱ xi ndyi̱niꞌánjéjnú, ti̱ꞌantsjiejnú ndsa̱jnú. Kó jún xi jó ni tjíjii̱n ini̱ma̱jnú, ti̱ꞌantsjiejnú ini̱ma̱jnú.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.