Xki̱ 5:7 - Xo̱jo̱n eén Néná

⁷ kó chjiéngá bi̱ tsꞌén sa̱ꞌíndaya yojoo̱: ngatsjá ngajo nginií ni xi jaꞌáxiín kui xotaa̱, kó ngo tíkjá nga ún ngatásoón.

Xki̱ 5:7 ပူးပေါင်းရင်းမြစ်များ

Xo̱jo̱n Salmoo̱ 32:5

Ta̱nga kixiyaa jéna, kó iꞌmájaán ni ndajín xi katsꞌen an. Bi̱ kixian an: Xiyàa̱ Néná ni xi ndajín xi katsꞌen an. Kó jí boá xi kiniꞌínjetakínní kuí ni xi ndajiín jé xí katsꞌen an.

Énkjínkón 28:13

Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱, ta̱nga kui xi ka̱tso̱yaa̱, kó ngiti̱ sa̱ꞌínjéjín, kuí boá xi sa̱ko̱ó kjo̱a̱jetakoón Néná.

Lebitiko̱ 26:41

Ngotꞌe̱ ꞌne̱ xota̱ kitikjo̱a̱ boá jún, kó bo̱a̱ niꞌánjnú xikoó xota̱ na̱xi̱ńdá xí sꞌijinjiín an, ta̱nga kjiꞌá boá nga ni̱ma̱kjo̱a̱ ka̱majnú, kó si̱ꞌanjo̱ꞌojnú kjo̱a̱botíjé xí tsoboájnú kjo̱a̱a̱ ni xi ndajín xi kiniꞌánjnú.

Lebitiko̱ 5:15

«Tsi tjín xí nde bejín, kó ndajín tjítsꞌénjo̱na nga tjítsꞌénkꞌásꞌiénjín ni xi tsoboaá nga sa̱ꞌínkꞌasꞌienna, chjiéngá ngo cho̱tsa̱nga̱ xi jaꞌatji ndi̱ja̱a̱ xi nda sa̱ꞌínkꞌasꞌienna. Kó chináꞌmii̱ sa̱ꞌínkꞌasꞌienna kui cho̱o̱, kó an sa̱ꞌinjetakóo̱n kui xi ndajín katsꞌénjo̱na. Ta̱nga tsi kui xi mejeén, ka̱ma sa̱ꞌínkꞌasꞌienna ngo to̱n xikó kjiꞌi chjií kui cho̱o̱, kó ngi kan poxo̱ nga úchán ngatásoón xikó tjín chjií kui cho̱o̱, kó tsi̱ꞌe̱ chináꞌmii̱ ka̱ma kui to̱n xi̱ꞌba̱. Chjií kui cho̱o̱ ki̱a̱ xchísónnii̱ to̱n xi machjién ki̱a̱ ndiꞌandikoón.

Lebitiko̱ 7:7

»Kjo̱a̱a̱ kjo̱a̱tjó xi si̱ꞌankꞌasꞌien tsi̱ꞌe̱ nga nda koaꞌa ngiñá an xotaa̱ ko̱jo nga ku̱i̱ꞌana kjo̱a̱niꞌánjetakón, ta̱ ngo tsí kjo̱a̱botíxoma xi tikónna, kó kuí bí xi̱ꞌbi̱: Ngo chikjan kui cho̱o̱ xi ꞌbítí nganda tsa̱ꞌa̱n ko̱jo tji̱xi̱ín xi tsi̱ꞌe̱ chináꞌmii̱ ka̱ma, kui xi sa̱ꞌínkꞌasꞌien kui kjo̱a̱tjoó ki̱a̱ ṉchandikoón.

Xki̱ 5:8

Tsi je kꞌien kui xota̱ xi kiniꞌánchejeé, kó tsi ka̱májín xota̱ xkjín kui xi je kꞌiee̱n ko̱e̱ꞌéꞌoyaá nginií kui nii̱, chjiéngá Néná sa̱ꞌínkꞌasꞌiee̱n, kó kui nii̱ ka̱ma sa̱ꞌínkjién já chináꞌmii̱. Kó kui xota̱ xi katsꞌénchejeé ko̱jo tsi kui xi katsꞌénkjatsón nii̱ kui xotaa̱, chjiéngá kjo̱joo̱ chináꞌmii̱ ngo cho̱tsa̱nga̱ xi jaꞌatji ndi̱ja̱a̱ tsi̱ꞌe̱ nga sa̱ꞌínkꞌién, kó Néná sa̱ꞌínkꞌasꞌiee̱n, kó bo̱a̱ tsꞌén nga Néná sa̱ꞌínjetakoón jeé.

Rkaa̱ 19:8

Kósꞌe̱ Sakeoo̱ kasasienkixi̱, kó bi̱ katsoó Ndi̱a̱a̱: –Ngotꞌe̱ ꞌne̱ Ndi̱a̱, masien ni xi tjínna tsjàa̱ ngayeje xota̱ ni̱ma̱a̱, kó tsi tjín káꞌá xota̱ xi katsꞌenchejée̱, nijón bo̱a̱ kjiꞌi tsjaꞌoyá ngiñáa̱.