Xki̱ 30:2 - Xo̱jo̱n eén Néná

² kjo̱a̱a̱ ni xi ꞌmíyatjón xi chjiéngá si̱ꞌankjatjosón.

Xki̱ 30:2 ပူးပေါင်းရင်းမြစ်များ

Joo̱b 22:27

Ka̱ma ko̱ndókjoée̱, kó kuí ku̱i̱ntꞌie̱é, kó ka̱ma si̱ꞌinkjatjosén ji ni xi kiꞌmíyetjée̱n.

Xo̱jo̱n Salmoo̱ 116:14

kó sa̱ꞌinkjatjosón an ni xi kixiyatjón an nga sa̱ꞌin an, ngindyi̱ko̱n xota̱ na̱xi̱ńdáa̱.

Xo̱jo̱n Salmoo̱ 116:18

Ki̱a̱ ndi̱tsee̱n na̱ngo̱xi̱i̱, ki̱a̱ ngamasiee̱n na̱xi̱ńdáꞌniú Jerusale̱n, ko̱jo ngindyi̱ko̱n ngayeje xota̱ na̱xi̱ńdáa̱, sa̱ꞌinkjatjosón an ni xi kixiyatjoón nga sa̱ꞌin an. ¡Si̱ꞌantsjàa̱ Néná!

Xo̱jo̱n Salmoo̱ 119:106

Sa̱ꞌinkjatjosón an ni xi kixiyatjoón nga sa̱ꞌin an: kuintꞌieꞌée̱n kjo̱a̱botíxoma kixi̱i̱.

Xo̱jo̱n Salmoo̱ 15:3

kui xi jmí xota̱ chji̱a̱taꞌinjín, kui xi jmí ni xi ndajín tsꞌénjo̱jín xota̱ xkjín, ko̱jo xi tsꞌénꞌónjiín xota̱ xi ngasee̱,

Xo̱jo̱n Salmoo̱ 22:25

Jí boá xi tsꞌenkjoó kjiꞌanga tsꞌéntsjaà ki̱a̱ ngi̱jii̱n xota̱ xi matikoó. Sa̱ꞌinkjatjosón an ni xi indajoo̱ ji ngindyi̱ko̱n xota̱ na̱xi̱ńdá xí bendikoón.

Xo̱jo̱n Salmoo̱ 50:14

¡Ta̱sá ndibájo̱jnúꞌun kjo̱a̱tjó xi niꞌánkꞌasꞌien nga niꞌántsjaá Néná, kó ti̱ꞌankjatjosónjnúꞌun ni xi kandokjo̱a̱tjónjnú nga si̱ꞌankjatjosónjnú!

Xo̱jo̱n Salmoo̱ 55:20

Kui xota̱ xi ndajiín, iskjininkꞌaa̱ xota̱ xi nijan kisꞌiee̱ kjo̱a̱xió katsaki, katsꞌénkjatjosónjín ni xi índa.

Xo̱jo̱n Salmoo̱ 56:12

Ji Ne, foaꞌátsjienna ni xi kixiyatjoón nga sa̱ꞌinkjatjosón an, kó kꞌuichjíñaá nga tsjaa̱ kjo̱a̱tjó nga sa̱ꞌintsjaá.

Xo̱jo̱n Salmoo̱ 76:11

Si̱ꞌankjatjosóo̱n Néná ngayeje ni xi kiꞌmíyatjóo̱n nga si̱ꞌán, ngayeje jún xota̱ na̱xi̱ńdá xi tindyiontꞌájnú, ndibájo̱jnúu̱ kjo̱a̱tjó kui Néná xi fíndikónná.

Éksondo̱ 20:7

»Ka̱májín ta̱xkiya si̱ꞌankjiénjnú jaꞌénna, chjiéngá xcha̱ndikónjnú, xi ta̱xkiya sa̱ꞌínkjién, sa̱ꞌinjéñáa̱.

Énkjínkón 20:25

Ndikón kjíꞌí nga xotaa̱ tsá ku̱i̱chji̱a̱ ngo ni xi sa̱ꞌínkjatjosoón Néná, ngatꞌa̱ jaskan sa̱ꞌínkjó, kó sa̱ꞌínkjatjosónjín.

