Xki̱ 13:2 - Xo̱jo̱n eén Néná

² «Nangíyé ji jáxíꞌín ki̱a̱ nangi Kanaa̱n tsi̱ꞌe̱ nga skotsíjee̱n nangi xi an tsjàa̱. Ngatjí ngo ngito̱ko̱o̱ nga ngo nga ngo xtín xota̱ tji̱e̱e̱».

Xki̱ 13:2 ပူးပေါင်းရင်းမြစ်များ

Éksondo̱ 18:25

Kó jaꞌájin Moisee̱ jáxíꞌín xi ka̱maa̱ ko̱síko̱jo, kó katsjáxaá nga kui xi sa̱ꞌíndajin kjo̱a̱xtii̱ xota̱ na̱xi̱ńdaá. Tjín xí ngo mi̱ xota̱ katsꞌénseén, tjín xí úchán katsꞌénseén, tjín xí ichítié katsꞌénseén, ko̱jo tjín xí tie xota̱ katsꞌénseén nga.

Xki̱ 1:4

ko̱jo ngito̱ko̱o̱ xtín xota̱ ndiꞌa, kui xi kꞌuíndotjoón nga ngo nga ngo xtín xota̱ tji̱e̱. Kuí bí xi̱ꞌbi̱ ngito̱ko̱o̱ xtín xota̱ ndiꞌa xi chjiéngá ko̱síko̱joo̱: Xi chji̱a̱ni xota̱ tji̱e̱e̱ Rubee̱n: Elisuu̱r ndií Sendeuu̱r. Xi chji̱a̱ni xota̱ tji̱e̱e̱ Simeoo̱n: Selumiee̱l ndií Surisandaii̱. Xi chji̱a̱ni xota̱ tji̱e̱e̱ Jundáa̱: Naasoo̱n ndií Aminandaa̱b. Xi chji̱a̱ni xota̱ tji̱e̱e̱ Isakaa̱r: Natanaee̱l ndií Suaa̱r. Xi chji̱a̱ni xota̱ tji̱e̱e̱ Sabuloo̱n: Eliaa̱b ndií Eloo̱n. Xi chji̱a̱ni xota̱ tji̱e̱e̱ Efraii̱n: Elisamaa̱ ndií Amiuu̱nd. Xi chji̱a̱ni xota̱ tji̱e̱e̱ Manasee̱: Ngamaliee̱l ndií Pendasuu̱r. Xi chji̱a̱ni xota̱ tji̱e̱e̱ Benjaa̱: Abindaa̱n ndií Ngindonii̱. Xi chji̱a̱ni xota̱ tji̱e̱e̱ Ndaa̱n: Ayiesee̱r ndií Amisandaii̱. Xi chji̱a̱ni xota̱ tji̱e̱e̱ Asee̱r: Pangiee̱l ndií Okraa̱n. Xi chji̱a̱ni xota̱ tji̱e̱e̱ Ngaa̱nd: Eliasaa̱f ndií Reuee̱l. Xi chji̱a̱ni xota̱ tji̱e̱e̱ Neftalii̱: Ayiraa̱ ndií Enaa̱n».

Xki̱ 11:16

Kó Néná bi̱ katsoó Moisee̱: —Tꞌítikí jí ngi̱jii̱n xota̱ na̱xi̱ńdaá ichítié ko̱jo kan xota̱ xi xchá xí ngito̱ko̱. Tꞌenje̱ ji ki̱a̱ ndiꞌandikoón, kó ki̱a̱ nga koyara.

Xki̱ 13:16

Kó Oseaa̱, kui xi ndií Nuu̱n, Moisee̱ asíkjoo̱ jaꞌeén kó “Josue̱” ítꞌajaꞌén. Sꞌe̱ jaskan Moisee̱ katsangiya kui já ngito̱ko̱o̱ xota̱ Israee̱l nga kijíkatsijen nangi Kanaa̱n, kó bi̱ katsoó: «Tangínjnú xtji̱e̱e̱n nangi kixií, ngaskande nga kjóchójnú na̱xi̱i̱.

Xki̱ 13:3

Kó kuíni nga Moisee̱ ndeskande nangi kixií nangi Paraa̱n katsangiyani tiejó ngito̱ko̱o̱ xota̱ Israee̱l, xikó má katsoó Néná nga sa̱ꞌín.

Xki̱ 32:8

Bo̱a̱ má katsꞌén xota̱ xi xchájnú nga tjón tjón nga. Kjiꞌanga katsangiya an ndeskande Kandee̱-Barnea̱ nga kijíkatsijenꞌmá kui ngi̱ndiee̱, jachó ngaskande xo̱ngàndántꞌié Eskoo̱l. Sꞌe̱ jaskan jeꞌe kꞌi̱e̱e̱ nga jeꞌekoón xota̱ Israee̱l tsi̱ꞌe̱ nga sa̱ꞌínkjiékjo̱a̱, kó nga kjo̱a̱ꞌajín nangi xi Néná je katsóyàtjoón nga tsja̱á.

Xki̱ 34:18

Kó chjiéngá ku̱i̱chji̱a̱a̱, tsi̱ꞌe̱ nga ko̱síko̱jo, kui já ngito̱ko̱o̱ xota̱ tji̱e̱e̱ xi̱ꞌbi̱: Kalee̱b, xi chji̱a̱ni xota̱ tji̱e̱e̱ Jundáa̱, Samuee̱, xi chji̱a̱ni xota̱ tji̱e̱e̱ Simeoo̱n, Elindaa̱nd, xi chji̱a̱ni xota̱ tji̱e̱e̱ Benjaa̱, Bukii̱, xi chji̱a̱ni xota̱ tji̱e̱e̱ Ndaa̱n, Aniee̱l, xi chji̱a̱ni xota̱ tji̱e̱e̱ Manasee̱, Kemuee̱l, xi chji̱a̱ni xota̱ tji̱e̱e̱ Efraii̱n, Elisafaa̱n, xi chji̱a̱ni xota̱ tji̱e̱e̱ Sabuloo̱n, Palatiee̱l, xi chji̱a̱ni xota̱ tji̱e̱e̱ Isakaa̱r, Ayiuu̱d, xi chji̱a̱ni xota̱ tji̱e̱e̱ Asee̱r, ko̱jo Pendaee̱l, xi chji̱a̱ni xota̱ tji̱e̱e̱ Neftalii̱».

Ndeuteronomio̱ 1:15

Kuíni nga jaꞌajin an jáxíꞌín xi ꞌniú chji̱ni̱e̱ ngase, ko̱jo xi je ꞌniú be ni xi sa̱ꞌín, kó kuí boá xi indo an nga kui xi ka̱ma ngito̱ko̱jnú. Tjín xí kisꞌiee̱ xá nga sa̱ꞌínseén ngo mi̱ xota̱, kje̱ꞌe xí úchán xota̱ katsꞌénseén, kje̱ꞌe xí ichítié xota̱ katsꞌénseén, kje̱ꞌe xí tie xota̱ katsꞌénseén. Tjín xí indo an nga kui xi ka̱ma ngito̱ko̱o̱ ngo ndo̱jò xtín xota̱ tji̱e̱.