Xki̱ 4:32 - Xo̱jo̱n eén Néná

³² Kó ti̱ kuí boá xi ko̱nkꞌá yásé xi chji̱a̱ni ndi̱tsen xi foaꞌatjiyajoo̱n ndiꞌandikoón, ko̱jo ngindiee̱ kui yáseé, ko̱jo yáyojó xi mindyianijiín, ko̱jo ńꞌniuú, ko̱jo ngayeje ni xi machjieén kjiꞌanga niꞌántsjána. Jí boá xi chjiéngá kꞌuiyé cha̱n cha̱a̱n nga ngo nga ngo ni xi chjiéngá ko̱a̱ꞌa̱.

Xki̱ 4:32 ပူးပေါင်းရင်းမြစ်များ

Éksondo̱ 25:9

Kui ndiꞌandikoón ko̱jo ngayeje ni xi ka̱machjieén, bo̱a̱ má tsꞌén si̱ꞌanda xikoó xi kokoo ji.

Éksondo̱ 27:9

»Nga ngo foaꞌatjiyajoo̱n ndiꞌandikoón mejénna nga ngo ndi̱tsen kꞌuijñíi̱ xi ńjño kortina̱ kꞌuíchjáꞌyáni. Xtji̱e̱e̱n ta̱ꞌin ko̱jo xtji̱e̱e̱n nangii̱ kui ndi̱tsee̱n chjiéngá yichán ún metro̱ nga ndojoó ka̱ma, kó nga ngo kui nga̱ndee̱ kan yásé kꞌuíndoo̱, kó nga ngo nga ngo kui yáseé ngatꞌíndoo̱ ngindie. Kó nga tiyaá kui ndi̱tsee̱n xtji̱e̱e̱n nínga fotjo ko̱jo xtji̱e̱e̱n nínga ꞌbosꞌien tsꞌueé chjiéngá kan jó metro̱ masien ka̱ma. Ki̱a̱ xtji̱e̱e̱n nínga ꞌbosꞌien tsꞌueé, ki̱a̱ nínga nga̱xto̱n nínga fetꞌaa̱ ndiꞌandikoón chjiéngá tie yásé kꞌuíndoo̱, kó ngi jun yásé kꞌuíndoo̱ xtji̱e̱e̱n nínga fotjo tsꞌueé, ján ján kꞌuíndo nínga bitjasꞌi̱e̱nni kui nga̱ndee̱. Kó nga ngo nga ngo kui yáseé ngatꞌieé ngo ngindie. »Ngayeje ndi̱tsee̱n chjiéngá ńjño kortina̱ xi lino̱ xi ꞌniú nda kꞌuíchjáꞌyáni, kó jó metro̱ ko̱jo kan ún sentímetro̱ nga nkꞌa ka̱ma. Kó xtji̱e̱e̱n kje̱n kui ngi̱ndiee̱ yito metro̱ ńjño kortina̱ tꞌíjñíi̱ nga ngo nga ngo ndiè nínga bitjasꞌi̱e̱nni. Sꞌe̱ ki̱a̱ nínga bitjasꞌi̱e̱nni nijan metro̱ kortina̱ xi ńjño xi linoo̱ xi ꞌniú nda, ko̱jo ńjño xi koán, ko̱jo ńjño xi aso, ko̱jo ńjño xi iní tꞌíndée̱. Kui kortinaa̱ chjiéngá nda si̱ꞌan chji̱ni̱e̱ xi kꞌuijñaá, kó ki̱a̱ si̱ꞌankaꞌajo̱ nga nijón kui yáseé ko̱jo ngindiee̱. »Ngayeje yáseé chjiéngá kꞌuijñaá ni ńtsó ko̱jo ki̱cha̱tji̱ xi to̱ntiboa. Ngindiee̱ kui yáseé chjiéngá ki̱cha̱ bronse̱ ngatama, ko̱jo ki̱cha̱ xi ku̱i̱ndyianijín xi si̱ꞌankaꞌa ńjñoo̱ kui ndiꞌandikoón, ko̱jo ni xi kꞌuíchjáꞌyáni ndi̱tsee̱n ko̱jo ngayeje ni xi ka̱machjién kjiꞌanga si̱ꞌantsjaa̱ Néná.

Éksondo̱ 38:21

Moisee̱ boá xi katsjaákjo̱a̱ já xí bosikójo chináꞌmii̱, tsi̱ꞌe̱ nga ko̱a̱ꞌa̱ xki̱ mí ki̱cha̱a̱ xi ka̱machjién nga si̱ꞌanda na̱ngo̱xi̱ ndikoón Néná. Kó Itamaa̱r, nda̱a̱ chináꞌmi Aaroo̱n boá xi katsꞌénda kui xki̱i̱.

Xki̱ 3:36

Xota̱ tji̱e̱e̱ Merarii̱ kuí boá xi askoo̱n yátiee̱ ndiꞌandikoón, ko̱jo ngindie xi tjíchjáꞌyáni kui ndiꞌaa̱, ko̱jo yáseé, ko̱jo ngindiee̱ kui yáseé, ko̱jo yásé xi jaꞌatjiyajonnii̱ ndi̱tsee̱n, ko̱jo ngindiee̱, ko̱jo yáyojó xi ikindyianijiín, ko̱jo ńꞌniú xí ikítꞌani, ko̱jo ngayeje ni xi kiniꞌánkjieén ndiꞌandikoón.

Xki̱ 4:31

Kuí bí kui xaá xi sa̱ꞌín: kuí boá xi ko̱nkꞌá yátiee̱, ko̱jo yándojoó, ko̱jo yáseé, ko̱jo ngindiee̱ yáseé ndiꞌandikoón.

Xki̱ 4:33

Kuí bí kui xaá xi sa̱ꞌín ngayeje xota̱ tji̱e̱e̱ Merarii̱, kó Itamaa̱r boá xi ko̱si̱e̱ntjoón».

Xki̱ 7:1

Ngije Moisee̱ kamándo̱jo̱ó ndiꞌandikoón, katsangijon isti̱, tsi̱ꞌe̱ nga kui nii̱ xi ko̱kó nga kui ndiꞌandikoón ko̱jo ngayeje ni xi tjín ngi̱yaa̱, je tsi̱ꞌe̱ nga si̱ꞌantsjaa̱ Néná boá.