Titoo̱ 1:10 - Xo̱jo̱n eén Néná

¹⁰ Ngatꞌa̱ achichí má xota̱ xi to̱kó tjín xi ntꞌiéꞌénjiín kjo̱a̱bokoyá xi ndaa̱, kui xota̱ xi chji̱a̱ én xi jmí ni chjíjiín, kó ꞌboṉcha̱jo xotaa̱, ngase má kui xota̱ jundío̱ xi bokoyá nga si̱ꞌan sirkunsisioo̱n.

Titoo̱ 1:10 ပူးပေါင်းရင်းမြစ်များ

Matioo̱ 23:14

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱niꞌánkjiéjnú ndiꞌaa̱ ínchjín kꞌán xi je kꞌien xi̱ꞌii̱n, kó ti̱xꞌi̱a̱n achichí ndojó ndyi̱niꞌánjnú énjnú nga ndyi̱ndokjo̱a̱jnúu̱ Néná. Ta̱ngatꞌanii̱ kui nii̱ nga tsie ngase ka̱majéjnú.

Ni xi kamá 11:2

Kó nga jachó nginí Peé na̱xi̱ńdáꞌniú Jerusale̱n já xí sꞌijii̱n nga chjiéngá si̱ꞌaa̱n sirkunsisioo̱n xotaa̱, tsi̱ꞌe̱ nga xota̱a̱ Néná ka̱ma, tsíchji̱a̱taꞌin Peé, kó bi̱ katsoó nga asíyaá:

Ni xi kamá 15:1

Kui ni̱xtjin jàn tjín xota̱ xi chji̱a̱ni nangi Jundea̱ xi kijí na̱xi̱ńdáꞌniú Antiokiya̱, kó ki̱a̱ ítsꞌi̱yanii̱ nga akóyaá ntsꞌiee̱ nga kjo̱tjoꞌajiín yojoo̱ tsi si̱ꞌánjiín sirkunsisioo̱n xikó kjiꞌi kjo̱a̱xchá xí íjñá Moisee̱.

Ni xi kamá 15:24

Jè kandaꞌyájne̱ nga tjín xota̱ xi ti̱ kꞌi̱e̱ jatjojinná, kui xi jmí kjo̱a̱ katseꞌéjiín, kó kui xi ndyi̱tsꞌènxtií ini̱ma̱jnú, nga katsangiya nga si̱ꞌánjnú sirkunsisioo̱n, ko̱jo nga si̱ꞌankjatjosónjnú kjo̱a̱kitii̱.

Ni xi kamá 20:29

Ngatꞌa̱ nga jè be an nga ngije kjuín án, kjo̱e̱ꞌe kje̱ꞌe xi xikó maá cho̱lobo̱ tamá nga ka̱mamejeén sa̱ꞌínkjié xota̱ na̱ngo̱xi̱i̱,

Xota̱ Ngalasia̱ 2:4

Kó ndatsi tjín já ntsꞌie xi maña̱ xi kijíjinꞌmaá xota̱ná, tsi̱ꞌe̱ nga skotsíjenꞌmaá kui kjo̱a̱ndeé kjo̱a̱kitii̱, xi katsjáná ñá xi sꞌijinná Kristo̱ Kjisoo̱, tsi̱ꞌe̱ nga kui jaá sa̱ꞌínná kjo̱a̱ꞌniú nga moso̱ xi kastiñaá kjo̱a̱kitii̱ sa̱ꞌínná.

Xota̱ Ngalasia̱ 3:1

Jún xota̱ Ngalasia̱, ¡mí xí ta̱ chi̱ninijnú! ꞌYá xí tsꞌenṉcha̱jojnú jún tsi̱ꞌe̱ nga ko̱nda̱ꞌyáꞌénjínjnúu̱ kui én xí ja̱koxi̱i̱. Ngatꞌa̱ jè akako cha̱n cha̱n xikoó tsi jún má xi kamáyàjnú kui Jesukristo̱ xi akjatꞌa kroo̱.

Xota̱ Éfeso̱ 4:14

Bo̱a̱ tsꞌén nga ngiti̱ xikójiín ngo ndí ka̱ma ñá xí ngotjón ngotjón bosíkjo ni xi tsꞌénkjó. Ka̱májín ta̱xkiya kongíntji̱ngí ngo kjo̱a̱bokoyá tja̱tsi̱e̱ xi skjiénná kó kꞌo̱ṉcha̱joná, kui xi bokoyá xota̱ maña̱ xi ndi̱yà xi ndajín tjimaá.

