Titoo̱ 2:14 - Xo̱jo̱n eén Néná

¹⁴ kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Titoo̱ 2:14 ပူးပေါင်းရင်းမြစ်များ

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Xo̱jo̱n Salmoo̱ 130:8

¡Néná boá xi kꞌo̱xiéꞌá na̱xi̱ńdá Israee̱l kjo̱a̱a̱ ngayeje jé xi katsꞌén!

Xo̱jo̱n Salmoo̱ 135:4

¡Néná boá xi jaꞌájin na̱xi̱ńdá Israee̱l, tsi̱ꞌe̱ nga ngatsjéni̱xtjin nga kui xi ka̱ma xota̱ na̱xi̱ńdaá!

Éksondo̱ 15:16

¡Ngayeje kui xotaa̱, nga nda̱ ka̱maa̱ kó ꞌniú stsa̱kjonní! »Ne tsa̱ꞌa̱n, nga sku̱i̱e̱ ngaꞌniúu̱ achichí stsa̱kjonní, ¡kó nde ngiti̱ sa̱ꞌíntíyájín xikoó ndi̱jo̱o̱, ngaskande nga kjo̱a̱ꞌa xota̱ na̱xi̱ńdáa̱!

Lebitiko̱ 25:41

Kui noó kjo̱a̱ndeé ka̱ma kꞌuijñándé, kó kui ko̱jo ndií ka̱ma ko̱e̱je̱kꞌíndojo̱ nginí xkjín ko̱jo tsi ki̱a̱ ko̱e̱je̱kꞌíjñá nginí tꞌanangi xi kamá tsi̱ꞌe̱.

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 3:12

Jè tsꞌényaꞌa ngi̱ya tsja ni xi sa̱ꞌíntsjie to ndso̱ko̱a̱n ṉño̱paa̱n nga xín sa̱ꞌínkjaꞌa xtjieé. Kó kjo̱a̱ꞌátjó to ndso̱ko̱a̱n ṉño̱paa̱n ngi̱ndie nínga xi̱ndyiá, kó ku̱i̱ꞌítí xtjieé ngo ngi̱jii̱n ndiꞌí xi jmíni̱xtjin kꞌo̱.

Juaa̱ 10:15

xikótsꞌèn bena Na̱ꞌmina, an ti̱ bo̱a̱ ti̱ tsꞌén be an Na̱ꞌmina, kó an tsja an kjo̱a̱mindyionna ta̱ngatꞌanii̱ cho̱tsa̱nga̱na.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Ni xi kamá 15:14

Ximoo̱ íni̱jmìná kó katsꞌén Néná nga tjón tjón nga kamáni̱ma̱a̱ xota̱ xi jundío̱jiín, ko̱jo nga jaꞌájin nga na̱xi̱ńdá xi tsi̱ꞌe̱ Néná ku̱i̱chji̱a̱ni.

Ni xi kamá 15:9

kó Néná skjánjín tjítsꞌénná ñá ko̱jo kui jaá, ngatꞌa̱ ti̱ jè katsꞌéntsjie ini̱ma̱a̱ ngije kisꞌijii̱n Néná nga.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Ni xi kamá 9:36

Kui ni̱xtjin jàn na̱xi̱ńdá Jope̱ kisꞌijña ngo na̱ xi xota̱ tsi̱ꞌe̱ Kjisoo̱ xi ꞌmí Tabita̱ (na̱ Ndorka̱, tsó kui eén nga én ngriengo̱). Kó kui xota̱chjo̱on ngatsjéni̱xtjin katsꞌén ni xi nda, kó asíko̱jo xota̱ ni̱ma̱ xi jmí to̱njiín.

Xota̱ Ngalasia̱ 1:4

kui xi katsjá yojoo̱ nga kiniꞌánkꞌién ta̱ngatꞌanii̱ jéná, tsi̱ꞌe̱ nga kꞌo̱xiéꞌáná kui nga̱sondie xi ndajín xi tindyión kuí ni̱xtjii̱n, xikótsꞌèn kamámejeén Néná xí Na̱ꞌmii̱.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

Xota̱ Éfeso̱ 1:11

Xikó tsꞌén índa tjón tjón Néná, bo̱a̱ tsꞌén katsꞌénkjién Kristoo̱ tsi̱ꞌe̱ nga ko̱jo ji̱n jaꞌájinjne̱ nga katsjájne̱ ni xi tsja̱á ndií, ngatꞌa̱ Néná tsꞌénkjátjosón ngayeje ni xi mejeén nga sa̱ꞌín kuí.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

Ndeuteronomio̱ 14:2

jún boá kui xota̱ na̱xi̱ńdá xi Néná jè jaꞌájin, ngi̱jii̱n ngayeje xota̱ na̱xi̱ńdá xí tjín tꞌanangii̱, kó kuí boá xi ndokjo̱a̱nijnú».

