Xki̱ 18:9 - Xo̱jo̱n eén Néná

⁹ »Kjo̱a̱a̱ kjo̱a̱tjó xi ꞌbítií, jún tsoboájnú kjo̱a̱tjoó xi ni xi maxchá jno̱o̱, ko̱jo kui kjo̱a̱tjó xi tsꞌenkꞌásꞌién xota̱ Israee̱l kjiꞌanga míꞌá nga niꞌánjetakoón jeé.

Xki̱ 18:9 ပူးပေါင်းရင်းမြစ်များ

Lebitiko̱ 10:17

—Ánní nga kichiniejínjnú kui tindsoo̱ ki̱a̱ ndiꞌandikoón. A mí tsí jè yàjnú nga kui kjo̱a̱tjoó, ni xi ndikón boá, ¡kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón jé boá! Kó kuí kjo̱a̱tjoó xi Néná tsꞌénjétakónni jéjnú, ko̱jo jeé xota̱ na̱xi̱ńdaá.

Lebitiko̱ 14:13

»Chináꞌmii̱ xí sa̱ꞌínkꞌién kui cho̱tsa̱nga̱a̱ ki̱a̱ nínga niꞌánkꞌasꞌien kui kjo̱a̱tjoó tsi̱ꞌe̱ nga nda koaꞌa ngiñá an xotaa̱, kó kuí boá xi ku̱i̱ꞌítí kui kjo̱a̱tjoó nganda tsa̱ꞌa̱n. Ki̱a̱ sa̱ꞌínkꞌién ngi̱ndie xi xá tikónni tsi̱ꞌe̱ nga si̱ꞌan kui nii̱. Kui cho̱ xi niꞌánkꞌasꞌien tsi̱ꞌe̱ nga nda xꞌi̱a̱ nginína, tsi̱ꞌe̱ chináꞌmii̱ ka̱ma, ko̱jo kui cho̱ xi niꞌánkꞌasꞌien tsi̱ꞌe̱ nga sa̱ꞌinjetakón an jeé. Nga jó kui kjo̱a̱tjoó, kjo̱a̱tjó xi ndikón boá.

Lebitiko̱ 2:10

Ni xi kꞌo̱ngii̱ kui kjo̱a̱tjoó, ni ndikón boá, kó ta̱kuítsí já chináꞌmii̱ xi ka̱ma skji̱ni̱e̱.

Lebitiko̱ 4:22

»Tsi ngito̱ko̱o̱ xota̱ na̱xi̱ńdaá boá xi ku̱i̱ntꞌiéꞌénjínna,

Lebitiko̱ 4:27

»Tsi ngo xota̱ na̱xi̱ńdaá xi ku̱i̱ntꞌiéꞌénjínna,

Lebitiko̱ 5:1

»Tsi tjín xí ko̱ndókjo̱a̱a̱ tsi̱ꞌe̱ nga chistiko̱ ka̱ma kjo̱a̱a̱ nga sꞌi̱nda ngo ni, kó tsi ka̱mamejénjiín ku̱i̱chji̱a̱ kjo̱a̱a̱ ni xi kamábe ko̱jo ni xi tsintꞌié, kui xota̱ xi̱ꞌba̱ tjítsꞌénjé, kó chjiéngá ka̱majeé. »Tsi tjín xí sa̱ꞌínjo̱ ngo cho̱ xi je kꞌien xi nijón sé, ko̱jo tsi cho̱ xi ꞌbifé yojoo̱ xi tsjiejín ngindyi̱ko̱n Néná, kui xi bo̱a̱ sa̱ꞌiín, sa̱ꞌínjé, kó chjiéngá xota̱ xi tsjiejín ka̱ma nga, ndatsi nde bejín ni xi katsꞌén. »Tsi tjín xí sa̱ꞌínjo̱ ngo ni xi ndándí xí jatjoo̱ yojoo̱ ngo xota̱, chjiéngá xota̱ xi tsjiejín ka̱ma nga, ndatsi nde bejín ni xi katsꞌén. Ngije sku̱i̱e̱ nga ndajínkjiꞌi ni xi katsꞌén, ka̱ma sꞌi̱nié ngo jé. »Tsi tjín xí ku̱i̱chji̱a̱ nga ngiboanéná katsó nga sa̱ꞌínkjatjosón ngo ni, tsi ndajín katsꞌénkjó nga bo̱a̱ katsó, kó tsi kamákjiín nga ndajínkjiꞌi ni xi katsó, ka̱ma sꞌi̱nié ngo jé. »Tsi tjín xí sa̱ꞌín ngo kui jeé, chjiéngá sa̱ꞌínkie yojoo̱ nga bo̱a̱ katsꞌén, kó ngatsꞌénkꞌásꞌiénna ngo kjo̱a̱tjó kjo̱a̱a̱ jé xí katsꞌén ngo tindso̱ chjo̱on, ko̱jo tsi ngo ndí chjo̱ón tindso̱. Kó chináꞌmii̱ kuí boá xi sa̱ꞌínkꞌasꞌien kui kjo̱a̱tjoó nganda tsi̱ꞌe̱ kui xi katsꞌénjeé, kó án sa̱ꞌinjetakóo̱n jeé.

