Xki̱ 15:3 - Xo̱jo̱n eén Néná

³ »Ka̱ma kjo̱jo cho̱yojoo̱ ko̱jo cho̱ xi tsꞌénxchá tsi̱ꞌe̱ nga kjo̱a̱tjó sa̱ꞌín ko̱jo nga sa̱ꞌínkꞌién, sꞌe̱ ku̱i̱ꞌítí nganda tsa̱ꞌa̱n, ti̱ ka̱ma tsja tsi ngayeje kon ngo kjo̱a̱tjó, ko̱jo tsi tsi̱ꞌe̱ nga sa̱ꞌínkjatjosón ngo ni, ko̱jo tsi ngo kjo̱a̱tjó xi niꞌánkꞌasꞌien nga ma ngo sꞌué. Bo̱a̱ tsꞌén nga tsja mana kjo̱a̱tjó xi niꞌánkꞌasꞌienna.

Xki̱ 15:3 ပူးပေါင်းရင်းမြစ်များ

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Xo̱jo̱n Salmoo̱ 54:6

Kó ngayejení ini̱ma̱na nga sa̱ꞌínkꞌasꞌiee̱n kjo̱a̱tjó, ji Ne, tsjaa ndokꞌóchji̱ì ngatꞌa̱ achichí nda ji xota̱,

Éksondo̱ 29:18

Kó ki̱a̱ nga̱són ṉchaa̱n tꞌítí ji ngayeje kui nii̱, kuí boá kui nii̱ kjo̱a̱tjó xi sije̱n ka̱mana an, tsi̱ꞌe̱ nga sa̱ꞌinjetakón an jeé xotaa̱.

Éksondo̱ 29:25

Sꞌe̱ jaskan kui jaá ngatsꞌénkꞌásꞌieén ji paa̱n ko̱jo yojoo̱, kó nganda tsa̱ꞌa̱n tꞌítí ji ki̱a̱ ṉchandikoón, xikoó ngo kjo̱a̱tjó xi sije̱n mana.

Éksondo̱ 29:41

Kó nga si̱ꞌinkꞌasꞌin ji ndií cho̱tsa̱nga̱ xi ma joó, ti̱ bo̱a̱ ti̱ tsꞌén ti̱ꞌinkꞌasꞌin ji xikoó xi tjoón. »Ndií cho̱tsa̱nga̱a̱, ko̱jo ndso̱ko̱a̱n ṉño̱paa̱n ko̱jo binoo̱ kꞌuití yejena kui kjo̱a̱tjoó nganda tsa̱ꞌa̱n, kó kui nda̱ sije̱e̱n kui nii̱ kjo̱a̱ꞌándána kó tsja ka̱mana.

Lebitiko̱ 27:2

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Kjiꞌanga ngo xi mejeén sa̱ꞌíndé ngo xota̱ xi je Néná chji̱a̱ni,

Lebitiko̱ 7:16

»Tsi ngayeje kon xota̱ xi tjítsꞌénkꞌásꞌién kui kjo̱a̱tjoó, ko̱jo tsi kjo̱a̱a̱ nga sa̱ꞌínkjatjosón ngo ni xi katsóyàtjón nga sa̱ꞌín, yojoo̱ kui cho̱o̱ xi tjítsꞌénkꞌásꞌieén, chjiéngá ti̱ kuii̱ ni̱xtjii̱n nga ka̱ma xi̱ni̱e̱. Tsi kꞌuijñá ngi̱chí kui yojoo̱, ka̱má xi̱ni̱e̱ nga kamángindyiojón.

Xki̱ 29:8

»Kó ko̱jo kui kjo̱a̱tjó xi je sa̱ꞌínkꞌasꞌienna ndyiojón ndyiojón, ko̱jo kui xi sa̱ꞌínkꞌasꞌienna kjo̱a̱a̱ jeé xotaa̱, kui ni̱xtjii̱n ti̱ sa̱ꞌínkꞌiénna ko̱jo ku̱i̱ꞌítína ngo cho̱yojo toro̱, ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón. »Nga ngo nga ngo kui cho̱yojo toroo̱ chjiéngá nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱ xi je kiniꞌánda̱ꞌyo̱ni isti̱, kó kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé. Bo̱a̱ tsꞌén nga tsja mana nga niꞌánkꞌasꞌienna kui kjo̱a̱tjoó.

Xki̱ 6:15

»Kó kui xota̱ nasareoo̱, chjiéngá ko̱e̱je̱jo ki̱a̱ ndiꞌandikoón ngo ni̱se̱nyá pan ko̱jo ṉño̱ xinié xi jmí nisanjiín, xi ndso̱ko̱a̱n ṉño̱pan xi nda kamándajo̱ni, xi ikindyiaa̱ isti̱ nga kiniꞌánda̱ꞌyo̱, ko̱jo ngatjíjo̱ kjo̱a̱tjó xi ngasee̱, kui xi ni xi maxchá jno̱o̱ ko̱jo binoo̱.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

2 Xota̱ Korinto̱ 2:15

Ngatꞌa̱ ji̱n xikónií nisije̱n xi Kristoo̱ tsꞌenkꞌásꞌieén Néná xi kjifoaꞌándá ngi̱jii̱n xota̱ xi fotjoꞌa, ko̱jo ngi̱jii̱n xota̱ xi kichajaá.

2 Xota̱ Korinto̱ 2:16

Kui xota̱ xi tjichájaá, ji̱n xikónií tsi je̱n kjo̱a̱bo̱ya kjimaa̱ ji̱n, ta̱nga kui xota̱ xi fotjoꞌaa̱, ji̱n xí xikoó ngo nisije̱n xi tsjá kjo̱a̱mindyioo̱n kjimaa̱. Kó kjo̱a̱a̱ kui nii̱, ꞌyá xí tjiín ngaꞌniú nga ka̱maa̱ sa̱ꞌín kui xaá.

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

Xota̱ Filipo̱ 4:18

Ngayeje ni xi kanangiyajnúꞌun je kiniꞌánkꞌasꞌienna, kó ngaskande tsꞌatio tjínna ngotꞌe̱. Epafronditoo̱ katsꞌénkꞌasꞌienna ni xi kanangiyajnúꞌun, kó kui nii̱ xi katsꞌéndo̱jò ni xi kamáchjiénna. Kuí nii̱ xi xikoó ngo kjo̱a̱nda xi tjiín nisije̱n, ngo kjo̱a̱tjó xi tsja maa̱ Néná nga kjíbé.