Xki̱ 3:16 - Xo̱jo̱n eén Néná

^16-21 Kuí bí xi̱ꞌbi̱ xki̱i̱ xota̱ xi katsꞌénda Moisee̱, xikótsꞌèn síndo xtín xota̱ ndiꞌaa̱: Ndií Lebii̱, kuí bí xi̱ꞌbi̱: Ngersoo̱n, Koaa̱t, ko̱jo Merarii̱. Ndií Ngersoo̱n, kuí bí xi̱ꞌbi̱: Libnii̱, ko̱jo Simii̱. Ndií Koaa̱t, kuí bí xi̱ꞌbi̱: Amraa̱n, Isaa̱r, Ebroo̱n, ko̱jo Usiee̱l. Ndií Merarii̱, kuí bí xi̱ꞌbi̱: Majlii̱, ko̱jo Musii̱.

Xki̱ 3:16 ပူးပေါင်းရင်းမြစ်များ

Jenesii̱s 45:21

Kó já ntsꞌi̱e̱ Kosiee̱ katsꞌénjo̱ꞌo ni xi katsoó nda̱ ree̱, kó Kosiee̱ katsjaá karro̱ ko̱jo nichinie tsi̱ꞌe̱ ndi̱yà nínga ko̱e̱je̱.

Xki̱ 3:15

«Ngo xo̱jo̱n tjatꞌe ji xki̱i̱ xota̱ tji̱e̱e̱ Lebii̱, ngayeje xi je tsꞌatio ngo sánií nga katsen, ta̱ xikó kjiꞌi xtín xota̱ ndiꞌa xi chji̱a̱ni».

Xki̱ 3:39

Moisee̱ ko̱jo Aaroo̱n katsꞌén ni xi Néná atíxomaa̱ nga sa̱ꞌín. Íxki̱ ko̱jo ítꞌa xo̱jo̱n ngayeje jáxíꞌín xi je tsꞌatio ngo sánií nga katsen, xi chji̱a̱ni xota̱ tji̱e̱e̱ Lebii̱, xikótsꞌèn síndo xtín xota̱ ndiꞌaa̱. Kan jó mi̱ kamá ngayejee̱.

Xki̱ 3:51

Moisee̱ katsꞌénkꞌasꞌiee̱n kui to̱o̱n Aaroo̱n ko̱jo xota̱ tji̱e̱e̱, xikó má katsoó Néná nga sa̱ꞌín, bo̱a̱ má katsꞌén.

Xki̱ 4:27

»Aaroo̱n ko̱jo ndií boá xi ka̱tso̱yaa̱ xota̱ tji̱e̱e̱ Ngersoo̱n ngayeje ni xi sa̱ꞌín ki̱a̱ ndiꞌandikoón, ko̱jo ngayeje ni xi ko̱nkꞌá. Kó Itamaa̱r, ndií chináꞌmi Aaroo̱n boá xi ko̱si̱e̱ntjoón.

Ndeuteronomio̱ 21:5

»Kjiꞌanga ka̱ma kui nii̱, chjiéngá ki̱a̱ ko̱e̱je̱ chináꞌmii̱. Néná boá xi jaꞌájin nga kui xi kꞌuíndotjoón nga si̱ꞌantsjaa̱ Néná, ko̱jo nga kuí boá xi sa̱ꞌínchikonñé xota̱ na̱xi̱ńdaá nga sa̱ꞌínkjién jaꞌeén Néná, ko̱jo nga kuí boá xi ka̱tso̱yà nga fetꞌa, mí ni xi si̱ꞌan kjiꞌanga tjín ngo kjo̱a̱se, ko̱jo tsi ngo kjo̱a̱xti.