Xki̱ 18:8 - Xo̱jo̱n eén Néná

⁸ Kó Néná ti̱ bi̱ ti̱ katsoó Aaroo̱n nga: «Xá chináꞌmi xi tse̱, kuí boá nga ji xi si̱ꞌinkꞌasꞌínní kjo̱a̱tjoó xota̱ Israee̱l. Ngayeje kui kjo̱a̱tjoó jí boá xi tsjaa ko̱jo xota̱ tji̱e̱e̱, kjo̱a̱a̱ xá xí ndyi̱niꞌánjnúꞌun. Kó kui kjo̱a̱kitii̱ ngatsjéni̱xtjin nga kꞌuijñá.

Xki̱ 18:8 ပူးပေါင်းရင်းမြစ်များ

Éksondo̱ 28:43

Kuí xkángíndieé xi ko̱a̱ja̱ Aaroo̱n ko̱jo ndií kjiꞌanga kꞌo̱sꞌien ndiꞌandikoón, ko̱jo tsi kjiꞌanga ko̱e̱je̱ tiña nínga tikón ṉchaa̱n nga sa̱ꞌín xaá. Tsi sa̱ꞌínkjiénjín kui ńjñoo̱, kotijéñáa̱, kó ngaskande ka̱ma ko̱yà. Kjo̱a̱kiti boá kui nii̱ kó chjiéngá sa̱ꞌínkjatjosón Aaroo̱n ko̱jo xota̱ tji̱e̱e̱ ngatsjéni̱xtjin».

Éksondo̱ 29:21

Kó jaskan chjatjájìn ji ńjñoo̱ Aaroo̱n ko̱jo ńjñoo̱ jaá chií kui jín xí tikón nga̱són ṉchaa̱n ko̱jo chií kui isti̱ xi nanginjon xotaa̱. Kó bo̱a̱ tsꞌén nga kui jaá ko̱jo ńjñoo̱ jè ta̱ xá tsa̱ꞌa̱n boá xi sa̱ꞌín.

Éksondo̱ 29:29

»Kó kui ńjño tsjiee̱ kui xi tsi̱ꞌe̱ Aaroo̱n, tsi̱ꞌe̱ xota̱ tji̱e̱e̱ kui ka̱ma, jaskan ngije kꞌien Aaroo̱n, kjiꞌanga ko̱e̱ꞌéxaá nga ka̱ma chináꞌmina.

Éksondo̱ 40:13

Kó Aaroo̱n chjiéngá ko̱a̱ja̱ ńjñondio xi tsi̱ꞌe̱ chináꞌmii̱, kó nangínjìn ji isti̱ tsi̱ꞌe̱ nga chináꞌmi xi tsa̱ꞌa̱n ka̱ma.

Éksondo̱ 40:15

kó nangínjìn ji isti̱ ngayejee̱, tsi̱ꞌe̱ nga chináꞌmina ka̱ma. Kó ki̱a̱ ko̱a̱ꞌa̱nii̱ nga ta̱ngatꞌanii̱ kui istii̱, nga xota̱ tji̱e̱e̱ Aaroo̱n ko̱jo ndií, chináꞌmina ka̱ma ngatsjéni̱xtjin».

Lebitiko̱ 21:10

»Ngito̱ko̱o̱ chináꞌmii̱, kuí boá xi ꞌniú ndikón ngase ngi̱jii̱n ngayeje chináꞌmi xi ngasee̱, ngatꞌa̱ kjiꞌanga katseꞌéxaá nga chináꞌmina kamá, kiniꞌánkꞌasꞌiee̱n ńjño chináꞌmii̱, kó kachjatjónjón to̱ko̱ isti̱ xi boeꞌéxánií xotaa̱. Kuíni nga ngito̱ko̱o̱ chináꞌmii̱, ka̱májín kjótsoꞌbá ndso̱toko, ti̱nde ka̱májín skjíndiyá ńjñoo̱ nga ko̱kó xa̱ꞌya̱.

