Xki̱ 18:1 - Xo̱jo̱n eén Néná

¹ Néná bi̱ katsoó Aaroo̱n: «Kjiꞌanga ngo jé sa̱ꞌín xota̱ Israee̱l kjo̱a̱a̱ na̱ngo̱xi̱i̱, ji ko̱jo xota̱ tji̱e̱e̱, ko̱jo xota̱ tji̱e̱ xi ngasee̱ Lebii̱, chjiéngá chji̱a̱ꞌajnú kjo̱a̱niꞌánjetakón kjo̱a̱a̱ kui xotaa̱. Ta̱nga kjiꞌanga ji ko̱jo xota̱ tji̱e̱e̱ ndyi̱niꞌánjnú xá chináꞌmii̱ kó tsi si̱ꞌanjéjnú, ngojín xi ka̱ma ku̱i̱ꞌa kjo̱a̱niꞌánjetakón kjo̱a̱a̱ jún, ti̱ júnní xi chjiéngá chji̱a̱ꞌatjejnú yojojnú.

Xki̱ 18:1 ပူးပေါင်းရင်းမြစ်များ

Lebitiko̱ 10:17

—Ánní nga kichiniejínjnú kui tindsoo̱ ki̱a̱ ndiꞌandikoón. A mí tsí jè yàjnú nga kui kjo̱a̱tjoó, ni xi ndikón boá, ¡kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón jé boá! Kó kuí kjo̱a̱tjoó xi Néná tsꞌénjétakónni jéjnú, ko̱jo jeé xota̱ na̱xi̱ńdaá.

Lebitiko̱ 22:16

Xi ta̱xkiya skji̱ni̱e̱, sa̱ꞌín jé. An, Nee̱ xota̱ Israee̱l boá xi je katsjaxáa̱ nga ta̱ xána tsí xi sa̱ꞌín».

Lebitiko̱ 22:9

»Ngayeje chináꞌmii̱ chjiéngá sa̱ꞌínkjatjosón kui kjo̱a̱botíxomaa̱. Tsi sa̱ꞌínkjatjosónjín, ko̱yà. An, Nee̱ xota̱ Israee̱l boá xi je katsjaxáa̱ nga ta̱ xána tsí xi sa̱ꞌín.

Xki̱ 14:34

»Tsi̱ꞌe̱ nga xcha̱jnú nga achichí chꞌokjiꞌi nga ndaꞌyáꞌénjínna, achichí ꞌniú kotijéjnúꞌun. Ja̱koxi̱ boá nga bo̱a̱ sa̱ꞌin an. Jún tsangíntsitsijenjnúu̱ kui tꞌanangii̱ yichán ni̱xtjin, kuíni nga xki̱ ngo ni̱xtjin ngo nó kotijéjnúꞌun. Yichán nó ta̱xkiya ku̱i̱ṉtja̱jnú ki̱a̱ nangi kixií, ngaskande nga kju̱i̱e̱ndajnú, kó ko̱yàjnú.

Xki̱ 16:10

Néná boá xi jaꞌájinjnú jún tsi̱ꞌe̱ nga tiñaa̱ kui ku̱i̱ndyionjnú. Kó míkjo̱a̱a̱ nga chináꞌmi mejénjnú ka̱majnú ngotꞌe̱.

Xki̱ 17:7

Ngije jachóchinií yánísieé, Moisee̱ ki̱a̱ índo kje̱n nínga tikón koxa̱a̱ kjo̱a̱ꞌbíndaa̱.

Xki̱ 18:11

»Ji ko̱jo xota̱ tji̱e̱e̱ xi chjo̱on xí xi̱ꞌin, kuí tsꞌéntsjàa̱ ngayeje kui kjo̱a̱tjó xi ndikón xí foeꞌejo̱na xota̱ Israee̱l. Ka̱ma skji̱ni̱e̱ ngayeje xota̱ xi je katsꞌénkjatjosón ni xi je tsíꞌá an nga sa̱ꞌínkjatjosón nga kjo̱chó ngindyikón án. Kui kjo̱a̱kitii̱ ngatsjéni̱xtjin nga kꞌuijñá.

Xki̱ 3:6

«Ndokjoée̱ xota̱ tji̱e̱e̱ Lebii̱, tsi̱ꞌe̱ nga ko̱síko̱jo xá xí tsꞌén chináꞌmi Aaroo̱n, ko̱jo xá xí tsoboaá nga sa̱ꞌín xota̱ na̱xi̱ńdaá ki̱a̱ ndiꞌandikoón, ngatꞌa̱ kuí boá xi skoón ndiꞌandikoón ko̱jo ngayeje ni xi niꞌánkjién kuí ngi̱ndiee̱.

Ndeuteronomio̱ 10:8

»Ki̱a̱ boá nínga Néná jaꞌájin xota̱ tji̱e̱e̱ Lebii̱, tsi̱ꞌe̱ nga kui xi ko̱a̱ꞌa̱nijín koxa̱a̱ kjo̱a̱ꞌbíndaa̱ kjiꞌanga tjín nínga kjo̱jo, kui kjo̱a̱ꞌbínda xi katsꞌénjo̱jnú Néná. Kó kui xota̱ tji̱e̱e̱ xi kamá chináꞌmi nga kui xi kꞌuíndotjón nga si̱ꞌantsjaa̱ Néná ko̱jo nga kui xi sa̱ꞌínchikonñé xota̱ na̱xi̱ńdaá nga sa̱ꞌínkjién jaꞌeén Néná. Ngaskande ngotꞌe̱ kuí xaá xi tsꞌén,

Xota̱ Ebreo̱ 13:17

Ndaꞌyáꞌénjnúu̱ xota̱ xi síndotjónjnú, kó cha̱ndikónjnú kui, ngatꞌa̱ kuí boá xi ndyi̱kondajnú jún nga be nga sa̱ꞌínkꞌasꞌiee̱n xki̱ Néná. Bo̱a̱ ti̱ꞌánjnú tsi̱ꞌe̱ nga tsja kꞌuieé nga sa̱ꞌín xaá, kó nga éjín ka̱maa̱, ngatꞌa̱ ko̱jo nganda tsa̱jún boá tsi éjín ka̱maa̱ xaá.

Xota̱ Ebreo̱ 4:15

Ngatꞌa̱ tikónná ngo chináꞌmi xi ꞌniú nkꞌa xaá xi ma ni̱ma̱a̱ kjo̱a̱ꞌindaná, kui xi je kachjatꞌayákón xikoó ñá, ta̱nga katsꞌénjéjín.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.