Ndeuteronomio̱ 26:18

»Kó kjo̱a̱a̱ kui, Néná jè katsꞌénkjatjosón ni xi katsóyàtjón nga sa̱ꞌín, kó jè bo̱a̱ katsó nga jún boá xi xota̱ na̱xi̱ńdaá, kó nga chjiéngá ko̱nda̱ꞌyáꞌénjnúu̱ ngayeje nii̱.

Ndeuteronomio̱ 4:20

»Kjiꞌanga Néná tsꞌaxiéꞌájnú ki̱a̱ nangi Ejipto̱, bo̱a̱ katsꞌén ngatꞌa̱ xota̱ na̱xi̱ńdá xí tsi̱ꞌe̱ katsꞌénjnú jún.

Ndeuteronomio̱ 7:6

»Jún boá ngo xtín xota̱ na̱xi̱ńdá xi ndikón. Néná je jaꞌájinjnú ngi̱jii̱n kjín xota̱ na̱xi̱ńdá xí tjín nga̱sondiee̱, tsi̱ꞌe̱ nga jún xi ka̱majnú xota̱ xi ꞌniú tjó ngasee̱ kui.

1 Timoo̱ 1:15

Én xí ma niꞌánsꞌijin boá xi̱ꞌbi̱, kó chjiéngá ngayeje xota̱ xi sa̱ꞌínsꞌijin: Nga Kristo̱ Kjisoo̱ jeꞌe kui nga̱sondiee̱, tsi̱ꞌe̱ nga kꞌo̱xiéꞌá xota̱ jé. Kó án boá xi tjón an ngi̱jii̱n kui xota̱jeé.

1 Timoo̱ 2:10

Ni xi nda niꞌaán xí chjiéngá ngatándani yojoo̱, xikótsꞌèn tsoboaá nga tsꞌén ínchjín xi mejeén sa̱ꞌíndikón Néná.

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

1 Timoo̱ 6:18

Tatíxomée̱ xota̱ cho̱o̱n nga ni xi nda sa̱ꞌín, ngatꞌa̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱ꞌínkabisoón xotaa̱ ni xi tjiín.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 10:24

Kó ku̱i̱ndyi̱sé ndi̱yàa̱ kótsꞌèn ko̱si̱ko̱jó ja̱kꞌi̱e̱ ja̱ngaján xingi̱ nga kꞌuié ngasená kjo̱a̱tjó, ko̱jo nga ni xi nda xi si̱ꞌán.

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

Xo̱jo̱o̱n Sandiyaá 4:8

Ti̱ꞌantiñajnúu̱ yojojnú Néná, kó kui sa̱ꞌíntiñajnú yojoo̱. Jún xota̱ xi ndyi̱niꞌánjéjnú, ti̱ꞌantsjiejnú ndsa̱jnú. Kó jún xi jó ni tjíjii̱n ini̱ma̱jnú, ti̱ꞌantsjiejnú ini̱ma̱jnú.

1 Xo̱jo̱o̱n Peé 1:18

Ngatꞌa̱ jè yàjnú nga Néná íchjítjéjnú tsi̱ꞌe̱ nga ka̱mandéjnú kjo̱a̱a̱ kui kjo̱a̱mindyion ta̱xkiya xi kisꞌiejnú xi íjñájnú xota̱ xi xchájnú, kó nga kaꞌnaxiéꞌájnú jún, jmí tsi ni xi fotson xi kamáchjíní, xikoó tsi to̱nsinié, ko̱jo tsi to̱ntiboa.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 1:9

Ta̱nga tsi ndyi̱niꞌánkié yojoná nga tjínná jé, ka̱ma ka̱maꞌniátakón ñá nga kixi̱ boá Néná, tsi̱ꞌe̱ nga sa̱ꞌínjetakón jéná ko̱jo nga sa̱ꞌíntsjiejónná ngayeje ni xi ndajín xi tikónjinná.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,