Xki̱ 11:18 - Xo̱jo̱n eén Néná

¹⁸ Sꞌe̱ jaskan Néná bi̱ katsoó Moisee̱: —Bo̱a̱ tꞌíi̱n xota̱ na̱xi̱ńdaá nga ndyiojón skji̱ni̱e̱ yojo, ta̱nga chjiéngá sa̱ꞌíntsjiemára yojoo̱. Bo̱a̱ tꞌíi̱n nga jè tsintꞌie an nga ndyi̱kjandà kó jè tsintꞌie an ni xi ndyi̱chji̱a̱ nga bi̱ ndyi̱tsó: “¡Yojo xí mejénjne̱ xi̱ni̱e̱ji̱n! ¡Nda ngase kixindyionjne̱ nangi Ejipto̱!” »Án boá xi tsjàa̱ yojo xi skji̱ni̱e̱.

Xki̱ 11:18 ပူးပေါင်းရင်းမြစ်များ

Jenesii̱s 35:2

Kósꞌe̱ Jakoo̱b, bi̱ katsoó xota̱ xkjín ko̱jo xi ki̱a̱ síndojo̱: «Tꞌíndomasienjnú kui ni xi ne ndyi̱ꞌmìjnúu̱ xi síndojnú, sꞌe̱ jaskan ti̱ndáyájnú kó tasíkjojnú ńjñojnú,

Joo̱b 20:13

tsi nda kamaá ni xi ndajín xi katsꞌén, nde íjñámasienjín kui nii̱, ta̱sá to̱kó ndyi̱tomójónra̱.

Joo̱b 20:23

Kjiꞌa má nga skji̱ni̱e̱ nichinie, nga Néná ꞌniú sa̱ꞌínxchán, kó ki̱a̱ kꞌo̱kanieé kjo̱a̱xcha̱án.

Xo̱jo̱n Salmoo̱ 78:20

Ja̱koxi̱ boá nga ngo ndi̱jo̱je yeꞌeé, kó jatjoo̱ ndáfoa xi ta̱nisién tsie, ta̱nga, a ka̱márií tsjáná pan ko̱jo tsi yojo, tsi̱ꞌe̱ nga skji̱ni̱e̱ xota̱ na̱xi̱ńdaá»

Éksondo̱ 19:10

»Mejénna nga kꞌuíchíi̱n xota̱ na̱xi̱ńdaá, kó tꞌíndendé jí tsi̱ꞌe̱ nga sa̱ꞌíndikónna ngotꞌe̱ ko̱jo ndyiojón. Tatíxomée̱ nga ko̱nié ńjñoo̱, tsi̱ꞌe̱ nga sa̱ꞌíntsjie yojoo̱, kó ngatꞌíndonda tsi̱ꞌe̱ nga sa̱ꞌíntsjána ngii̱, ngatꞌa̱ kuí ni̱xtjii̱n nga kokòo̱ yojona ki̱a̱ na̱xi̱ Sinaii̱.

Éksondo̱ 19:15

Jaskan Moisee̱, bi̱ katsoó: «Jún chjiéngá ku̱i̱ndyiondajnú ngatꞌa̱ ngii̱ si̱ꞌantsjajnúu̱ Néná. Kuíni nga chjiéngá ku̱i̱ndyionxónjnú nga ján kui ni̱xtjii̱n, jmíjín xi ínchjín sa̱ꞌínjo̱».

Éksondo̱ 19:22

Kó ngaskande chináꞌmi xi kji̱ndi̱bákón tiñana, chjiéngá ku̱i̱ꞌíjñanda mára yojoo̱, ngatꞌa̱ tsájmi̱ ko̱yà ndatsa kui nga.

Xki̱ 11:1

Xota̱ Israee̱l ngatsjéni̱xtjin nga Néná katsóyaà kjo̱a̱a̱ kjo̱a̱xti xi kisꞌiee̱. Kjiꞌanga Néná tsintꞌié ni xi katsó, achichí katsꞌénxchán, kó Néná ngo ndiꞌí ítsié nga ngo foaꞌatjiyajoo̱n nínga síndo ndiꞌaa̱ xotaa̱.

Xki̱ 11:19

Kó jmí tsi ta̱ ngo tsí ni̱xtjin, ko̱jo tsi ta̱ jó tsí, ko̱jo tsi ta̱ ún tsí, ko̱jo tsi ta̱ tie tsí, ko̱jo tsi ta̱ kan tsí ni̱xtjin.

Ni xi kamá 7:39

Kó xota̱ tji̱e̱ xcháná tsintꞌiéꞌénjín, kó katsꞌénchꞌó Moisee̱ nga kui xi tikóntjón, kó ta̱sá kamámejeén nga ko̱e̱je̱ꞌoyá nginí nangi Ejipto̱,