Xki̱ 4:5 - Xo̱jo̱n eén Néná

⁵ »Kjiꞌanga xota̱ na̱xi̱ńdaá ko̱tíkaya ndiꞌaa̱ tsi̱ꞌe̱ nga xín ngi̱ndie ko̱e̱je̱, Aaroo̱n ko̱jo ndií kjo̱a̱ꞌáxín ńjñoxo̱ꞌba̱ xi tji̱e̱n ki̱a̱ ngi̱ndie xi ꞌniú ndikoón, ko̱jo kui ńjñoo̱ xi ko̱óꞌmáni koxa̱a̱ kjo̱a̱ꞌbíndaa̱.

Xki̱ 4:5 ပူးပေါင်းရင်းမြစ်များ

Éksondo̱ 40:3

Kó ki̱a̱ ngi̱ya ndiꞌandikoón kꞌuijñí ji koxa̱a̱ kjo̱a̱ꞌbíndaa̱, kó tjin ji ńjño kortinaa̱ tsi̱ꞌe̱ nga xcha̱jín.

Éksondo̱ 40:5

Ṉchandikón xí to̱nsinié nínga ꞌbítí nisijee̱n ki̱a̱ tꞌíjñí ji xtji̱e̱e̱n kje̱n koxa̱a̱ kjo̱a̱ꞌbíndaa̱, kósꞌe̱ tjin ji ńjño kortinaa̱ xtji̱e̱e̱n nínga bitjasꞌi̱e̱e̱n ndiꞌandikoón.

Lebitiko̱ 16:2

«Bo̱a̱ tꞌíi̱n Aaro̱n ntsꞌie ji nga ngi̱ndie xi ꞌniú ndikoón, kui xi tikón ngi̱yaa̱ ndiꞌandikoón, ngo ngi̱ndie xi ta̱nisién ꞌniú ndikón ki̱a̱a̱. Ki̱a̱ boá nínga je kamángána nga ki̱a̱ fotjokjà án, ki̱a̱ nga̱soón koxa̱a̱ kjo̱a̱ꞌbíndaa̱. Kuíni nga Aaroo̱n ka̱májín kꞌo̱sꞌien ki̱a̱a̱ ta̱jmì chi̱bo̱a̱ní, ngatꞌa̱ tsájmi̱ ko̱yà kjiꞌanga kjo̱tjokjá án ki̱a̱a̱.

Xki̱ 10:14

Xtín xota̱ Israee̱l nga tsajátjoón já ngito̱ko̱o̱, bi̱ tsꞌén kisꞌińdonda nga kijí: Xota̱ tji̱e̱e̱ Jundáa̱, ko̱jo Naasoo̱n kui xi ngito̱ko̱o̱, Xota̱ tji̱e̱e̱ Isakaa̱r, ko̱jo Natanaee̱l kui xi ngito̱ko̱o̱, Xota̱ tji̱e̱e̱ Sabuloo̱n, ko̱jo Eliaa̱b kui xi ngito̱ko̱o̱, Xota̱ tji̱e̱e̱ Rubee̱n, ko̱jo Elisuu̱r kui xi ngito̱ko̱o̱, Xota̱ tji̱e̱e̱ Simeoo̱n, ko̱jo Selumiee̱l kui xi ngito̱ko̱o̱, Xota̱ tji̱e̱e̱ Ngaa̱nd, ko̱jo Eliasaa̱f kui xi ngito̱ko̱o̱, Xota̱ tji̱e̱e̱ Efraii̱n, ko̱jo Elisamaa̱ kui xi ngito̱ko̱o̱, Xota̱ tji̱e̱e̱ Manasee̱, ko̱jo Ngamaliee̱l kui xi ngito̱ko̱o̱, Xota̱ tji̱e̱e̱ Benjaa̱, ko̱jo Ngindonii̱ kui xi ngito̱ko̱o̱, Xota̱ tji̱e̱e̱ Ndaa̱n, ko̱jo Ayiesee̱r kui xi ngito̱ko̱o̱, Xota̱ tji̱e̱e̱ Asee̱r, ko̱jo Pangiee̱l kui xi ngito̱ko̱o̱, Xota̱ tji̱e̱e̱ Neftalii̱, ko̱jo Ayiraa̱ kui xi ngito̱ko̱o̱. Ngi̱jii̱n xota̱ tji̱e̱e̱ Sabuloo̱n ko̱jo Rubee̱n kijíjin xota̱ tji̱e̱e̱ Ngersoo̱n ko̱jo Merarii̱. Kuí boá kui jaá xi tjínieé nga kꞌo̱xiékjo ndiꞌandikoón ko̱jo xi tsankꞌá nga kijíjo̱, ngatꞌa̱ ta̱kuítsí xi kamá katsꞌén kui xaá. Ngi̱jii̱n xota̱ tji̱e̱e̱ Ngaa̱nd ko̱jo Efraii̱n kijíjin xota̱ tji̱e̱e̱ Koaa̱t. Kuí boá kui jaá xi tsaꞌa ngayeje ni xi kamáchjién ngi̱yaa̱ ndiꞌandikoón. Kó nga ngaskande nga̱xto̱n jàn kjindibáni kui jaá, ngije jachó ki̱a̱ ngi̱ndie nínga sa̱ꞌínkjaꞌyaá, jè kachjaninkꞌa nginí ndiꞌandikoón nga jachó.

