Xki̱ 18:2 - Xo̱jo̱n eén Néná

^2-7 »Kjo̱a̱a̱ xá xí niꞌán ki̱a̱ ndiꞌandikoón kjo̱a̱ꞌbíndaa̱, ji ko̱jo xota̱ tji̱e̱e̱ ka̱ma chji̱a̱ꞌajnúu̱ nga ko̱síko̱jójnú já ntsꞌiejnú xi chji̱a̱ni xota̱ tji̱e̱e̱ Lebii̱. Án boá xi jaꞌajin an ngi̱jii̱n ngayeje xota̱ tji̱e̱e̱ xota̱ Israee̱l, kó ngotꞌe̱ ꞌne̱ jún tjítsꞌenkꞌasꞌiénjnúꞌun tsi̱ꞌe̱ nga ko̱si̱ko̱jójnú nga si̱ꞌánjnú xaá ndiꞌandikoón. Kui jaá ka̱maa̱ ko̱síko̱jójnú, ta̱nga ka̱májín sa̱ꞌínjo̱ ni ndikón xi chji̱a̱ni ndiꞌandikoón, ko̱jo tsi ni xi síndo ṉchandikoón. Tsi sa̱ꞌínjo̱, jún ko̱jo kui jaá kju̱i̱e̱sónjnú. »Ta̱ jún tsí xi ka̱ma si̱ꞌánjnú xá chináꞌmii̱ ki̱a̱ ṉchandikoón ko̱jo ngi̱ndie xi ꞌniú ndikoón. Ta̱ jún tsí xi ka̱ma xchónjnúu̱ ṉchandikoón ko̱jo ngayeje ni ndikón xí síndo ndiꞌandikoón. Xota̱ tji̱e̱e̱ Lebii̱ xi ngasee̱ ka̱ma ki̱a̱ kꞌuíndojo̱jnú nga ko̱síko̱jójnú ngayeje xá xí si̱ꞌánjnú, ta̱nga ngata̱ boeꞌéndièjín ji nga kje̱ꞌe xota̱ xi ko̱e̱je̱kon tiñajnú. Ti̱ꞌankjatjosónjnú ngayeje kui nii̱, kó nginijánjín sa̱ꞌinxchánjo̱ an xota̱ Israee̱l, ti̱nde ngiti̱ kotijéjáa̱n. Ta̱ꞌyaní xi sa̱ꞌín xá chináꞌmii̱, kó tsi chináꞌmijín, chjiéngá ko̱yà».

Xki̱ 18:2 ပူးပေါင်းရင်းမြစ်များ

Jenesii̱s 29:34

Jaskan ti̱ tsaꞌa nginí ingo ndí na̱ Liyaa̱ xi ma jaán ndi̱yà, kó nga katsen kui ndií, bi̱ katsó: «Ngotꞌe̱ ꞌné nga ꞌniú ngase ka̱mangojne̱ an ko̱jo xi̱ꞌinna, ngatꞌa̱ jè ján ndí katsjáa̱». Kuíni nga Lebi̱ ítꞌajaꞌén, ngatꞌa̱ kui jaꞌeén «Xi kamángo» tsó.

Xki̱ 1:53

Ta̱nga xota̱ tji̱e̱e̱ Lebii̱ ki̱a̱ kꞌuíndo ndiꞌaa̱ nga ngo foaꞌatjiyajoo̱n ndiꞌandikoón, kó kuí boá xi skoón kui ngi̱ndiee̱, tsi̱ꞌe̱ nga Néná sa̱ꞌínxchánjo̱jín xota̱ na̱xi̱ńdaá».

Xki̱ 17:7

Ngije jachóchinií yánísieé, Moisee̱ ki̱a̱ índo kje̱n nínga tikón koxa̱a̱ kjo̱a̱ꞌbíndaa̱.

Xki̱ 3:5

Néná bi̱ katsoó Moisee̱:

Xki̱ 4:15

»Ngije ka̱maa̱ Aaroo̱n ko̱jo ndií nga ku̱i̱ꞌítsakjájón ngayeje ni xi machjién ki̱a̱ ndiꞌandikoón Néná, kó ngije ko̱e̱je̱, nangíyé ji ndií Koaa̱t tsi̱ꞌe̱ nga kui xi ko̱a̱ꞌa̱nijín ngayeje kui nii̱. Ta̱nga chjiéngá skoón nga ta̱xkiya sa̱ꞌínjo̱jín ngo ni xi ndikoón, ngatꞌa̱ ko̱yà tsí bo̱a̱ sa̱ꞌín. Kuí bí kui xaá xi sa̱ꞌín xota̱ tji̱e̱e̱ Koaa̱t ki̱a̱ ndiꞌandikoón.

Xki̱ 8:19

»Án boá xi ꞌbíndo an xota̱ tji̱e̱e̱ Lebii̱ ngi̱ya tsja Aaroo̱n ko̱jo ndií, xikoó tsi ngo kjo̱a̱tjó xi tsjá xota̱ Israee̱l, tsi̱ꞌe̱ nga kui xi sa̱ꞌínxá ki̱a̱ ndiꞌandikoón. Kuí boá xi sa̱ꞌínkꞌasꞌien kjo̱a̱tjoó xota̱ Israee̱l tsi̱ꞌe̱ nga sa̱ꞌinjetakóo̱n jeé. Kó bo̱a̱ tsí tsꞌén nga jmí ni xi ndajín ka̱maa̱ kjiꞌanga tjín xí ꞌniú sa̱ꞌíntiñaa̱ yojoo̱ ki̱a̱ ndiꞌandikoón».

Xota̱ Ebreo̱ 9:6

Bi̱ tsꞌén kisꞌińdonda kui nii̱: Ngi̱ndie xi tjoón kui ngi̱ndie ndikoón, ki̱a̱ tsꞌasꞌien chináꞌmii̱ nga katsꞌénkjatjosón nga katsꞌéndikón Néná,