Xki̱ 20:1 - Xo̱jo̱n eén Néná

¹ Sá xí ꞌmí Abii̱b má nga jachó xota̱ Israee̱l ki̱a̱ nínga ꞌmí Kandee̱, ki̱a̱ nangi kixií Sii̱n. Tsie chií kamaá nga kisꞌińdo ki̱a̱a̱, kó ki̱a̱ kꞌien na̱ Riyaa̱, kó ki̱a̱ akjanijín.

Xki̱ 20:1 ပူးပေါင်းရင်းမြစ်များ

Xki̱ 13:21

kjiꞌanga já ngito̱ko̱o̱ xota̱ Israee̱l kijíkatsijenꞌmá kui ngi̱ndiee̱. Ki̱a̱ ítsꞌi̱yanii̱ xtji̱e̱e̱n na̱ngi, ki̱a̱ nínga tikón nangi kixií nangi Sii̱n, sꞌe̱ jaskan kijí ngaskande Rejoo̱b, kui nangi xi tikón tiñaa̱ nangi Amaa̱t.

Éksondo̱ 15:20

Kósꞌe̱ ndichja Aaroo̱n kui xi ꞌmí na̱ Riyaa̱ xi na̱ chji̱ni̱e̱ꞌe̱én Néná kamá, iskjíbé ngo ni xi niꞌánkjanie xi ꞌmí pandero̱, sꞌe̱ ítsꞌi̱yani nga kisie, kó ngayeje ínchjiín ti̱ bo̱a̱ ti̱ katsꞌén nga, kó ítsꞌi̱yanii̱ nga kitié.

Xki̱ 26:59

Amraa̱n ixánjo̱ ngo tsa̱kji̱ín Lebii̱ xi kiꞌmí na̱ Jokabee̱nd. Kui naa̱ ki̱a̱ katsen nangi Ejipto̱ kjiꞌanga to̱kó ki̱a̱ tikón Lebii̱. Amraa̱n ko̱jo na̱ Jokabee̱nd jó kamá ndí xíꞌín xi kisꞌiee̱, ko̱jo ngo ndí chjo̱on, kó kuí bí xi̱ꞌbi̱: Aaroo̱n, Moisee̱, ko̱jo na̱ Riyaa̱.

Xki̱ 12:1

Na̱ Riyaa̱ ko̱jo Aaroo̱n chꞌo tsꞌén tsíchji̱a̱taꞌin Moise̱ ntsꞌi̱e̱, ngatꞌa̱ ngo na̱ xi chji̱a̱ni Etiopía̱ kisꞌijñajo̱, kó jmí tsi ngo na̱ Ebreo̱.

Xo̱jo̱n Salmoo̱ 29:8

Nda̱a̱ Néná ꞌbítsanieyá nangi kixií, ¡Néná boá xi ꞌbítsanieyá nangi kixí xi ꞌmí Kandee̱!

Ndeuteronomio̱ 32:51

Aaroo̱n ko̱jo ji kandaꞌyáꞌénjínjnúꞌun ki̱a̱ na̱xi̱ńdá Kandee̱, kjiꞌanga kixindyionjnú ki̱a̱ tꞌa ndáńchꞌi̱ xi tjitjó má ndáfoaa̱ ki̱a̱ Meribaa̱, kui xi tikón ki̱a̱ nangi kixií nangi Sii̱n. Kó ngindyi̱ko̱n ngayeje xota̱ Israee̱l kamáyàndikónjínjnúꞌun.

Ndeuteronomio̱ 2:14

Ndeskande ni̱xtjin nga akjatjó Kandee̱-Barnea̱, ngaskande ni̱xtjin nga ikitjatió kui xo̱ngàndántꞌieé, je kantjiꞌún ján nó jè jaꞌa. Kui ni̱xtjin jàn ja̱bo̱a̱ jè jesón yeje xota̱ Israee̱l xi kjiꞌanga jatjoni kui ngi̱ndie jàn, sꞌe̱ tsí tjiꞌún ján noó. Néná boá xi katsóyàtjón nga sa̱ꞌínkjién ngayeje ngaꞌniuú tsi̱ꞌe̱ nga sa̱ꞌínkjié kui xotaa̱.