Xki̱ 21:2

Kósꞌe̱ xota̱ Israee̱l tsíchji̱a̱a̱ Néná, kó bi̱ katsoó nga sa̱ꞌínkjatjosón ngo ni xi katsóyàtjoón: «Tsi ko̱si̱ke̱jejne̱ nga si̱ꞌanjne̱ nga ku̱i̱xkánjo̱jne̱ kui nda̱ ree̱ ko̱jo xota̱ na̱xi̱ńdaá, ji̱n si̱ꞌankjie yejejne̱ ngayeje na̱xi̱ńdáꞌniuú».

Xki̱ 30:10

»Tsi ngo xota̱chjo̱on xi je ixán xi ngo ni ka̱tso̱o̱ Néná nga sa̱ꞌínkjatjosón,

Matioo̱ 23:16

¡Ni̱ma̱ xò jún, xota̱ xi bokoó ndi̱yà xota̱ ti̱ka̱! Nga bi̱ ꞌmíjnú: «Tsi tjín káꞌá xota̱ xi ngiboanéná ka̱tso̱, kó na̱ngo̱xi̱i̱ ku̱i̱ꞌíjñangi eén, jmí ni chjíjiín, ta̱nga tsi tjín káꞌá xi eén ku̱i̱ꞌíjñangi to̱nsinié xi tjiín na̱ngo̱xi̱i̱, chjiéngá sa̱ꞌínkjatjosón ni xi ka̱tso̱.»

Matioo̱ 23:18

Ti̱ bi̱ ti̱ ꞌmíjnú nga: «Tsi tjín káꞌá xota̱ xi ngiboanéná ka̱tso̱, kó tsi ni xi tikón ṉchandikoón Néná ku̱i̱ꞌíjñangi eén, jmí ni chjíjiín, ta̱nga tsi eén ku̱i̱ꞌíjñangi ni xi je kiniꞌánkꞌasꞌiee̱n Néná, chjiéngá sa̱ꞌínkjatjosón ni xi katsó.»

Ni xi kamá 23:12

Kó nga kamángindyiojón nga ni̱xtjii̱n, tjín xota̱ jundío̱ xi nijan índa tsi̱ꞌe̱ nga sa̱ꞌínkꞌién Pabloo̱, kó ngaskande ngiboanéná katsó nga jmí ni skji̱ni̱e̱jín ko̱jo jmí ni kꞌuijín ngaskande nga sa̱ꞌínkꞌién Pabloo̱.

Ni xi kamá 23:14

xi kijíkoón já ngito̱ko̱o̱ chináꞌmii̱ ko̱jo xota̱ xi xchá jundíoo̱, kó bi̱ katsoó: –Ji̱n jè ngaskande ngiboanéná kiꞌmíjne̱ nga ta̱ jmíjín ni xi xi̱ni̱e̱ji̱n tji̱e̱nga kji̱e̱ niꞌánkꞌiénjínjne̱ Pabloo̱.

Ni xi kamá 23:21

Ta̱nga ngata̱ niꞌínsꞌinjinjíi̱n, ngatꞌa̱ tsꞌatio yichán má jáxíꞌín xi ndyi̱kondaꞌma, kó kui jaá ngaskande ngiboanéná je katsó nga jmí ni skji̱ni̱e̱jín xò ko̱jo jmí ni kꞌuijín xò ngaskande nga sa̱ꞌínkꞌién xò Pabloo̱, kó ngotꞌe̱, jè síndonda nga ta̱ ndyi̱koyarií ni xi sé jí.

2 Xota̱ Korinto̱ 1:23

Ngindyi̱ko̱n Néná nga ngataya an tsi bo̱a̱jín kjiꞌi ni xi tsꞌénxiyàjnúꞌun, kji̱e̱ fíjín an na̱xi̱ńdáꞌniú Korinto̱, ngatꞌa̱ mejénjínna nga ndasen ka̱majnú.