Lebitiko̱ 23:20

Kui kjo̱a̱tjoó chináꞌmii̱ boá xi nijan sa̱ꞌínkꞌasꞌienna, ko̱jo paa̱n ko̱jo, nga jó ndií cho̱tsa̱nga̱a̱. Kjo̱a̱tjó xi niꞌánkꞌasꞌien nganda tsa̱ꞌa̱n boá, kó chináꞌmii̱ boá xi tsoboaá kui nii̱.

Lebitiko̱ 6:16

»Já chináꞌmii̱ boá xi skji̱ni̱e̱ ni xi kꞌo̱ngii̱ kui kjo̱a̱tjoó, ngatꞌa̱ kuí boá kui nii̱ xi ngatsjéni̱xtjin nga tsꞌéntsjàa̱. Kjiꞌanga sa̱ꞌínchján kui nii̱ ka̱májín ku̱i̱ndyiaá nisan, kó chjiéngá ki̱a̱ skji̱ni̱e̱ ndi̱tsee̱n ndiꞌandikoón, kui ngi̱ndie xi xá tikónni tsi̱ꞌe̱ nga ki̱a̱ skji̱ni̱e̱. Kuí boá kui nii̱ xi ngo kjo̱a̱tjó xi ndikón, xikoó kui kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón ngo jé. Tsi tjín ni xi ki̱a̱ si̱tꞌaa̱ kui kjo̱a̱tjoó, chjiéngá ndikón ka̱ma xikoó kui kjo̱a̱tjoó nga».

Lebitiko̱ 6:20

«Kjiꞌanga Aaroo̱n ko̱jo xota̱ tji̱e̱ tsi̱ꞌe̱ ko̱e̱ꞌéxaá nga chináꞌmina ka̱ma, chjiéngá jó kilo̱ ndso̱ko̱a̱n ṉño̱pan sa̱ꞌínkjién nga sa̱ꞌínkꞌasꞌienna ngo kjo̱a̱tjó. Ngo kilo̱ sa̱ꞌínkꞌasꞌienna nga ta̱jño̱ó, kó xi ingo kiloo̱ nga kamángixoón sa̱ꞌínkꞌasꞌienna. »Kui kjo̱a̱tjó xi ndso̱ko̱a̱n ṉño̱paa̱n, chjiéngá tsie isti̱ ku̱i̱ndyiaa̱, kó ngo ngi̱ya sarte̱n si̱ꞌandayá, kó ku̱i̱chíyá nga si̱ꞌankꞌasꞌienna. Jaskan kꞌuití yeje, xikoó ngo kjo̱a̱tjó xi sije̱n. Kui kjo̱a̱tjoó, ka̱májín tjín xí skji̱ni̱e̱. »Kui kjo̱a̱kitii̱ jmíni̱xtjin sa̱síkjo».

Lebitiko̱ 6:26

Kui chináꞌmi xi sa̱ꞌínkꞌasꞌien kui kjo̱a̱tjoó, chjiéngá skji̱ni̱e̱ ngo tjín kuí kjo̱a̱tjoó ki̱a̱ ndi̱tsee̱n ndiꞌandikoón, ki̱a̱ nínga tikón kui ngi̱ndie xi ta̱ xá ki̱a̱ xi̱ni̱e̱ni.

Lebitiko̱ 7:14

Kui kjo̱a̱tjoó án boá xi si̱ꞌankꞌasꞌienna, ta̱nga chináꞌmi xi sa̱ꞌínkꞌasꞌiee̱n, ka̱ma skjíbé chiboa kui nii̱.

Lebitiko̱ 7:28

Néná ti̱ bi̱ ti̱ katsoó Moisee̱ nga,

Lebitiko̱ 8:30

Moisee̱ katsangijon to̱ko̱ Aaroo̱n ko̱jo jaá isti̱ xi nanginjon xotaa̱ nga boeꞌéxaá ko̱jo jín xí tikón nga̱soón ṉchandikoón. Kó ti̱ iskjitjónjón ńjño chináꞌmi xi ndyi̱yajá kui jaá nga.

