Xki̱ 14:9 - Xo̱jo̱n eén Néná

⁹ Ta̱nga ꞌniú ndikón nga ngata̱ kondra̱jín mindyiónjnúu̱ Néná, ti̱nde ngata̱ ndakonjínmájnú kjo̱a̱a̱ kui xota̱ xi síndo kui ngi̱ndiee̱ ngotꞌe̱. Niꞌínjín si̱ꞌaa̱n nga ku̱i̱xkánjo̱, ngatꞌa̱ kui xotaa̱ jmíjín xi ndyi̱koo̱n. Kó ñá tikónná kui Néná xi tsꞌénbosikójoná, kuíni nga, ¡ngata̱ ndakonjínmájnú!»

Xki̱ 14:9 ပူးပေါင်းရင်းမြစ်များ

Jenesii̱s 48:21

Jaskan Jakoo̱b, bi̱ katsoó Kosiee̱: —Jè ta̱ chiboa tsí ni̱xtjin chajana nga ko̱yà án, ta̱nga Néná kꞌuijñájo̱jnú, kó kuí boá xi kjo̱jo nginií nangii̱ na̱ꞌmindyiboáa.

Xo̱jo̱n Salmoo̱ 106:24

Ta̱nga kui xotaa̱ kamámejénjiín kui tꞌanangi xi Néná katsjaá, kó katsꞌénsꞌijinjín ni xi katsóyàtjón nga sa̱ꞌín.

Xo̱jo̱n Salmoo̱ 121:5

Néná boá xi tsꞌénkoón, Néná ngatsjéni̱xtjin nga ki̱a̱ tikóntꞌaa̱.

Xo̱jo̱n Salmoo̱ 14:4

A jmíjínrií kjo̱a̱niꞌánkjó ngayeje xota̱ xi tsꞌén ni xi ndajiín, kui xi tsꞌenkjié nga kjinie xota̱ na̱xi̱ńdána, xikoó tsi pan xi ndyi̱kjinie, kó a chji̱a̱jínrií Néná.

Xo̱jo̱n Salmoo̱ 46:11

Néná xí tsi̱ꞌe̱ jájuún kꞌi̱e̱ tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 46:7

Néná xí tsi̱ꞌe̱ jájuún ñá boá xi tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 46:8

¡Ndibájnú, kó tꞌíndikónjnú ni yiꞌi xi je katsꞌén Néná, jè íjñátiya ngayeje nga̱sondiee̱!

Xo̱jo̱n Salmoo̱ 74:14

Jí boá xi kiniꞌínkjítie ji to̱ko̱ cho̱ chꞌokjiꞌi xi ꞌmí Lebiataa̱n, kó yojoo̱ katseꞌée̱ nga iskjinie cho̱ tamá xí tjín ki̱a̱ nangi kixií.

Xo̱jo̱n Salmoo̱ 91:1

Kui xi tikón nga Néná xí tikón nkꞌajmii̱ skoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Éksondo̱ 14:13

Kó Moisee̱ bi̱ katsoó xota̱ na̱xi̱ńdaá: —¡Xió tindyiónjnú, kó ngata̱ ndakonjínmájnú! Ngata̱ nda̱jín májnú, ngatꞌa̱ sꞌe̱ xcha̱jnú nga Néná boá xi kꞌo̱xiéꞌájnú. Kui xota̱ Ejipto̱ xi ndyi̱yajnú ngotꞌe̱, nginijánjín xcha̱jnú, ngatꞌa̱ Néná boá xi skja̱n ngajojnú.

Éksondo̱ 33:16

Tꞌenje̱jne̱, kó skján ka̱majne̱ xikoó xota̱ na̱xi̱ńdá xí tjín kuí nga̱sondiee̱. Kótsꞌèn sku̱i̱e̱ni xota̱ Israee̱l nga ꞌnítakínní tsi kꞌuínje̱jínjne̱.

Xki̱ 13:30

Kó xotaa̱, tji̱e̱nmá ítsꞌi̱yanii̱ nga tsíchji̱a̱taꞌin kui jaá, ta̱nga Kalee̱b atíxomaa̱ nga xió kꞌuíndo, kó bi̱ katsoó: —¡Chjiéngá ku̱i̱xkántjé, tsi̱ꞌe̱ nga tsa̱ñá ka̱ma nga si̱ꞌán kuí ngi̱ndiee̱! ¡Ka̱máná si̱ꞌán kuí nii̱!

Xki̱ 17:6

Kósꞌe̱ Moisee̱ bi̱ katsoó xota̱ Israee̱l nga, nga ngo nga ngo ngito̱ko̱o̱ chjiéngá ko̱e̱je̱joo̱ ngo yánísié xi kjitꞌa jaꞌeén. Tiejó ka̱ma kui yánísieé, kó ti̱ ki̱a̱ kꞌuijñájin tsi̱ꞌe̱ Aaroo̱n nga.

