Xki̱ 11:12 - Xo̱jo̱n eén Néná

¹² ¡Jmí tsi ndína má kui xotaa̱! ¡Jmí kjo̱a̱jín nga an koaꞌanijín an nga kjuínjo̱ an ki̱a̱ nangi xi ji ko̱e̱ꞌée̱!

Xki̱ 11:12 ပူးပေါင်းရင်းမြစ်များ

Jenesii̱s 13:15

Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Éksondo̱ 13:11

»Kó ngije Néná katsꞌénkꞌasꞌienjnú nangi Kanaa̱n, kui ngi̱ndie xi katsoó xota̱ xi xchájnú,

Éksondo̱ 33:1

Néná bi̱ katsoó Moisee̱: «Tja̱tje ji kui ngi̱ndiee̱, kó tꞌenje̱ ji xota̱ na̱xi̱ńdá xí kaꞌnaxié ji nangi Ejipto̱, ki̱a̱ tꞌanangi xi ji tsjaa kixiáa̱n Abraa̱n, ko̱jo Isaa̱, ko̱jo Jakoo̱b. Án boá xi ja̱koxi̱ boá nga tsjàa̱ xota̱ tji̱e̱ tse̱ kixiáa̱n. ¡Achichí nda kui tꞌanangii̱, nínga tjín tsie ni xi ma chinie! An sangiya an ndítsjiena tsi̱ꞌe̱ nga ko̱e̱je̱tjoón, kó kꞌoxié an kui ngi̱ndiee̱ ngayeje xota̱ na̱xi̱ńdá xi ntꞌiéꞌénjínna. »Bo̱a̱ tꞌíi̱n xota̱ Israee̱l nga kjuínjo̱jín an, ngatꞌa̱ jè achichí kitikjo̱a̱ kamá, kó tsi sa̱ꞌínjé nginí, tsi ndajín ni̱xtjin, sa̱ꞌinkjié an ngi̱ya ndi̱ya̱à. Tji̱e̱n ngatjaꞌáxínra ngayeje ni tsjakon xi tsꞌénkjién nga bónda yojoo̱. Ngi̱chí sájín, án xí be an kóra̱ sa̱ꞌìi̱n kui nii̱». Ngije bo̱a̱ katsoó Moisee̱, xota̱ Israee̱l achichí ndasen kisꞌińdo, ngatꞌa̱ Néná ꞌniú katsꞌénxchánjo̱. Kó ti̱ kjiꞌa ingojín xi katsꞌénkjién ngase ni xi tsꞌénkjién nga bónda yojoo̱.

Juaa̱ 10:11

Án boá kui nda̱ nda xi koo̱n cho̱tsa̱nga̱a̱, kó kui nda̱ nda xi koo̱n cho̱tsa̱nga̱a̱, tsja̱a yojoo̱ ta̱ngatꞌanii̱ cho̱tsa̱nga̱a̱,

1 Xota̱ Korinto̱ 4:15

Ngatꞌa̱ ndatsi tie mi̱ mostro̱ xi ko̱kóyájnú eén Kristoo̱, ta̱ ngo tsí na̱ꞌmi tikónjnú, ngatꞌa̱ an xí xikoó tsi na̱ꞌmijnú má an nga kixiyajnúꞌun éntjatsi̱e̱e̱ Kristoo̱, kui én xí katsjájnú kjo̱a̱mindyioo̱n.

Xota̱ Ngalasia̱ 4:19

Tjóna jún xikó maá tsi ndína ma jún, ta̱nga tji̱e̱nga bo̱a̱jín tsꞌén tindyiónjnú xikoó Kristoo̱, tsꞌénfoaꞌatio an kjo̱a̱ni̱ma̱ xikó maá tsi̱ndi̱o̱o̱ ngo na̱an xi ndí tsꞌén beꞌé.

Ndeuteronomio̱ 1:31

Kuí boá xi jeꞌejo̱ná ngaskande kꞌi̱e̱e̱, xikó maá tsi yinkꞌáná, kó ngaskande ngotꞌe̱ ꞌne̱ jmí ni kjimajínná. Kuí boá xi na̱ꞌminá ngotꞌe̱”.

1 Xota̱ Tesalónika̱ 2:7

Ta̱nga ta̱sá tjó kiniꞌánjo̱jne̱ jún, xikó maá ngo na̱an xi tsꞌénxchá, ko̱jo xi koo̱n ndií.