Xki̱ 18:9

»Kjo̱a̱a̱ kjo̱a̱tjó xi ꞌbítií, jún tsoboájnú kjo̱a̱tjoó xi ni xi maxchá jno̱o̱, ko̱jo kui kjo̱a̱tjó xi tsꞌenkꞌásꞌién xota̱ Israee̱l kjiꞌanga míꞌá nga niꞌánjetakoón jeé.

Xki̱ 5:9

»Ngayeje kui kjo̱a̱tjó xi xotaa̱ ko̱e̱je̱joo̱ Néná, tsi̱ꞌe̱ chináꞌmii̱ ka̱ma».

1 Xota̱ Korinto̱ 9:13

A yàjínjnú nga xi tsꞌénxá na̱ngo̱xi̱i̱ kjinie ni xi tjoꞌósón tsi̱ꞌe̱ na̱ngo̱xi̱i̱, ko̱jo xi ndyi̱tsꞌènxátꞌa ṉchandikoón ti̱ ki̱a̱ sakoó yojoo̱ cho̱ xi niꞌánkꞌién ki̱a̱a̱ nga.

Ndeuteronomio̱ 18:1

Moisee̱ bi̱ katsó ngasee̱ xota̱ na̱xi̱ńdaá: «Ngayeje xota̱ Israee̱l kꞌuieé tꞌanangi xi kui tsi̱ꞌe̱ soboá ka̱ma, ta̱nga bo̱a̱jín ka̱ma kjo̱a̱a̱ chináꞌmii̱, kui xi chji̱a̱ni xota̱ tji̱e̱e̱ Lebii̱. Néná boá xi je bo̱a̱ katsó nga kui xi skoón kui xotaa̱, ko̱jo nga kuí boá xi tsja̱á ngayeje ni xi chjieén. Ngayeje kjo̱a̱tjó xi xota̱ Israee̱l kjo̱chójoo̱ Néná, ki̱a̱ skjíbéní ni xi skji̱ni̱e̱ xota̱ tji̱e̱e̱ Lebii̱.

Ndeuteronomio̱ 26:13

Ngije kiniꞌánkꞌasꞌienjnú ngayeje kui nii̱, chjiéngá bi̱ kꞌuínjnú ki̱a̱ kje̱n ṉchandikoón: “Ji Ne, jè ijñátꞌaxín an ngo tjín ni xi kamáxchána, kó jè katsꞌenkꞌasꞌièe̱n chináꞌmii̱, ko̱jo xota̱ xi ta̱ ngotjón síndo ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Je katsꞌenkjatjosón an ngayeje kjo̱a̱botíxomàa̱, kó nde ngojín kui nii̱ xi katsꞌenjo̱ an. Jmí ni̱xtjin nga iskjíni̱e̱ an tji̱e̱nga tsjiejín kamá an, ko̱jo tsi kisꞌijña xa̱ꞌya̱ an, ti̱nde katsjajáa̱n a̱si̱énni̱xtjii̱n xota̱ xi je jesoón.

Xota̱ Ebreo̱ 1:9

Jè kiniꞌíntjé ni xi kixi̱i̱, kó kiniꞌínchꞌí ji ni xi ndajiín, kuíni nga Néná je jaꞌájiin, kui Ne xi tse̱, kó kuí xí katsjaá tsie kjo̱a̱tsja, tsie ngase ta̱bo̱a̱jiín ndítsjiee̱.

1 Xo̱jo̱o̱n Juaa̱ 2:20

Ta̱nga jún jè tikónjnú A̱si̱énni̱xtjii̱n Néná xi katsjájnú Kristoo̱, kó jè yàjnú ni xi ja̱koxi̱i̱.

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.