Xki̱ 4:15

»Ngije ka̱maa̱ Aaroo̱n ko̱jo ndií nga ku̱i̱ꞌítsakjájón ngayeje ni xi machjién ki̱a̱ ndiꞌandikoón Néná, kó ngije ko̱e̱je̱, nangíyé ji ndií Koaa̱t tsi̱ꞌe̱ nga kui xi ko̱a̱ꞌa̱nijín ngayeje kui nii̱. Ta̱nga chjiéngá skoón nga ta̱xkiya sa̱ꞌínjo̱jín ngo ni xi ndikoón, ngatꞌa̱ ko̱yà tsí bo̱a̱ sa̱ꞌín. Kuí bí kui xaá xi sa̱ꞌín xota̱ tji̱e̱e̱ Koaa̱t ki̱a̱ ndiꞌandikoón.

Xki̱ 4:4

Xá xí sa̱ꞌín xota̱ tji̱e̱e̱ Koaa̱t ki̱a̱ kui ngi̱ndie ndikoón, kuí bí xi̱ꞌbi̱:

Xki̱ 7:9

Xtín xota̱ ndiꞌa xi chji̱a̱ni Koaa̱t jmí ni katsjájiín, ngatꞌa̱ kui xotaa̱, kuí boá xi tsaꞌanijín nga̱són tjiaa̱ ni ndikoón ndiꞌandikoón.

Matioo̱ 27:51

Kó ńjñotjibé xi tjíchjáni ngi̱ya nínga ꞌniú ndikoón na̱ngo̱xi̱i̱ jó tjín kamá nga katjondiyá, ndeskande nkꞌa jàn, ngaskande ngindie jàn, sꞌe̱ kjindibá ngo kjo̱a̱ndi̱ko̱n kuí tꞌanangii̱, kó ndi̱jo̱o̱ tsakjanga,

Ndeuteronomio̱ 31:9

Moisee̱ katsꞌénꞌindó ngayeje kui kjo̱a̱bokoyaá, kósꞌe̱ katsꞌénkꞌasꞌiee̱n kui xo̱jo̱n xi kiniꞌánꞌindoó já ngito̱ko̱o̱ xota̱ Israee̱l, ko̱jo já chináꞌmii̱, ngatꞌa̱ kuí boá xi tsaꞌanijín koxa̱a̱ kjo̱a̱ꞌbíndaa̱.

Xota̱ Ebreo̱ 10:20

Ngatꞌa̱ kjiꞌanga kꞌien kui, iskjíxꞌá kuí ńjño xi katsjandièjínná ñá nga ikitjasꞌi̱e̱n katsaki, ta̱nga ngotꞌe̱ ꞌne̱ tikón Kjisoo̱, kó ngatꞌaa̱ kuí boá nga ka̱ma kongínchon tiñáa̱ Néná.

Xota̱ Ebreo̱ 9:3

Kó nga̱xto̱n xi ma joó ńjño xi tji̱e̱e̱n, kisꞌijña ngi̱ndie nínga ta̱nisién ꞌniú ndikoón,