Xki̱ 5:18 - Xo̱jo̱n eén Néná

¹⁸ »Sꞌe̱ jaskan, ko̱kó ngo chi̱bo̱a̱ nga on kjimaa̱ ni xi katsꞌén kui naa̱, kó chináꞌmii̱ skjíndó tsja̱a̱ kui naa̱, kósꞌe̱ sa̱ꞌínkꞌasꞌien ngindyi̱ko̱n Néná. Chináꞌmii̱ tsja̱á kui xota̱chjo̱on kui kjo̱a̱tjoó, tji̱e̱nga kjiꞌiꞌniuú ni xi ndyi̱a̱ ndáfoa xi sa xi ndajín tsꞌeén xota̱ xi tsꞌénjeé.

Xki̱ 5:18 ပူးပေါင်းရင်းမြစ်များ

Énkjínkón 5:4

ta̱nga nga fetꞌaa̱ kjo̱a̱, eén sa ngase ma ta̱bo̱a̱jiín saa̱, kó yojó ngase ma ta̱bo̱a̱jiín ngo ki̱cha̱ xi yojó ngajó ngoboaá.

Eklesiastee̱ 7:26

Kó kasakona ngo ni xi tsꞌénꞌon ngasena ta̱bo̱a̱jiín kjo̱a̱bo̱yaa̱, kó kuí boá kui na̱ xi ndajiín, kui xi chja̱ya̱ ꞌbijñaá ini̱ma̱ná, kó nga foníkjáná ngiti̱ tsjuienjínná. Tsi ko̱nda̱ꞌyáꞌée̱n Néná jmí ni sa̱ꞌínjínná kui naa̱, ta̱nga nda̱ xi tsꞌénjeé kꞌo̱kayà chja̱ya̱a̱.

Lebitiko̱ 13:45

»Xota̱ xi tjiín chiꞌin xi tsꞌénkjátsón tji̱xin yojoná, chjiéngá skjíndiyá ńjñoo̱, kó ngatꞌítso̱ma ndso̱toko, kó tji̱e̱nga tjiín kui chiꞌii̱n, chjiéngá xota̱ xi tsjiejín kꞌuiín. Kjin kꞌuíndo, kjinnii̱ nínga síndo ndiꞌaa̱ xotaa̱. Kó chjiéngá masien kje̱n ko̱óꞌmá, kó skja̱ndáyà nga bi̱ ka̱tso̱: “¡Tsjiejín an! ¡Tsjiejín an!”

Xki̱ 5:15

»Kjiꞌanga bo̱a̱ ka̱ma, xi̱ꞌii̱n kui xota̱chjo̱on chjiéngá kjo̱jo chjo̱ón ngindyi̱ko̱n chináꞌmii̱, kó ki̱a̱ sa̱ꞌínkꞌasꞌiee̱n Néná ngo kjo̱a̱tjó xi jó kilo̱ ndso̱ko̱a̱a̱n to sebanda̱. Kó nga kui kjo̱a̱tjoó tsi̱ꞌe̱ ngo xi̱ꞌin xi chi̱ni̱ xi mejeén sku̱i̱e̱ tsi chjo̱ón tjítsꞌéntꞌaa̱ kjo̱a̱, ka̱májín isti̱ ko̱jo tsi nisije̱n chjatjájón kui ndso̱ko̱a̱a̱n to sebanda̱.

Xki̱ 5:17

Sꞌe̱ jaskan kui chináꞌmii̱ kjo̱chójo̱ ndáfoa xi je Néná je kiniꞌánkꞌasꞌiee̱n, kó chií ńdiee̱ ndiꞌandikoón ku̱i̱ndyiaá.

Xki̱ 5:19

Kósꞌe̱ chináꞌmii̱ bi̱ tꞌín ji nga ngiboanéná tꞌín ji ka̱tso̱o̱: “Tsi ja̱koxi̱ nga kichꞌíi̱ṉche̱jejín ji xi̱ꞌíi̱n, kó tsi jmí tsi kje̱ꞌe xíꞌín xi je katsjajnije̱ ji, míꞌáa̱ Néná nga kjiꞌa ngije sꞌi̱ ji kui ndáfoa saa̱ jmí ni xi ndajín ka̱májiín.

1 Xota̱ Korinto̱ 11:15

Ta̱nga kjo̱a̱tsjakjiꞌi boá nga ínchjiín sa̱ꞌíndojó tsja̱a̱, ngatꞌa̱ bo̱a̱ tsꞌén katseꞌeé nga tsja̱ ndojoó, kuí xí ko̱óꞌmáni to̱ko̱.

1 Xota̱ Korinto̱ 11:6

Ngatꞌa̱ tsi ko̱óꞌmájín to̱ko̱ ínchjiín, ta̱sá ngatatie tsjaa̱, ko̱jo tsi ngatꞌijón taka takaa̱ to̱ko̱, ta̱nga tsi soboaá nga ko̱tie tsjaa̱, ko̱jo tsi nga ku̱i̱ꞌíjón taka takaa̱ to̱ko̱, ja̱ ta̱sá ngatꞌíꞌmá to̱ko̱.

Ndeuteronomio̱ 29:18

Kuíni nga ꞌniú míꞌájnúꞌun jún xi chjo̱on xí xi̱ꞌinjnú, xi xota̱ ngo ndiꞌa, ko̱jo xi xota̱ tji̱e̱, nga ngojín xi ꞌbíjñámasiénjnú Néná, tsi̱ꞌe̱ nga ne xi Nénájín xi sa̱ꞌíntsjaá. Kui xi bo̱a̱ sa̱ꞌiín, kuí boá xi xikoó xka̱ xi tsꞌenkꞌiénná, kui xi ta̱ kjo̱a̱bo̱ya tsí xi foeꞌejo̱.

Xota̱ Ebreo̱ 13:4

Ngayeje jún, cha̱ndikónjnú kjo̱a̱bixaa̱n, kó cha̱ndikónjnú xi̱ꞌinjnú ko̱jo tsi chjo̱ónjnú, ngatꞌa̱ xota̱ xi tondoo̱, ko̱jo kui xi ndyi̱tsꞌèntꞌaa̱ kjo̱a̱ xkjín, Néná boá xi ko̱tíjeé.