Xki̱ 10:9 - Xo̱jo̱n eén Néná

⁹ »Kjiꞌanga kꞌuié ngo kjo̱a̱xchán, kó nga jún chjiéngá kongín ku̱i̱xkánjnú, ti̱ꞌankjaniéjnú tjioo̱, kó ngayeje ngaꞌniújnú nga chaꞌayàjnú. Kósꞌe̱ kjiꞌá boá nga an xi Nejnú kjo̱a̱ꞌátsjienna jún, kó kꞌoxiéꞌájnúꞌun ngi̱ya tsja kondra̱jnú.

Xki̱ 10:9 ပူးပေါင်းရင်းမြစ်များ

Jenesii̱s 8:1

Ti̱chaa̱n jachó ni̱xtjin nga Néná katsꞌénkjó ni xi índajo̱ Noee̱, ko̱jo ngayeje cho̱ xi ma ꞌbítji̱e̱e̱, ko̱jo cho̱ kꞌijñá xi nijan síndojo̱ ngi̱ya tjotso xi ta̱nisién ꞌniú jee̱, kuíni nga Néná katsꞌénkjaꞌa ngo tjo̱ꞌniú, kósꞌe̱ jaꞌajen ndáfoaa̱.

Xo̱jo̱n Salmoo̱ 106:4

Ji Ne, ngatjaꞌátsjiee̱n an kjiꞌanga ko̱kée̱ kjo̱a̱ndaxota̱a̱ kui xota̱ na̱xi̱ńdáa̱, chꞌi̱e̱xki̱ní kjiꞌanga kji̱ndi̱bé ꞌnaxiéꞌéjne̱.

Xo̱jo̱n Salmoo̱ 136:23

Néná katsꞌénchíyájínjne̱, kjiꞌanga kamábe nga tjíniꞌánchajajne̱. ¡Ngatꞌa̱ Néná ngatsjéni̱xtjin nga tjoó ji̱n!

Lebitiko̱ 23:24

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Ni̱xtjin tjoón sá xí ꞌmí Etanii̱n, ti̱ꞌankjaꞌyájnú, kó ngo sꞌué xí ꞌniú ti̱ꞌánjnú. Kui ni̱xtjii̱n ngojín xota̱ xi síndo Israee̱l xi sa̱ꞌínxá, chjiéngá ka̱matikójnú ngayejejnú, tsi̱ꞌe̱ nga an si̱ꞌandikónjnúꞌun. Kó ti̱ꞌankjaniéjnú tjioo̱, kó tꞌítíjnú ngo kjo̱a̱tjó nganda tsa̱ꞌa̱n ki̱a̱ nga̱són ṉchanna».

Xki̱ 31:6

Moisee̱ katsangiya ngi̱jii̱n kjo̱a̱xcha̱án, kó katsꞌénkjíjo̱ Finee̱, kui xi ndií chináꞌmi Eleasaa̱. Finee̱ tsaꞌa ni ndikoón Néná ko̱jo tjioo̱, tsi̱ꞌe̱ nga kui xi tsja̱á ngo chi̱bo̱a̱ jájuún nga skjánjo̱ kui xotaa̱.

1 Xota̱ Korinto̱ 14:8

Kó tsi tjio xi fonie nga ma kjo̱a̱xcha̱án ndajín tsꞌén kjo̱ni̱e̱, nde ngojín xi ku̱i̱ꞌíjñanda yojoo̱ tsi̱ꞌe̱ nga ko̱e̱je̱ kjo̱a̱xcha̱án nga ko̱ndókjo̱a̱a̱.

Ndeuteronomio̱ 20:1

Moisee̱ bi̱ katsó ngasee̱ xota̱ na̱xi̱ńdaá: «Kjiꞌanga kongínjnú kjo̱a̱xchán, ngata̱ ndakonjínmájnú. Ndatsi kondra̱jnú ꞌniú ngase ko̱jo tsi kjín ngase ma, ko̱jo tsi kjín ndi̱je̱, ko̱jo karroo̱ kjo̱a̱xchán tjiín, jmí ndasénjín, ngatꞌa̱ ñá tikónná ngo Néná xi katsꞌéndéná ki̱a̱ nangi Ejipto̱.