Xki̱ 6:9 - Xo̱jo̱n eén Néná

⁹ »Tsi ngo xota̱ ko̱yátꞌaa̱, kui xota̱ xi tjítsꞌén nasareo̱ yojoo̱, tsi̱ꞌe̱ nga ka̱matsjie nginí, chjiéngá ku̱i̱ꞌíjón taka takaa̱ to̱ko̱ ngije jaꞌa ngo xomana̱.

Xki̱ 6:9 ပူးပေါင်းရင်းမြစ်များ

Lebitiko̱ 14:8

»Jaskan kui xi oo̱n ko̱nié ńjñoo̱, sꞌe̱ ko̱ngóyá, kó ku̱i̱ꞌíjoón ngayeje yojoo̱. Bo̱a̱ tsꞌén nga je ka̱matsjie, kó je ka̱ma kꞌo̱sꞌien nginí nínga síndo ndiꞌaa̱ xotaa̱, ndatsi chjiéngá ngi yito ni̱xtjin kꞌuijñá ndi̱tsee̱n ndiꞌa nínga ꞌbíjñá.

Lebitiko̱ 14:9

Xi ma yitoo̱ ni̱xtjii̱n ti̱ ngataniè nginí ńjñoo̱, kó ngatangóyá nginí, sꞌe̱ ngatꞌijón nginií ngayeje yojoo̱. Kósꞌe̱ kjiꞌá boá nga ka̱matsjie yeje yojoo̱.

Xki̱ 6:8

Chjiéngá tsjie ka̱ma tji̱e̱nga kji̱e̱ fotjosónjín kui ni̱xtjii̱n.

Ni xi kamá 18:18

Kó achichí kjín ni̱xtjin kamá ngasee̱ Pabloo̱ nga kisꞌijña na̱xi̱ńdáꞌniú Korinto̱. Sꞌe̱ jaskan ngije katsꞌénkixotꞌa já ntsꞌiee̱, nijan kijíjo̱ na̱ Prisilaa̱ ko̱jo Akilaa̱ nga kijíyà ngo tjotso je nga kijí nangi Siria̱, kó ki̱a̱ na̱xi̱ńdáꞌniú Senkrea̱ nga tikón ngase Pabloo̱, ngindiee̱ nga ko̱e̱je̱, íjón taka takaa̱ to̱ko̱, tsi̱ꞌe̱ nga katsꞌénkjatjosón ngo ni xi je tsíchji̱a̱tjoón Néná nga sa̱ꞌín.

Ni xi kamá 21:27

Kó ngije ma kjie xi yito ni̱xtjii̱n, chiboa já jundíoo̱ xi chji̱a̱ni nangi Asia̱ kamábe Pabloo̱ ngi̱ya na̱ngo̱xi̱i̱, kó kui jaá xi indyiákjaán xota̱ na̱xi̱ńdaá. Kósꞌe̱ kjítsꞌuieé Pabloo̱,

Ndeuteronomio̱ 21:12

»Ngatjíjo̱ ndiꞌaa̱, kó kui naa̱ ki̱a̱ ku̱i̱ꞌíjón taka takaa̱ to̱ko̱ ko̱jo ngatatie ningoo̱.