Xki̱ 22:5 - Xo̱jo̱n eén Néná

⁵ Kui ni̱xtjin jàn Balaa̱n, kui xi ndií Beoo̱r ki̱a̱ kisꞌijña kui ko̱jo xota̱ ndiꞌaa̱ ki̱a̱ Petoo̱r, ngo na̱xi̱ńdáꞌniú xi tikóntꞌa ndejèꞌ Éufratee̱. Kó Balaa̱k katsangiyakjaꞌá já ngito̱ko̱o̱ na̱xi̱ńdaá, kó bi̱ tsó én xí katsangiyaa̱ Balaa̱n: «Ngo xtín xota̱ na̱xi̱ńdá xi achichí kjín má xi jatjoni nangi Ejipto̱, kꞌi̱e̱ ndyi̱tsꞌènkjaꞌyá kje̱n nangi nínga botixoma an,

Xki̱ 22:5 ပူးပေါင်းရင်းမြစ်များ

Jenesii̱s 13:16

Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Xo̱jo̱n Salmoo̱ 105:24

Néná katsjandiè nga kamákjín xota̱ na̱xi̱ńdájne̱, kó ꞌniú ngase katsꞌén ta̱bo̱a̱jiín xota̱ xi kondraa̱.

Éksondo̱ 10:15

¡Nde ngiti̱ kamáyàjín nga̱són tꞌanangii̱! Kó kui chjo̱bo̱a̱a̱ iskjinie ngayeje xka̱ ko̱jo ngayeje too̱ yá xí katsꞌénkꞌangi ndókoaá.

Xki̱ 23:7

Kó ki̱a̱ Balaa̱n, bi̱ tsó só xi kisie: «Balaa̱k ree̱ nangi Moaa̱b, ndeskande na̱xi̱i̱ Arabia̱ kjindibájo̱na, tsi̱ꞌe̱ nga chꞌo tsꞌén kuichjiátaꞌin an xota̱ Israee̱l, ko̱jo tsi̱ꞌe̱ nga skjinínié an jé.

Xki̱ 31:8

Ngi̱jii̱n xota̱ xi jesoón ki̱a̱ kisꞌińdo ún já re xi chji̱a̱ni xota̱ tji̱e̱e̱ Mandiaa̱n kui xi kiꞌmí: Ebii̱, Rékee̱n, Suu̱r, Uu̱r ko̱jo Rebaa̱. Ti̱ ki̱a̱ kisꞌijña Balaa̱n nga, ndií Beoo̱r.

Ndeuteronomio̱ 23:4

Nde ngojín nga jó kui xota̱ na̱xi̱ńdaá xi kamámejeén katsjájnú nichinie ko̱jo ndáfoa, kjiꞌanga kjindibánijnú nangi Ejipto̱ kó nga ndyi̱mongínjnú nangi xi katsóyàtjónjnú Néná nga tsja̱ajnú. Kó katsꞌénkjién Balaa̱n, kui xi ndií Beoo̱r, xi chji̱a̱ni na̱xi̱ńdáꞌniú Petoo̱r xi tikón nangi Mesopotamia̱, tsi̱ꞌe̱ nga chꞌo ka̱tso̱ kondra̱ tsa̱jún.

Ndeuteronomio̱ 23:5

Ta̱nga Néná achichí tjoó jún, kó katsꞌénsénjiín Balaa̱n. Ta̱sá kjo̱a̱niꞌánchikonñé katsꞌén kui én chꞌo tsó xi tsa̱jún katsaki.

Xo̱jo̱o̱n Jundaa̱ 1:11

¡Ni̱ma̱ xò kuí jaá! Ngatꞌa̱ ndajín ndyi̱tsꞌèn xikó katsꞌén Kaii̱n, kó ta̱ngatꞌanii̱ nga tsie to̱n mejeén nga ndyi̱tsꞌèn ni xi ndajínkjiꞌi xikó katsꞌén Balaa̱n. Xikoó Koree̱ nga ko̱yà ngatꞌa̱ bendikónjín xi botixómaá.

Ni xi akakoo̱ 2:14

Ta̱nga tikón chiboana ni kondra̱ tse̱: nga ki̱a̱ síndoo̱ chiboa xota̱ xi mejénjiín nga kjo̱ta̱xi̱ín kjo̱a̱bokoyaá Balaa̱n, kui xi atíxomaa̱ Balaa̱k tsi̱ꞌe̱ nga katsꞌénjé xota̱ xi chji̱a̱ni Israee̱l, tsi̱ꞌe̱ nga iskjinie ni xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo kjo̱a̱a̱ nga katsꞌén kjo̱a̱tondo̱.