Xki̱ 12:2 - Xo̱jo̱n eén Néná

² Kó bi̱ katsó: «A ta̱ Moisee̱ tsí xi tsíchji̱a̱jo Néná. Ko̱jo ñá boá xi tsíchji̱a̱joná nga». Kó Néná tsintꞌieé ni xi katsó,

Xki̱ 12:2 ပူးပေါင်းရင်းမြစ်များ

Jenesii̱s 29:33

Jaskan ti̱ tsaꞌa nginí ingo ndí na̱ Liyaa̱, kó nga katsen kui ndí xí ma joó, bi̱ katsó: «Néná boá xi katsjána kui ndií nga, ngatꞌa̱ tsintꞌié nga tjójiín an xi̱ꞌinna». Kó kuíni nga Simeo̱n ítꞌajaꞌén, ngatꞌa̱ kui jaꞌeén «Néná ntꞌié» tsó.

Éksondo̱ 4:14

Kósꞌe̱ Néná katsꞌénxchánjo̱ Moisee̱ nga bi̱ katsoó: —¡Ja̱ ki̱a̱ tikón ntsꞌie ji xi ꞌmí Aaroo̱n, kui chináꞌmi xi chji̱a̱ni xota̱ tji̱e̱e̱ Lebii̱! Achichí nda maa̱ chji̱a̱ kui, kó maa̱ tsꞌénꞌíndakon xotaa̱, jè tsꞌénfíkjaꞌáyíndi̱ya̱à, kó achichí tsjá ka̱maa̱ nga sku̱i̱e̱e̱ ji.

Éksondo̱ 4:30

kó Aaroo̱n tsíchji̱a̱jo kui xotaa̱ kjo̱a̱a̱ kui ni xi Néná katsóyaà Moisee̱, kó Moisee̱ katsꞌén kui chi̱bo̱a̱ xi katsjaá Néná nga sa̱ꞌín.

Éksondo̱ 5:1

Moisee̱ ko̱jo Aaroo̱n jaskan ngije tsíchji̱a̱jo xota̱ Israee̱l, kijíkoón nda̱ ree̱ nangi Ejipto̱, kó bi̱ katsoó: —Ne xi tsi̱ꞌe̱ xota̱ Israee̱l ngo én katsangiyaa ji nda̱ re, kó bi̱ tsó: “Te̱ꞌéndièe̱ nga kjo̱tjo xota̱ na̱xi̱ńdána tsi̱ꞌe̱ nga sa̱ꞌínna ngo sꞌué ki̱a̱ nangi kixií”.

Éksondo̱ 7:10

Kó bo̱a̱ tsꞌén Moisee̱ ko̱jo Aaroo̱n kijíkoón nda̱ ree̱ nangi Ejipto̱. Kó kjiꞌanga nda̱ ree̱ tsíꞌaá nga ko̱kó ngaꞌniú xí tjiín, kui jaá katsꞌén ni xi katsoó Néná nga sa̱ꞌín. Aaroo̱n tsꞌajmi tꞌanangi yánísieé ngindyi̱ko̱n nda̱ ree̱ ko̱jo mosoo̱, kó kui yánísieé ye̱ kamá.

Énkjínkón 13:10

Kjo̱a̱nkꞌakoo̱n ta̱ kjo̱a̱xti tsí xi ꞌboxié, kó xota̱ xi ni̱ma̱kjo̱a̱a̱ boá xi tjiín kjo̱a̱kjínkón.

Xki̱ 11:1

Xota̱ Israee̱l ngatsjéni̱xtjin nga Néná katsóyaà kjo̱a̱a̱ kjo̱a̱xti xi kisꞌiee̱. Kjiꞌanga Néná tsintꞌié ni xi katsó, achichí katsꞌénxchán, kó Néná ngo ndiꞌí ítsié nga ngo foaꞌatjiyajoo̱n nínga síndo ndiꞌaa̱ xotaa̱.

Xki̱ 11:29

Ta̱nga Moisee̱ bi̱ katsoó: —Ngata̱ ma chi̱ni̱jín ji, ti̱nde ngata̱ maꞌontakínjín ji. Achichíra̱ ndakjiꞌi tsi ngayeje xota̱ na̱xi̱ńdaá Néná sa̱ko̱ó kui a̱si̱énni̱xtjii̱n, kó nga ka̱maa̱ ku̱i̱chji̱a̱ én xí Néná tsjá.

Xki̱ 12:3

kó tsjajín kamaá ni xi tsintꞌié, ngatꞌa̱ Moisee̱ kuí boá xi ꞌniú ni̱ma̱kjo̱a̱ ngi̱jii̱n ngayeje xota̱ xi tjín nga̱sondiee̱.

Xki̱ 16:3

Kó Koree̱ ko̱jo xota̱ xi nijan majo̱ kijíkoón Moisee̱ ko̱jo Aaroo̱n, kó bi̱ kijítsoó: —¡Jè tsꞌajónjne̱ nga jún xi kjimajnú ngito̱ko̱jne̱! Néná tikónjo̱ ngayeje xota̱ na̱xi̱ńdaá, kó ngayeje ñá nga jè jaꞌájinná tsi̱ꞌe̱ nga si̱ꞌán xaá. Kó míkjo̱a̱a̱ nga jún mejénjnú si̱ꞌánjnú ngayeje nii̱.

Xota̱ Roma̱ 12:10

Ja̱kꞌi̱e̱ ja̱ngaján ti̱ꞌantjójnú xingi̱jnú xikoó tsi ngo ntsꞌiejnú, ngatꞌa̱ ntsꞌié májnú, kó cha̱ndikón ngasejnú xingi̱jnú.

Xota̱ Roma̱ 12:3

Kuí nii̱ xi xian an kjo̱a̱a̱ ngayeje kjo̱a̱nda xi katseꞌéna, míꞌájnúꞌun nga jejín ꞌnaxié ngasejnú yojojnú, ta̱sá ti̱ juún ti̱ꞌankjó cha̱n cha̱njnú xikó kjiꞌi kjo̱a̱sꞌijin xi katsjájnú Néná nga ngo nga ngojnú.

Xota̱ Filipo̱ 2:14

Ti̱ꞌánjnú ngayeje nii̱, kó nga ndokjo̱a̱taꞌínjínjnú xingi̱jnú, ti̱nde ngata̱ ndokjo̱a̱tijínjnú.

Xota̱ Filipo̱ 2:3

Ngata̱ ngojín nii̱ xi niꞌánjnú tsi kjo̱a̱a̱ nga ku̱i̱tjátjónjnú, ko̱jo tsi kjo̱a̱a̱ nga kjo̱a̱nkꞌatakón, ta̱sá ni̱ma̱kjo̱a̱ ngatamajnú xikoó tsi nkꞌa ngase tꞌíjñájnú xota̱ xi ngasee̱.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.