Xki̱ 11:16 - Xo̱jo̱n eén Néná

¹⁶ Kó Néná bi̱ katsoó Moisee̱: —Tꞌítikí jí ngi̱jii̱n xota̱ na̱xi̱ńdaá ichítié ko̱jo kan xota̱ xi xchá xí ngito̱ko̱. Tꞌenje̱ ji ki̱a̱ ndiꞌandikoón, kó ki̱a̱ nga koyara.

Xki̱ 11:16 ပူးပေါင်းရင်းမြစ်များ

Jenesii̱s 46:27

Ichítié ko̱jo kan kamá ngayeje xota̱ xi jachó nangi Ejipto̱ xi chji̱a̱ni xota̱ tji̱e̱e̱ Jakoo̱b, ta̱nga kjiyaxki̱ kꞌi̱e̱e̱ nga jó ndí xí kisꞌiee̱ Kosiee̱ ki̱a̱ nangi Ejipto̱.

Éksondo̱ 18:25

Kó jaꞌájin Moisee̱ jáxíꞌín xi ka̱maa̱ ko̱síko̱jo, kó katsjáxaá nga kui xi sa̱ꞌíndajin kjo̱a̱xtii̱ xota̱ na̱xi̱ńdaá. Tjín xí ngo mi̱ xota̱ katsꞌénseén, tjín xí úchán katsꞌénseén, tjín xí ichítié katsꞌénseén, ko̱jo tjín xí tie xota̱ katsꞌénseén nga.

Éksondo̱ 24:1

Néná bi̱ katsoó Moisee̱: «Mejénna nga kji̱ndi̱bénijíngí ji kui na̱xi̱i̱, tsi̱ꞌe̱ nga kꞌi̱e̱ ko̱ndókjo̱e̱jení. Ka̱ma kji̱ndi̱béje̱ ji Aaroo̱n, ko̱jo Nandaa̱b, ko̱jo Abiuu̱, ko̱jo ichítié ko̱jo kan xota̱ ngito̱ko̱o̱ na̱xi̱ńdá Israee̱l. Ta̱nga ka̱májín kji̱ndi̱bá boaꞌá kui xotaa̱ nínga tikòn an. Ta̱ jí tsí xi ka̱ma kji̱ndi̱béchin tiñaní. Nga kjóchójnú, mejénna nga ta̱ kjin ko̱si̱e̱nnijnú tikójnú. Ta̱nga ka̱májín kji̱ndi̱bá ngase kje̱ꞌe xota̱ kꞌi̱e̱e̱».

Éksondo̱ 24:9

Kó Moisee̱ kijínijíngí nginí kui na̱xi̱i̱ ko̱jo Aaroo̱n ko̱jo Nandaa̱b, ko̱jo Abiuu̱ ko̱jo kui xi ichítié ko̱jo kan ngito̱ko̱o̱ xota̱ Israee̱l.

Éksondo̱ 4:29

Kósꞌe̱ nga joó kijí, kó ítikó ngayeje ngito̱ko̱o̱ xota̱ Israee̱l,

Xki̱ 11:24

Kó Moisee̱ kijítsáyaá xota̱ na̱xi̱ńdaá ni xi katsó Néná. Sꞌe̱ jaskan ítikó ichítié ko̱jo kan já ngito̱ko̱, kó ki̱a̱ índo nga ngo foaꞌatjiyajoo̱n ndiꞌandikoón.

Xki̱ 16:25

Kó Moisee̱ jastjíe̱n, kó kijí nínga tikón Ndataa̱n ko̱jo Abiraa̱n. Ki̱a̱ nijan kijíjo̱ xota̱ xi xchá xí ngito̱ko̱o̱ xota̱ na̱xi̱ńdaá.

Rkaa̱ 10:1

Jaskan ngije kamá kui nii̱, Ndi̱a̱ná bo̱a̱ ti̱ tsꞌén jaꞌájin ngi ichítié ko̱jo kan jó já, kó jó jó katsangiyatjón ngayeje na̱xi̱ńdá nínga ko̱e̱je̱ kui.

Rkaa̱ 10:17

Kó achichí tsja kamaá nga jeꞌe nginí já xí ichítié ko̱jo kan joó, kó bi̱ katsó: –¡Ndi̱a̱, ngaskande xindajín ntꞌiéꞌénjne̱ nga ndokjo̱a̱jne̱ jaꞌée̱n!

Ndeuteronomio̱ 1:15

Kuíni nga jaꞌajin an jáxíꞌín xi ꞌniú chji̱ni̱e̱ ngase, ko̱jo xi je ꞌniú be ni xi sa̱ꞌín, kó kuí boá xi indo an nga kui xi ka̱ma ngito̱ko̱jnú. Tjín xí kisꞌiee̱ xá nga sa̱ꞌínseén ngo mi̱ xota̱, kje̱ꞌe xí úchán xota̱ katsꞌénseén, kje̱ꞌe xí ichítié xota̱ katsꞌénseén, kje̱ꞌe xí tie xota̱ katsꞌénseén. Tjín xí indo an nga kui xi ka̱ma ngito̱ko̱o̱ ngo ndo̱jò xtín xota̱ tji̱e̱.

Ndeuteronomio̱ 16:18

»Néná tsja̱á na̱xi̱ńdáꞌniú nga ngo nga ngo tji̱e̱e̱ xotaa̱, kó nga ngo nga ngo kui na̱xi̱ńdáꞌniuú ko̱e̱ꞌéxaá ne ndiꞌa masien ko̱jo xota̱xá, kui xi chjiéngá ndse̱je̱n sa̱ꞌínseén ngayeje xotaa̱. Kuí boá xi ko̱tíxoma, kó kuí boá xi skotsíjee̱n tsi nda ko̱jo tsi ndajín ndyi̱tsꞌèn xota̱ na̱xi̱ńdaá nga kixi̱ sa̱ꞌín xaá, ka̱májín skjíbéngí to̱n tsi̱ꞌe̱ nga ngo ni sa̱ꞌín ngandaa̱ ngo xota̱. Kjiꞌanga tjín xí skjíbéngí ngo to̱n, kuí nii̱ xi tsꞌén nga kui xota̱ xi kjínkón ko̱jo xi kixi̱i̱, xota̱ xi kixi̱jín má ngijee̱.

Ndeuteronomio̱ 31:28

»Kuíni ngotꞌe̱ maá tꞌítikójnú xota̱ ngito̱ko̱o̱ na̱xi̱ńdaá ko̱jo ngito̱ko̱o̱ xota̱ tji̱e̱e̱, tsi̱ꞌe̱ nga nda má kꞌuijñá tsijen tsijen an kui nii̱: Án boá xi je katsꞌenkꞌasꞌienjnúꞌun kjo̱a̱bokoyaá Néná. Kjo̱a̱a̱ kui nii̱, ndiꞌakꞌajmii̱ ko̱jo tꞌanangii̱ boá xi chistiko̱.