1 Timoo̱ 1:4

kui xi ndyi̱tsꞌènseén én xchá xi chji̱a̱ xotaa̱, ko̱jo xikótsꞌèn kjindibáni tji̱e̱e̱ xota̱ xi xchaá, ngatꞌa̱ ki̱a̱ ndibánií nga chji̱a̱ti xotaa̱, kó kui nii̱ bosikójojínná tsi̱ꞌe̱ nga xcha̱ ni xi índa Néná, ngototo nga sꞌijinná Néná nga xcha̱ kuí nii̱.

1 Timoo̱ 1:6

Tjín xí kichíyaá kui nii̱, kó kijítꞌaxín nga ta̱sá én xí ta̱xkiya kijítji̱ngi,

1 Timoo̱ 1:9

Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

2 Timoo̱ 3:13

Ta̱nga kui xota̱ xi ndajiín, ko̱jo xi ndyi̱ꞌbindísoó, ꞌniú ngase ndajín ka̱maa̱, nga kꞌo̱ṉcha̱ ko̱jo nga xꞌi̱ṉcha̱jo.

2 Timoo̱ 4:4

Kui xotaa̱ ngiti̱ ku̱i̱ntꞌièjiín én xí ja̱koxi̱i̱, kó ta̱sá ngayeje to̱ko̱ya én xchá xí sa̱ꞌínseén.

Titoo̱ 1:6

Xi ka̱ma xota̱ xi xchaá, kuí boá xi jmíjín xi chꞌo tsꞌén ku̱i̱chji̱a̱taꞌin, kui xi ta̱ ngo tsi chjo̱on tjiín, kui xi ndií sꞌijin ka̱maa̱ Néná, ko̱jo xi ndií kixi̱ kꞌuíndo, nga jmíjín xi chꞌo tsꞌén ku̱i̱chji̱a̱taꞌin, ko̱jo nga ku̱i̱ntꞌiéꞌén.

Xo̱jo̱o̱n Sandiyaá 1:26

Tsi tjín xí sꞌijii̱n nga ꞌniú bendikón Néná, ta̱nga tsi májiín ꞌbíꞌniuú na̱je̱n nga chji̱a̱, ti̱kuíní xi tsꞌénꞌboṉcha̱jo ini̱ma̱a̱, kó kjo̱a̱a̱ nga ꞌniú bendikón Néná tjítsoó yojoo̱, nde jmí ni chjíjiín kui nii̱.

1 Xo̱jo̱o̱n Juaa̱ 2:18

Jún ndí ndí tsa̱ꞌa̱n, kuí bí xi̱ꞌbi̱ ni̱xtjin xi je kjifetꞌaa̱, kó jún jè kandaꞌyájnú nga ndibá kondraa̱ Kristoo̱, kó ngotꞌe̱ ꞌne̱, achichí jè kjín má kondraa̱ Kristoo̱ xi je jatjokjaà, kuíni nga jè ya ñá nga kuí ni̱xtjii̱n xi je kjifetꞌaa̱.

1 Xo̱jo̱o̱n Juaa̱ 2:4

Kui xota̱ xi: “Jè be an kui” tsó, kó tsi tsꞌénkjátjosónjín kjo̱a̱botíxomaa̱, ndiso kuí xotaa̱, kó jmíjiín ni xi ja̱koxi̱i̱.

1 Xo̱jo̱o̱n Juaa̱ 4:1

Jún ndí ntsꞌie xi tjóna, ngata̱ niꞌánsꞌijinjínjnúu̱ ngayeje xota̱ xi bo̱a̱ ka̱tso̱ nga Néná katsꞌénkíchji̱a̱, ta̱sá chjátꞌayákónjnú kui A̱si̱énni̱xtjii̱n tsi tsi̱ꞌe̱ Néná, ngatꞌa̱ achichí má já chji̱ni̱e̱ꞌén ndiso xi je jatjokjà kuí nga̱sondiee̱.

Ni xi akakoo̱ 2:14

Ta̱nga tikón chiboana ni kondra̱ tse̱: nga ki̱a̱ síndoo̱ chiboa xota̱ xi mejénjiín nga kjo̱ta̱xi̱ín kjo̱a̱bokoyaá Balaa̱n, kui xi atíxomaa̱ Balaa̱k tsi̱ꞌe̱ nga katsꞌénjé xota̱ xi chji̱a̱ni Israee̱l, tsi̱ꞌe̱ nga iskjinie ni xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo kjo̱a̱a̱ nga katsꞌén kjo̱a̱tondo̱.

Ni xi akakoo̱ 2:6

Ta̱nga ndakjíꞌí nga chꞌoo̱ ni xi ndyi̱tsꞌèn xota̱ nikolaitaa̱, kui xi ko̱jo an chꞌóna nga.