Xki̱ 20:16

Kósꞌe̱ kichjiáꞌájne̱ nga ko̱síko̱jojne̱ Néná, kó kui tsintꞌiéjne̱ kósꞌe̱ katsangiya ngo ndítsjiee̱, tsi̱ꞌe̱ nga kꞌo̱xiéjne̱ nangi Ejipto̱. Kó kꞌi̱e̱ tindyionjne̱ ngotꞌe̱ ꞌne̱. Kꞌi̱e̱ tindyionjne̱ na̱xi̱ńdá Kandee̱, nínga tikón tsindioó na̱xi̱ńdáa̱.

Xki̱ 12:15

Kó kuíni nga na̱ Riyaa̱ yito ni̱xtjin kisꞌijña ndi̱tsee̱n nínga síndo ndiꞌaa̱, kó ngayeje kui ni̱xtjii̱n nga kamátíyájiín ngi̱ndie nínga síndo ndiꞌaa̱ xotaa̱.

Xki̱ 12:10

Kó ngije xín kijíboaꞌá kui ṉdi̱i̱ ki̱a̱ nínga tikón ndiꞌandikoón, na̱ Riyaa̱ chiꞌin xi tsꞌénkjátsón tji̱xin yojoná katsoboaá. ¡Kó tji̱xin yojoo̱ tiboa xó xó kamá! Nga kamábe Aaroo̱n nga bo̱a̱ kjiꞌi na̱ Riyaa̱,

Éksondo̱ 2:7

Kósꞌe̱ kjiꞌá boá nga ndichja kui ndií, bi̱ katsoó tsa̱kji̱ín nda̱ ree̱: —Tsi mejeén kjuínkjáꞌa an ngo xota̱chjo̱on Israee̱l xi ka̱ma sa̱ꞌínkí ko̱jo ka̱ma sa̱ꞌínxchá kuí ndií.

Éksondo̱ 2:4

Ta̱nga ngo ndichja kui ndií ta̱ kjin askotsijenni míra̱ ni xi ka̱maa̱.

Xki̱ 13:26

ki̱a̱ Kandee̱, ki̱a̱ nangi kixií nangi Paraa̱n. Kó ki̱a̱ katsóyaà Moisee̱, ko̱jo Aaroo̱n ko̱jo ngayeje xota̱ Israee̱l ngayeje ni xi kamábe. Kó akoó to xi ndyi̱yaꞌa xi kasakoo̱ kui ngi̱ndiee̱.

Xki̱ 20:22

Xota̱ Israee̱l jatjoni Kandee̱ kó kijí xtji̱e̱e̱n na̱xi̱ Oo̱r,

Ndeuteronomio̱ 1:46

kó kuíni nga jún ki̱a̱ kixindyionjnú kjín ngase ni̱xtjin ki̱a̱ nangi Kandee̱.

Jenesii̱s 14:7

Jaskan ngije kamá kui nii̱, jachó nginí nangi Kandee̱, kó katsꞌeén tꞌanangii̱ xota̱ Amalee̱k nga askjanjo̱, kó ki̱a̱ nangi Asesoo̱n-Tamaa̱r ti̱ katsꞌeén nga askjanjo̱ xota̱ Amoo̱r xi kisꞌińdo ki̱a̱a̱ nga.

Xki̱ 20:28

Kó ngije kꞌien Aaroo̱n, Moisee̱ jaꞌáxiín ńjño chináꞌmii̱, kósꞌe̱ ndií Aaroo̱n kui xi ꞌmí Eleasaa̱ katsꞌénkajá. Jaskan ngije kamá kui nii̱, Moisee̱ ko̱jo Eleasaa̱ jatjajenni na̱xi̱i̱.