Xki̱ 17:7 - Xo̱jo̱n eén Néná

⁷ Ngije jachóchinií yánísieé, Moisee̱ ki̱a̱ índo kje̱n nínga tikón koxa̱a̱ kjo̱a̱ꞌbíndaa̱.

Xki̱ 17:7 ပူးပေါင်းရင်းမြစ်များ

Éksondo̱ 38:21

Moisee̱ boá xi katsjaákjo̱a̱ já xí bosikójo chináꞌmii̱, tsi̱ꞌe̱ nga ko̱a̱ꞌa̱ xki̱ mí ki̱cha̱a̱ xi ka̱machjién nga si̱ꞌanda na̱ngo̱xi̱ ndikoón Néná. Kó Itamaa̱r, nda̱a̱ chináꞌmi Aaroo̱n boá xi katsꞌénda kui xki̱i̱.

Xki̱ 1:50

Chjiéngá ki̱a̱ ko̱e̱ꞌéxée̱ ndiꞌandikoón, tsi̱ꞌe̱ nga kui xi skoón ngayeje ni xi niꞌánkjién ngi̱yaa̱ kui ngi̱ndie ndikoón. Kuí boá xi ko̱nkꞌá nga ko̱e̱je̱jo ndiꞌandikoón ko̱jo ngayeje ni xi ndyi̱a̱, kó chjiéngá ki̱a̱ ku̱i̱ꞌíndotꞌa ndiꞌaa̱ nga ngo foaꞌatjiyajoo̱n nínga kꞌuijñá kui ndiꞌandikoón.

Xki̱ 1:53

Ta̱nga xota̱ tji̱e̱e̱ Lebii̱ ki̱a̱ kꞌuíndo ndiꞌaa̱ nga ngo foaꞌatjiyajoo̱n ndiꞌandikoón, kó kuí boá xi skoón kui ngi̱ndiee̱, tsi̱ꞌe̱ nga Néná sa̱ꞌínxchánjo̱jín xota̱ na̱xi̱ńdaá».

Xki̱ 14:10

Ta̱nga xota̱ Israee̱l nde katsꞌénsénjiín én xí katsó, ta̱sá kamámejeén nga ndi̱jo̱ tsꞌaya katsaki. Kósꞌe̱ Néná jachójo̱ ngayeje kjo̱a̱je xi tjiín nga jatjokjà ki̱a̱ ndiꞌandikoón, ngindyi̱ko̱n ngayeje xota̱ Israee̱l,

Xki̱ 17:4

Tꞌenje̱ ji ngayeje kui yánísieé ki̱a̱ ndiꞌandikoón, kó ki̱a̱ tꞌínde ji kje̱n nínga tikón koxa̱a̱ kjo̱a̱ꞌbíndaa̱.

Xki̱ 17:6

Kósꞌe̱ Moisee̱ bi̱ katsoó xota̱ Israee̱l nga, nga ngo nga ngo ngito̱ko̱o̱ chjiéngá ko̱e̱je̱joo̱ ngo yánísié xi kjitꞌa jaꞌeén. Tiejó ka̱ma kui yánísieé, kó ti̱ ki̱a̱ kꞌuijñájin tsi̱ꞌe̱ Aaroo̱n nga.

Xki̱ 18:2

»Kjo̱a̱a̱ xá xí niꞌán ki̱a̱ ndiꞌandikoón kjo̱a̱ꞌbíndaa̱, ji ko̱jo xota̱ tji̱e̱e̱ ka̱ma chji̱a̱ꞌajnúu̱ nga ko̱síko̱jójnú já ntsꞌiejnú xi chji̱a̱ni xota̱ tji̱e̱e̱ Lebii̱. Án boá xi jaꞌajin an ngi̱jii̱n ngayeje xota̱ tji̱e̱e̱ xota̱ Israee̱l, kó ngotꞌe̱ ꞌne̱ jún tjítsꞌenkꞌasꞌiénjnúꞌun tsi̱ꞌe̱ nga ko̱si̱ko̱jójnú nga si̱ꞌánjnú xaá ndiꞌandikoón. Kui jaá ka̱maa̱ ko̱síko̱jójnú, ta̱nga ka̱májín sa̱ꞌínjo̱ ni ndikón xi chji̱a̱ni ndiꞌandikoón, ko̱jo tsi ni xi síndo ṉchandikoón. Tsi sa̱ꞌínjo̱, jún ko̱jo kui jaá kju̱i̱e̱sónjnú. »Ta̱ jún tsí xi ka̱ma si̱ꞌánjnú xá chináꞌmii̱ ki̱a̱ ṉchandikoón ko̱jo ngi̱ndie xi ꞌniú ndikoón. Ta̱ jún tsí xi ka̱ma xchónjnúu̱ ṉchandikoón ko̱jo ngayeje ni ndikón xí síndo ndiꞌandikoón. Xota̱ tji̱e̱e̱ Lebii̱ xi ngasee̱ ka̱ma ki̱a̱ kꞌuíndojo̱jnú nga ko̱síko̱jójnú ngayeje xá xí si̱ꞌánjnú, ta̱nga ngata̱ boeꞌéndièjín ji nga kje̱ꞌe xota̱ xi ko̱e̱je̱kon tiñajnú. Ti̱ꞌankjatjosónjnú ngayeje kui nii̱, kó nginijánjín sa̱ꞌinxchánjo̱ an xota̱ Israee̱l, ti̱nde ngiti̱ kotijéjáa̱n. Ta̱ꞌyaní xi sa̱ꞌín xá chináꞌmii̱, kó tsi chináꞌmijín, chjiéngá ko̱yà».

Xki̱ 9:15

Ni̱xtjin nga kachjaninkꞌa ndiꞌandikoón kjo̱a̱ꞌbíndaa̱, ngo ṉdi̱ kjindibá xi kisꞌijña nga̱soón kui ngi̱ndiee̱. Kó nga kamájñoó ngo ndiꞌí kisꞌijña nga̱soón ndiꞌandikoón, ta̱nga nga ta̱jño̱ó kichajá.

Ni xi kamá 7:44

Xota̱ tji̱e̱ xcháná kisꞌijñaa̱ ngo ngi̱ndie ndikón, ki̱a̱ nangi kixií xi akó nga Néná índajo̱ xota̱ na̱xi̱ńdaá, xikótsꞌèn Néná katsóyaà Moisee̱ nga sa̱ꞌínda, xikó kjiꞌi xi akakoo̱,