Lebitiko̱ 6:19

Néná ti̱ bi̱ katsoó Moisee̱ nga atíxomaa̱ nga:

Lebitiko̱ 7:1

»Kjo̱a̱tjó xi si̱ꞌankꞌasꞌien kjo̱a̱a̱ nga nda koaꞌa ngiñá an xotaa̱, ꞌniú ndikón. Kuíni nga kui cho̱ xi si̱ꞌankꞌasꞌienna, chjiéngá ki̱a̱ si̱ꞌankꞌien nínga bitjasꞌi̱e̱nnii̱ ndiꞌandikoón, kó jiín kui cho̱o̱ ki̱a̱ chjatjónjón nga nijón nga̱ndee̱ ṉchandikoón.

Lebitiko̱ 7:7

»Kjo̱a̱a̱ kjo̱a̱tjó xi si̱ꞌankꞌasꞌien tsi̱ꞌe̱ nga nda koaꞌa ngiñá an xotaa̱ ko̱jo nga ku̱i̱ꞌana kjo̱a̱niꞌánjetakón, ta̱ ngo tsí kjo̱a̱botíxoma xi tikónna, kó kuí bí xi̱ꞌbi̱: Ngo chikjan kui cho̱o̱ xi ꞌbítí nganda tsa̱ꞌa̱n ko̱jo tji̱xi̱ín xi tsi̱ꞌe̱ chináꞌmii̱ ka̱ma, kui xi sa̱ꞌínkꞌasꞌien kui kjo̱a̱tjoó ki̱a̱ ṉchandikoón.

Xki̱ 18:10

Ta̱ꞌya jáxíꞌín xi ndokjo̱a̱nijnú xi ka̱ma skji̱ni̱e̱ kui kjo̱a̱tjoó, ta̱nga chjiéngá ki̱a̱ skji̱ni̱e̱ ndiꞌandikoón, ngatꞌa̱ kjo̱a̱tjó xi ndikón boá.

Ndeuteronomio̱ 18:1

Moisee̱ bi̱ katsó ngasee̱ xota̱ na̱xi̱ńdaá: «Ngayeje xota̱ Israee̱l kꞌuieé tꞌanangi xi kui tsi̱ꞌe̱ soboá ka̱ma, ta̱nga bo̱a̱jín ka̱ma kjo̱a̱a̱ chináꞌmii̱, kui xi chji̱a̱ni xota̱ tji̱e̱e̱ Lebii̱. Néná boá xi je bo̱a̱ katsó nga kui xi skoón kui xotaa̱, ko̱jo nga kuí boá xi tsja̱á ngayeje ni xi chjieén. Ngayeje kjo̱a̱tjó xi xota̱ Israee̱l kjo̱chójoo̱ Néná, ki̱a̱ skjíbéní ni xi skji̱ni̱e̱ xota̱ tji̱e̱e̱ Lebii̱.