Xki̱ 20:2

Kó nga kui ngi̱ndiee̱ jmí ndáfoa kisꞌiejín, xota̱ na̱xi̱ńdaá kamátikó kó chꞌo tsꞌén tsíchji̱a̱taꞌin Moisee̱ ko̱jo Aaroo̱n.

Xki̱ 24:8

»Néná boá xi tsꞌaxiéjnú ki̱a̱ nangi Ejipto̱ jún xota̱ Israee̱l. Ngo ngaꞌniú xi nde sꞌijinjín máná xi katsꞌénkjién nga tsꞌaxiéjnú, xikó maá ngaꞌniuú cho̱ búfalo̱. Ngotꞌe̱ ꞌne̱, si̱ꞌankjiejnú kondra̱jnú nga ku̱i̱xkánjo̱jnú, kó yáyojó si̱ꞌanꞌonnijnúu̱, kó chjátꞌójnú ńdaa̱.

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Xota̱ Roma̱ 8:31

Mí ni xi kꞌuín kjo̱a̱a̱ kui nii̱. Tsi Néná tikónjo̱ná, ꞌyá xi ka̱maa̱ kondra̱ná kꞌuijñá.

Ndeuteronomio̱ 1:26

»Ta̱nga jún, kandaꞌyáꞌénjínjnúu̱ ni xi atíxoma Néná, kó kamámejénjínjnú tsangínjnú.

Ndeuteronomio̱ 1:29

»Foaꞌátsjienna nga bi̱ kixianjnúꞌun: “¡Xió ti̱ndyiónjnú! ¡Ngata̱ ndakonjínmájnú!

Ndeuteronomio̱ 31:6

Chjiéngá ꞌniú ko̱jo chꞌokon ngatamajnú, ngatꞌa̱ Néná boá xi skja̱n ngajojnú, ngata̱ ndakonjínmájnúu̱ kui xota̱ na̱xi̱ńdaá, ngatꞌa̱ Néná jmíni̱xtjin ku̱i̱ꞌíjñámasienjnú».

Ndeuteronomio̱ 31:8

Ti̱ kuíní Néná xí ko̱e̱je̱tjoón, kó kuí boá xi ko̱síko̱joo̱ ngayeje ni xi si̱ꞌin ji, jmíni̱xtjin ku̱i̱ꞌíjñámasiee̱n. ¡Ngata̱ ndakinjín má, ꞌna̱xié ji kjo̱a̱tsiendikóo̱n!»

Ndeuteronomio̱ 32:42

¡Sa̱ꞌinkꞌandyi̱ mára an yáyojóna jiín kui xota̱ xi kꞌuíndo ꞌniuú! ¡Kotiesén mára an ngayeje ngito̱ko̱o̱ jájuún!

Ndeuteronomio̱ 7:18

Ta̱nga ngata̱ ndakonjínmájnú. Ngata̱ chíyájínjnú nga Néná katsꞌénjeé nda̱ ree̱ ko̱jo xotaa̱ nangi Ejipto̱.

Ndeuteronomio̱ 7:21

Kuíni nga, ngata̱ ndakonjínmájnú. Néná ki̱a̱ kjótsoꞌbájo̱jnú, kó ngayeje xi be ngaꞌniuú Néná ngaskande fotsié má.

Ndeuteronomio̱ 9:7

»Ngata̱chiíjín niꞌánchíyájnú kui nii̱: Ndeskande ni̱xtjin nga ikitjaxi̱e̱jnú nangi Ejipto̱, kó ngaskande ngotꞌe̱, ngatsjéni̱xtjin nga ndyi̱ndaꞌyáꞌénjínjnúu̱ Néná. Kjiꞌanga kixindyionjnú nangi kixií ko̱jo ki̱a̱ na̱xi̱ Oree̱b kiniꞌánxtíjnúu̱ Néná, kó katsꞌénkjó Néná nga sa̱ꞌínkjiéjnú.

Xota̱ Filipo̱ 1:27

Ta̱ kuí tsí nii̱ xi míꞌájnúꞌun: Ti̱ndyiónjnú xikótsꞌèn tsoboaá nga kꞌuíndo xota̱ je sꞌijii̱n éntjatsi̱e̱e̱ Kristoo̱. Kuíni nga tsi kjuínkátsijenjnúꞌun skuie an, kó tsi ki̱a̱jín kotíjña̱ an kuintꞌie an én xikótsꞌèn tindyiónjnú. ꞌNiú ti̱ndyiónjnú. Ngo tsí ni xi tjajintakónjnú. Ngo ndséje̱n ti̱ꞌangaꞌniújnú nga ku̱i̱xkántjéjnú kjo̱a̱sꞌijii̱n éntjatsi̱e̱e̱ Kristoo̱.