Xki̱ 17:5 - Xo̱jo̱n eén Néná

⁵ »Án boá xi sa̱ꞌin an nga naxó ko̱a̱ja̱a̱ ngo kui yánísieé, kó kui xi tsi̱ꞌe̱ kui yánísié xi kꞌuieé naxoó, kuí boá xi tsꞌénfoaꞌajin an nga kui xi kꞌuijñátjoón xota̱ na̱xi̱ńdána. Kó bo̱a̱ tsꞌén nga xota̱ na̱xi̱ńdaá jè ngiti̱ jmí ni xi ndajín ku̱i̱chji̱a̱ ngase kjo̱a̱a̱ jún».

Xki̱ 17:5 ပူးပေါင်းရင်းမြစ်များ

Xo̱jo̱n Salmoo̱ 105:26

Kósꞌe̱ Néná katsangiyajne̱ Moisee̱ ko̱jo Aaroo̱n, kui moso̱ xi ꞌniú tjó ngasee̱,

Xki̱ 1:51

»Kó kui xota̱ tji̱e̱e̱ Lebii̱, kuí boá xi kꞌo̱xiékjo kjiꞌanga tjín nínga ko̱e̱je̱ ndiꞌandikoón, kó kjiꞌanga sꞌi̱jña nginí ngo ngi̱ndie, kuí boá xi ku̱i̱ꞌíkjo nginí. »Ngayeje xota̱ xi kje̱ꞌe xí ko̱e̱je̱kon tiñaa̱ kui ndiꞌandikoón, kó nga ki̱a̱jín chji̱a̱ni xota̱ tji̱e̱e̱ Lebii̱, ko̱yà.

Xki̱ 11:1

Xota̱ Israee̱l ngatsjéni̱xtjin nga Néná katsóyaà kjo̱a̱a̱ kjo̱a̱xti xi kisꞌiee̱. Kjiꞌanga Néná tsintꞌié ni xi katsó, achichí katsꞌénxchán, kó Néná ngo ndiꞌí ítsié nga ngo foaꞌatjiyajoo̱n nínga síndo ndiꞌaa̱ xotaa̱.

Xki̱ 16:11

Jmí tsi kondraa̱ Aaroo̱n nga ndyi̱niꞌánxchánjnú, kondraa̱ Néná boá.

Xki̱ 16:5

kósꞌe̱ bi̱ katsoó Koree̱ ko̱jo xota̱ xi nijan tsoꞌbájo̱: —¡Jún boá xi xota̱ tji̱e̱e̱ Lebii̱, xi je tsꞌajónjne̱ ji̱n! Ndyiojón ta̱jñó ndibájnú, kó chꞌi̱a̱jnú ni xi mindyia xꞌueé, kósꞌe̱ ki̱a̱ tꞌíjñájnú kui nii̱ ngindyi̱ko̱n Néná. Kósꞌe̱ Néná kjo̱a̱ꞌájin xota̱ xi mejeén nga sa̱ꞌín xaá ki̱a̱ ndiꞌandikoón, kó ta̱kuítsí kui xotaa̱ xi ka̱ma sa̱ꞌín kui xaá.

Xki̱ 17:10

Néná bi̱ katsoó Moisee̱: «Chjábé jí yánísieé Aaroo̱n, kó ki̱a̱ tꞌíjñí jí kje̱n koxa̱a̱ kjo̱a̱ꞌbíndaa̱. Kó ki̱a̱ chje̱ꞌétjé ji ngi̱yaa̱ koxa̱a̱, kuí nii̱ xi ko̱ko̱ó xota̱ xi kitikjo̱a̱a̱, tsi̱ꞌe̱ nga ngiti̱ sa̱ꞌínxchánjín. Tsi ku̱i̱ntꞌiéꞌénna, ko̱yàjín».

Xki̱ 17:6

Kósꞌe̱ Moisee̱ bi̱ katsoó xota̱ Israee̱l nga, nga ngo nga ngo ngito̱ko̱o̱ chjiéngá ko̱e̱je̱joo̱ ngo yánísié xi kjitꞌa jaꞌeén. Tiejó ka̱ma kui yánísieé, kó ti̱ ki̱a̱ kꞌuijñájin tsi̱ꞌe̱ Aaroo̱n nga.

Xki̱ 17:8

Kó nga kamángindyiojón, kjiꞌanga Moisee̱ tsꞌasꞌien ndiꞌandikoón, kamábe nga yánísieé Aaroo̱n je íntsꞌién, kó ngaskande je tsajá maá naxó ko̱jo to almendra̱ xi je kichjí.

1 Xota̱ Korinto̱ 10:10

Ti̱nde ngata̱ ndokjo̱a̱taꞌínjínjnú Néná, xikó katsꞌén chiboa kui xotaa̱, kó ndítsjie xi botixómaá kjo̱a̱bo̱yaa̱ katsꞌénkjiesón.