Xki̱ 10:10 - Xo̱jo̱n eén Néná

¹⁰ »Ti̱ ti̱ꞌankjaniéjnú tjioo̱ nga ni̱xtjii̱n sꞌué, ko̱jo nga ꞌbítsi̱yanii̱ saá, ko̱jo nga si̱ꞌankꞌasꞌienjnúꞌun ngo kjo̱a̱tjó. Kjiꞌanga bo̱a̱ si̱ꞌánjnú, an kjo̱a̱ꞌátsjienna jún».

Xki̱ 10:10 ပူးပေါင်းရင်းမြစ်များ

Xo̱jo̱n Salmoo̱ 150:3

¡Ti̱ꞌantsjàjnúu̱ nga si̱ꞌankjaniéjnú tjioo̱! ¡Ti̱ꞌantsjàjnúu̱ nga si̱ꞌankjaniéjnú salterioo̱ ko̱jo arpaa̱!

Xo̱jo̱n Salmoo̱ 81:3

Ti̱ꞌankjaniéjnú tjioo̱ kjiꞌanga si̱ꞌánjnú sꞌué nga chjindié saá, ko̱jo nga si̱ꞌánjnú sꞌué nga ńtsó saá, ko̱jo ni̱xtjin nga si̱ꞌán sꞌué ndikónná.

Xo̱jo̱n Salmoo̱ 81:4

Ngatꞌa̱ kjo̱a̱kiti boá kui nii̱ tsi̱ꞌe̱ xota̱ Israee̱l, kó Nee̱ Jakoo̱b boá xi bo̱a̱ tsꞌén atíxoma.

Xo̱jo̱n Salmoo̱ 89:15

¡Achichíra̱tsjaa̱ xota̱ na̱xi̱ńdá xí maa̱ chaꞌayátsjá, kui xi kꞌuimá ki̱a̱ nínga sa̱ꞌíntsijee̱n ndiꞌíi̱!

Éksondo̱ 28:29

»Kó xki̱ nga ko̱e̱je̱ Aaroo̱n ngindyikón án, chjiéngá ko̱a̱ja̱ kui ńjño xi fotꞌa ni̱se̱e̱n, kó bo̱a̱ tsꞌén nga ki̱a̱ xtji̱e̱e̱n nga̱són ni̱se̱e̱n kjótꞌa jaꞌeén tji̱e̱e̱ xota̱ Israee̱l, tsi̱ꞌe̱ nga ngatsjéni̱xtjin kjo̱a̱ꞌátsjienna. Kó ngataꞌa ngo ndí stsa nínga ndyi̱a̱ Urii̱n ko̱jo Tumii̱n, nga jó kui ndi̱jo̱o̱ xi sa̱ꞌínkjién tsi̱ꞌe̱ nga sku̱i̱e̱ ni xi mejénna sa̱ꞌin an.

Éksondo̱ 30:16

»Ngayeje to̱ntiboa xi sa̱ꞌínkꞌasꞌien xota̱ Israee̱l, ji si̱ꞌinkꞌasꞌíi̱n chináꞌmii̱ tsi̱ꞌe̱ nga ki̱a̱ ku̱i̱ꞌíchjíní to̱n xi machjieén nga niꞌántsjána ki̱a̱ ndiꞌandikoón. Bo̱a̱ tsꞌén nga kjo̱a̱ꞌátsjienna nga xota̱ Israee̱l je íchjína, kó nga ka̱májín sa̱ꞌinkꞌién an».

Lebitiko̱ 23:24

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Ni̱xtjin tjoón sá xí ꞌmí Etanii̱n, ti̱ꞌankjaꞌyájnú, kó ngo sꞌué xí ꞌniú ti̱ꞌánjnú. Kui ni̱xtjii̱n ngojín xota̱ xi síndo Israee̱l xi sa̱ꞌínxá, chjiéngá ka̱matikójnú ngayejejnú, tsi̱ꞌe̱ nga an si̱ꞌandikónjnúꞌun. Kó ti̱ꞌankjaniéjnú tjioo̱, kó tꞌítíjnú ngo kjo̱a̱tjó nganda tsa̱ꞌa̱n ki̱a̱ nga̱són ṉchanna».

