Xki̱ 14:4 - Xo̱jo̱n eén Néná

⁴ Kó ja̱kꞌi̱e̱ ja̱ngaján bi̱ katsoó xkjín: «¡Ngo ngito̱ko̱ chje̱ꞌéjin xi ngatjíjo̱ꞌoyá nginíná nangi Ejipto̱!»

Xki̱ 14:4 ပူးပေါင်းရင်းမြစ်များ

Xki̱ 11:20

Ngaskande ngo sá tsjàa̱ nga skji̱ni̱e̱ yojo, ngaskande nga kꞌo̱joo̱n nga skji̱ni̱e̱, ¡ngaskande nga ka̱ma tsꞌe̱e̱, ko̱jo ngaskande nga ṉtjo̱n kjo̱tjoni kui yojoo̱! »Kuí boá kui nii̱ xi ka̱majénií kjo̱a̱a̱ nga katsꞌénchꞌóna, kó nga kamábendikónjínna ngindyikónjnú. Kuí boá kui nii̱ xi ka̱maa̱ ta̱ngatꞌanii̱ nga bi̱ katsó: “¡Ta̱sara̱ nda ngase tsi ki̱a̱ kixindyión nangi Ejipto̱!”

Xki̱ 14:5

Kósꞌe̱ Moisee̱ ko̱jo Aaroo̱n kixindyiańña ngaskande nga kisitꞌaa̱ xtjien tꞌanangii̱ kje̱n nínga síndo xota̱ Israee̱l.

Rkaa̱ 17:32

Ngatjaꞌátsjienjnú ni xi kamaá chjo̱ón Loo̱t.

Ni xi kamá 7:39

Kó xota̱ tji̱e̱ xcháná tsintꞌiéꞌénjín, kó katsꞌénchꞌó Moisee̱ nga kui xi tikóntjón, kó ta̱sá kamámejeén nga ko̱e̱je̱ꞌoyá nginí nangi Ejipto̱,

Ndeuteronomio̱ 17:16

»Kui nda̱ re xi je kachjaꞌájii̱n, ka̱májín kjín ndi̱je̱ kꞌo̱tsie, ti̱nde ka̱májín ki̱a̱ ko̱e̱je̱kjaꞌá nangi Ejipto̱, ngatꞌa̱ Néná jè íchjáná nga ki̱a̱ kongín ngíñá kui na̱xi̱ńdaá.

Ndeuteronomio̱ 28:68

»Kó ndatsi Néná jè katsóyàtjón nga jmíni̱xtjin kongín nginíjnú ki̱a̱ nangi Ejipto̱, kuí boá xi sa̱ꞌín nga ngo tjotso je ku̱i̱ꞌíyájnú, kó kongín nginíjnú ki̱a̱a̱. Kó ki̱a̱ boá nínga ko̱ti̱ñájnú jún, xikoó ngo moso̱, ta̱nga nde ngojín xi ka̱mamejeén kꞌo̱tsiejnú».

Xota̱ Ebreo̱ 11:15

Ngatꞌa̱ tsi indyiáboaá yojoo̱ kjo̱a̱a̱ nangi nínga jatjoni, kamára̱ tsi ti̱ ki̱a̱ kijíꞌoyá nginí.