Xki̱ 19:3 - Xo̱jo̱n eén Néná

³ Jún te̱ꞌéjnúu̱ chináꞌmi Eleasaa̱ kui cho̱yojoo̱ tsi̱ꞌe̱ nga kjo̱jo kui cho̱o̱ ndi̱tsee̱n nínga síndo ndiꞌaa̱, kó jún ki̱a̱ ti̱ꞌankꞌiènjnú ngindyi̱ko̱n kui.

Xki̱ 19:3 ပူးပေါင်းရင်းမြစ်များ

Lebitiko̱ 16:27

Ni xi kꞌo̱ngii̱ cho̱yojo chichií ko̱jo tindsoo̱, chjiéngá ko̱ꞌna̱xiéni kui ngi̱ndiee̱, kó ndi̱tsee̱n nínga síndo ndiꞌaa̱ xotaa̱ ki̱a̱ kꞌuití.

Lebitiko̱ 24:14

«Kjo̱a̱a̱ nga chꞌo katsóna kui nda̱a̱, kuíni nga chjiéngá ko̱ꞌna̱xié ji ki̱a̱ nínga síndo ndiꞌaa̱ xotaa̱. Ngayeje xota̱ xi tsintꞌié nga chꞌo katsóna chjiéngá tsja ku̱i̱ꞌíjñasoón to̱ko̱, sꞌe̱ jaskan ndi̱jo̱ ngatꞌaya nga sa̱ꞌínkꞌién kui nda̱a̱.

Xki̱ 15:36

Kó bo̱a̱ katsꞌén xota̱ Israee̱l.

Xki̱ 19:9

Jaskan ngije kamá kui nii̱, ngo xota̱ xi tsjie, ngatjaꞌáꞌyá ndisoo̱ cho̱yojoo̱, kó ki̱a̱ ngatꞌíndo ngo ngi̱ndie xi tsjie, ndi̱tsen nínga síndo ndiꞌaa̱ xotaa̱. Kó xota̱ na̱xi̱ńdaá sa̱ꞌínkjién kuí ndisoo̱ kjiꞌanga ku̱i̱ꞌíjñanda ndáfoa xi ko̱niéjón ko̱jo xi kjo̱a̱ꞌáxínni jeé.

Xki̱ 3:4

Ta̱nga ta̱ Eleasaa̱ ko̱jo Itamaa̱r tsí xi katsꞌén xá chináꞌmii̱ ngajoo̱ Aaro̱n na̱ꞌmii̱. Nandaa̱b ko̱jo Abiuu̱ jmí ndí kisꞌiejiín, ngatꞌa̱ Néná katsꞌénkꞌién nga jó kui jaá, ta̱ngatꞌanii̱ nga ki̱a̱ ndiꞌandikoón ítí ngo nisije̱n xi jmí tsi bo̱a̱ tsꞌén katsꞌénda xikótsꞌèn atíxoma Néná nga si̱ꞌanda.

Xki̱ 5:2

«Bo̱a̱ tꞌíi̱n xota̱ Israee̱l nga ndi̱tsee̱n nínga síndo ndiꞌaa̱, ngatꞌaxié ngayeje xi chjo̱on ko̱jo tsi xi xi̱ꞌin xi ngo kui nii̱ kꞌuieé: Tsi tjín xí tjiín ngo chiꞌin yojo ndikoón, ko̱jo tsi tji̱xin yojoo̱, ko̱jo tsi xi ngo ini̱ma̱ katsꞌénjo̱. Bo̱a̱ tsí tsꞌén nga sa̱ꞌíndándíjín ki̱a̱ nínga síndo ndiꞌaa̱, ki̱a̱ nínga tikòn an nga».