Xki̱ 10:9

»Kjiꞌanga kꞌuié ngo kjo̱a̱xchán, kó nga jún chjiéngá kongín ku̱i̱xkánjnú, ti̱ꞌankjaniéjnú tjioo̱, kó ngayeje ngaꞌniújnú nga chaꞌayàjnú. Kósꞌe̱ kjiꞌá boá nga an xi Nejnú kjo̱a̱ꞌátsjienna jún, kó kꞌoxiéꞌájnúꞌun ngi̱ya tsja kondra̱jnú.

Xki̱ 28:11

»Kó ko̱jo kui kjo̱a̱tjó xi je sa̱ꞌínkꞌasꞌienna ndyiojón ndyiojón, xki̱ ni̱xtjin tjoón nga ngo nga ngo saá, sa̱ꞌínkꞌiénna jó cho̱yojo toro̱, ko̱jo ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón.

Xki̱ 29:1

»Ni̱xtjin tjoón sá xí ꞌmí Etanii̱n, ngojín xota̱ xi síndo na̱xi̱ńdá Israee̱l xi sa̱ꞌínxá, ta̱sá ngatamatikó tsi̱ꞌe̱ nga an sa̱ꞌíndikónna. Kui ni̱xtjii̱n ngatsꞌénkjánié tjioo̱, kó ko̱jo kui kjo̱a̱tjó xi je sa̱ꞌínkꞌasꞌienna ndyiojón ndyiojón ko̱jo xi sa̱ꞌínkꞌasꞌienna xki̱ sá, xota̱ Israee̱l chjiéngá sa̱ꞌínkꞌiénna ko̱jo ku̱i̱ꞌítí ngo cho̱yojo toro̱, ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón. »Nga ngo nga ngo kui cho̱yojo toroo̱ chjiéngá nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱, xi je kiniꞌánda̱ꞌyo̱ni isti̱, kó kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé. Bo̱a̱ tsꞌén nga tsja mana nga niꞌánkꞌasꞌienna kui kjo̱a̱tjoó.

Matioo̱ 11:28

Ndibáchonjnúꞌun ngayejejnú jún xota̱ xi je jendajnú nga kiniꞌánxájnú, ko̱jo xi ni xi é kichꞌiájnú, kó án xí sa̱ꞌin an nga si̱ꞌankjaꞌyájnú.

Ni xi kamá 10:4

Kó Korniee̱ ta̱ askotsijendárií kui ndítsjiee̱, kó achichí katsakjón nga asíyaá, sꞌe̱ bi̱ katsoó: –Mí xí machjieén Ndi̱a̱. Kósꞌe̱ bi̱ katsó ndítsjiee̱: –Nga tindokjo̱e̱e̱ Néná, ko̱jo nga tibosíke̱je ngayeje xota̱ ni̱ma̱ xi jmí to̱njiín, je jachó kui nii̱ ngindyi̱ko̱n Néná.

1 Xota̱ Korinto̱ 15:52

ngotjón chií, xikó maá tsi nga chjáxꞌá ko̱jo nga ꞌbíchjá ndyikón, bo̱a̱ tsꞌén sa̱síkjoyá, ngije kjo̱ni̱e̱ tjio xi fetꞌaa̱. Ngatꞌa̱ nga kjo̱ni̱e̱ tjioo̱, kjiꞌá boá nga ngayeje xota̱ xi je jesoón kjo̱a̱ꞌáꞌyaá tsi̱ꞌe̱ nga ngiti̱ ko̱yàjín, kó ñá sa̱si̱kjoyá.

1 Xota̱ Tesalónika̱ 4:16

Ngatꞌa̱ ko̱nda̱ꞌyá ngo nda̱ xi tsjá kjo̱a̱, kósꞌe̱ ku̱i̱chji̱a̱ ndítsjie ngito̱ko̱o̱, kó kjo̱ni̱e̱ tjioo̱ Néná, sꞌe̱ Ndi̱a̱ná kji̱ndi̱bájayani ndiꞌakꞌajmii̱, kó kui xota̱ xi sꞌijii̱n Kristoo̱ xi je jesoón, kuí xí tjón kjo̱a̱ꞌáꞌyaá.

1 Xota̱ Tesalónika̱ 4:18

Kó kuíni nga ja̱kꞌi̱e̱ ja̱ngaján te̱ꞌéngaꞌniújnúu̱ xingi̱jnú nga si̱ꞌankjiénjnú kui eén.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.